幾百年前或千多年前。
假設你隻身去旅行，到了一個新地方。在中途結識到一個朋友，一起結伴遊玩了幾個月（係呀，古時，無汽車，飛機，遊船，去一次旅行應該都係半年以上）。
玩完了，要分手了，你估你仲有無機會在有生之年再見到呢位朋友呢？
今時今日，留個電話號碼，留個 e貓，留個 whatsapp，留乜都得，分手等如無分。返屋企後你又可再約呢個朋友下次一齊去邊度再玩過。
但以前，有郵遞同無沒大分別。加上只有字沒圖沒片。地址又唔清楚，郵差又隨時在途中出事，好多時都係村裏有人出開去才幫到你。所以，係咁既情況下，在旅程最後一日，你又點會唔會作詩痛哭一番呢？你又點唔會覺得同呢個朋友生離死別，相見恨晚呢？若然，幾年後你朋友千里條條去到搵你，你又點會唔將個妹嫁比佢呢？
朋友，係古時同現今，真係好唔同。
地球村，這一個概念在我小時侯已經出現，一直運作直至現在。但原來地球村只是一個共富貴的 concept，從一個口罩就顯現了出來。
在武漢肺炎爆發後，個人保護用品即時被搶購，最熱門的是口罩，各國甚至派專人搭飛機到別國搶購。沒有生產口罩的到有口罩生產國搶，有疫情的到還未有疫情的國家搶。最後，口罩被各國納入為“必需品”，不可隨便賣出國。沒有口罩生產的國家就如坐鏈氈，束手無策，坐以待斃。為求自保，有些國家即時購買口罩製造機器，自行生產口罩，縱使是舊機，或只可製造次等口罩。
一個口罩就刺中了地球村的弱點。一個口罩就看到各國領導的幼稚。因為利潤低，污染，等等問題，把生活必須品，生存必須品放在別人手上，只能在富貴期間才可做的。
疫情進入疫苗階段，同樣的問題再次出現。跟著的應該是特效藥了。
希望國家的領袖能深切得到教訓。
如果，你影相後都喜歡改相 (電腦 or APP)，那麼你買一部 high end camera 為乜？
同一道理，買部8K電視為了睇到演員面上的粒粒？睇到原野景色 (btw, 電視上的是加了色，並不是原野真本色，原野顏色那有這麼鮮艷？)
過百萬 HiFi 為了聽到如真實的浪聲 (為何不到海邊聽？) 要聽到樂器真聲？不如去演奏會吧？事實上這些沒失真的聲音或音樂都是以數碼修改後的產物。既然已修收了，又何需百萬 HiFi 呢？
另外，無論你部 HiFi 幾堅，就算 0 失真，你只是可以聽到你隻唱片或CD上的最好的音質。即是話，如果你隻唱片製作時粗糙，唔通你可以聽到天籟咩？你又認為在唱片/CD製作上真係可以百份百將聲音錄下來？再加埋，咪又係數碼改過晒 !
