佛性

跟進上次講關於空，食即是空空即是色，色受想行識亦復如是。

呢度講色受想行識都係空，我嘅理解係。因為色受想行識本身唔係本體只不過係作用。即係佛性嘅作用。

佛性嘅本體係乜嘢？

引用道德經第一句，道可道，非常道。我嘅理解係，大道嘅本體係唔可以講得到嘅，講得到的只不過係大道嘅作用並唔係佢嘅本體。例如宇宙，地球，人類，社會，生物等等等等。都係大道作用嘅結果，係可以睇得到嘅或者了解得到。

佛性係本體並唔係作用，色受想行識先至係作用。所以色受想行識可以了解得到，但佛性本體就冇辦法了解。

如果我哋想用色受想行識倒轉推考佛性嘅本體亦係唔可能嘅。因為色受想行識只係佛性本體作用嘅其中一環，就憑一環想去了解全部係唔可能嘅。

正如道德經所講，道生一，一生二，二生三，三生萬物。就憑萬物裏面嘅一二，我哋就想了解到大道本體係唔可能嘅。

所以般若經裡面講，如果要了解呢個佛性本體，呢個空，係要用妙智慧並唔係我哋一般嘅智慧。如果禪宗講就係要悟，並唔係一般推敲同埋了解。至於妙智慧係乜嘢，我唔識。我唯一相信嘅係，我而家又喺彼岸我而家亦都喺此岸。究竟我喺此案定係俾案就要睇我呢一刻嘅心，如果我嘅色受想行識未能夠空我就喺此岸，色受想行識無時無刻都存在，但如果我唔受色受想行識影響，保持係空嘅狀態，咁我就喺彼岸。

我記得柏拉圖曾經講過，事物嘅本體係冇辦法被理解嘅。佢用咗一個山洞例子為例，佢假設我哋都坐喺個黑漆漆的山洞裡面，我哋嘅背後點咗一團火，因此我哋可以見到前面我地嘅影，但係我哋見唔到自己嘅樣，即係本體。然而，我哋無可能透過我自己黑色的影而了解到我自己個樣。