佛法說空

佛法說空，易落空相。（即：既然甚麼都是空，那麼作姦犯科無惡不作也可，都是到頭來一場空。只要到最後能夠放得下就可以了。既然大家都是空，又為什麼要做善事呢？因為善事也是空。）

要不落空相，有兩點必須緊記。

第一，宇宙實體是有並不是空，是真實的存在。

若這個也不肯定的話，你的存在也不能肯定。

有些哲學家講，我們現今的世界只係一堆腦細胞或者電波嘅產物。世界根本不存在。就好像電影matrix一樣。我唔排除呢種講法，但係真係用呢種講法嘅話，那麼什麼也不用說。或者有機會再說。

第二，因果定律的存在。

就算佛說四大皆空，佛也不會否定因果定律的存在。只是好好的善用因果定律，種善因得善果，諸惡莫作。因果定律喺物理界非常之明顯及容易被證明。例如，煲水到攝氏100度就滾。

但因果定律去到人與人之間嘅交往就沒有那麼明顯。大家都知道你對人好唔代表人哋會對返你好，例如，早上你叫鄰居早晨，他可能不會向你打招呼。咁樣，係咪證明因果定律喺人與人之間並不存在呢？

用水滾為例，有時煲水到攝氏100度水也不滾，原因呢？你在高山山頂100度水並不會滾。因為當中涉及了氣壓問題，水滾除了溫度外還有其他因素影響。

人與人之間亦然，在一般情況底下你對人好人會對你好。但每個人都有不同情況，可能會影響個結局。例如鄰居今天有心事，所以無心情處理你的早晨，所以沒有回應。

所以簡單講，只要條件充足嘅話，因果定律係合適嘅。如果條件唔充足嘅話，無論物理定律或者人與人之間，因果定律都係唔會出現。

用使條件不充足，結果冇出現，但行善這個方向是沒錯的。