「阿媽係女人」

「阿媽係女人」我地都認為係廢話。

但今時今日，呢句話都好正面同實質意義。

例如：有一日你老豆突然同你講「你阿媽可能係女人或者可能係男人」。又或者講「你阿媽其實係男人」。我好相信你好會好開心聽到你老豆講呢一句廢話：「你阿媽係女人」。

在工作上亦是如是。你老板講一D你阿媽係女人之類既說話其實都好正面，因為你老板正正就係話比你知你應該點樣做，邊個先係正確方向（縱使係老板的期望，但起碼你知佢想乜）。最怕D老板無立場，你做A佢又話你，你做B佢又話你，你做乜Q都話你。（其實而家越來越多呢類唔自己都知點既老板）

有時廢話其實一Ｄ都唔廢，睇你點理解同分析。