阿媽係女人

同朋友吹開水，傾開阿媽係女人。無他，其實講來講去是：如果小時侯學理財現在生活就沒有那麼辛苦。

最簡單就是廿多三十年前，如果你用十多萬買了一個單位（樓），今時今日賣出去，真係即刻提早退休。想來想去，以前父母只會叫子女多讀書，入大學，出來搵份好工。現在大學讀完，工亦打緊，但係都係餐搵餐食餐餐清，那裡有像父母所講的好日子？到現在才知道，應該小時候就要乎理財，善用利事錢和零用錢作投資。現在相信已經可以印印腳過退休生活。

最後結論是：只怪當年父母沒有好好指導，現在的回想起來，只講一聲原來阿媽係女人，為乜我而家先知。

不過做人要懂得舉一反三。你阿媽係女人，已經係以前既事，以前既事唔好再想咁多否則壞腦。但你又應該知道，其實你阿爸係男人。咁，你就要拿拿聲做野，唔好等到十幾年後又吹水大嘆原來你發現你阿爸係男人。

已經蠢了一次，唔好有第二次啦。