跟著孩子走

近來看到有些言論叫大家跟著孩子走。

明明孩子比我們成年人人生經驗少，知識，能力，經濟等等都不及，為甚麼要跟著孩子走？

是的，孩子在很多事情上不及成年人。思想看似幼稚。

但有一點，很重要的一點我們要知道：成年人活在今天，孩子是活在未來。

成年人看到今的景況，孩子看到未來。成年人看到今天的問題，而孩子看到的是未來的問題。

就一個例，我小時候已經知道地球污染的問題，我走上環保的路。但當時的成年人都不以為意。地球這麼大，能源那麼多，談甚麼污染？好好地搵多個錢啦，細路！

如果當年的成年人肯好好地聽我們這一班孩子，今天，我們便不要收拾今天地球這個垃圾崗，不需要巴黎公約。

活在未來的孩子清楚知道他們將會面對甚麼樣的世界，跟著孩子走，我們才能真正的面對問題，作出預防性的工作，而不是現在的修修補補工作。

Merry Christmas ?

對於一個非基督徒而言, 你為乜要慶祝聖誕節?耶穌出世關你乜事?就算信同一個上帝既 Muslin and Jews, 佢地都唔慶祝聖誕家啦. 

無錯, 你係多咗兩日假期, 講句 Happy Holiday (快樂假期) 同講句 good morning 一樣咪得啦.

賢士

今日，睇開古文見到個＂賢＂字，當然係指一Ｄ好叻，好有德行既人。通常Ｄ古文都會話見到賢士要尊重之餘又要禮待任用。

話時話古時人讀書少，有知識，有德行既就更少，因此，見到賢士真係唔應該放過。我地反觀現在，讀書人就非常之多，但係做得到野既人就少之又少，可以分憂獻計就真係萬中無一。所以，無論古人定現代人，搵到＂賢＂士就要好好留佢係身邊重用佢。

以前講＂賢＂，現代簡單一句，做到野既人。

老豆，你可以死得？

有一日，朋友問，佢阿媽問佢：想唔想阿媽長命Ｄ？
呢個問題佢阿媽已經問晒所有仔女。
我問佢點答？
佢話：阿媽，如果你活得開心我祝你長命百歲。
咁我話：咁你阿媽活我開唔開心丫？
唔開心
但係老人家話活得唔開心都可以有唔同意思。第一，佢可能希望多Ｄ attension，所以就成日話唔開心等Ｄ仔女多Ｄ關心佢，但其實佢唔係真係咁唔開心。第二，佢可能真係唔開心。
我相信阿媽真係唔開心，因為佢老，好多能力漸漸失去，所以我發覺佢真係唔開心。
就你咁講，你阿媽真係唔開心，而你又答你阿媽，如果你活得開心就祝佢長命百歲，咁你積係話比你阿媽知佢而家可以死得。
朋友無言.........


但我自己又係度諗，上年我返香港，老豆急病入醫院做手術。手術前佢透過阿嬸話佢好介懷我小時候佢比唔到一個幸福既家庭比我。（我諗佢怕死，因為佢都有講過擔心手術唔成功）
結果我就走去同老豆講，我細個既經歷同一般人唔同，唔係好開心，但呢Ｄ野，已經係過去，我而家唔會覺得唔開心，反而我覺得我經歷咗一Ｄ一般人無法經歷既事情。我已經放開咗，我叫我老豆都放開。
當時，我希望話比老豆知，唔好介懷，唔好有野係個心度，安心去做手術。而家諗返，咪等如同老豆講：你可以死得，因為你都無 unfinished business。

學術用書

搬屋發現自己原來有好多書，其中有好多好多係學術用書。但係，我相信，絕大部分既學術書係唔會再睇。理由一字咁淺，大學生又點會去溫小學書呢？

同一道理，呢批大學用書，已經唔再幫到我乜嘢，除咗比我作懷念之外。反而，公仔書我還會翻看，而家睇返都係會笑，正！

今日，有個大學教授係公司講學，我聽咗一陣就走人。理由，佢咪一本大學書。

火紅的心

青年人都有一果火紅的心，事事追求完美，因為他們眼界未開，見得世面少。

成年人都圓融滑頭，事事妥協，因為他們認清世態，見到世面。

所以成年人都喜歡向青年人講一個真實話：大了你就會明白。

縱使是真話，是否帶了點悲涼？

時間的謎思

事情的發展不是跟進時間，而是事件的次序。

一件工程的完成並不是跟隨時間而是一步步的事工。

一件工程不是三個月完成，而是完成事工一，二，三，四........直至最後一個事工。

就如讀書一樣，由一年級，二年級...小學...中學...大學...。如果你一年級的程度也沒有，硬要你去到讀二年級或更高也是浪費時間和精神。但事實上，誰可以肯定你一年內可以完成一年級的課程？有些人用了比一般人多的時間去讀小學，但一入大學就就可以用最短既時間完成博士課程。
 
時間運用於事情上只是一個估計約數而不是一個肯定數亦不可用來作控制因素。