還有什麼需要買？

12月31日年底了，入了去一間大型電器公司，發現很多貨品都想買，可以買，但同時亦發現，沒有一件物品是需要買。現在的心態就是這樣，生活就是這樣的平淡。很好。

do u believe santa exist?

do u believe santa exist?

if you believe god exist, why i can't believe santa exist?

if you believe jesus can perform miracle, why i can't believe santa has magic?

ho ho ho

祈禱versus檢討

某些宗教人士當遇到問題時總是喜歡祈禱，

事實上，當我們遇到問題時應該要檢討。

軍士農工商

以前讀歷史，常常聽到士農工商，一個國家把人分了4級，開議士大夫為首是農民其次工人最後是商人。

近來英女皇駕崩，所有皇室成員出席喪禮時都是著軍服。其中帶出了一個明確的信息。一個國家將人民分類的等級不是士農工商，而是軍士農工商，軍人永遠排第一位。歷史書沒有寫但事實卻正正擺在眼前。只是做君王的奸狡。

農工商如何排法沒關，排序可以因應當其時的情況而調動，而最重要是軍第一。

How the decision was made

Ask "how the decision was made" instead of how to make the decision

More informative is collected in order to know how one really think but not how oneself think how he think.

Say NO 要多謝

Thanks. 

得就得唔得就唔得，唔好解釋咁多，唔好玩嘢。

他會很長壽

同同事傾開偈講開呢個社會都唔fair。

同事回答：呢個世界係咁㗎啦，呢個世界邊度有fair？

我相信呢個同事一定會好長壽

童話故事一則

童話故事，幾得意。

R.I.P.

To Queen Elizabeth II

Thank you for your services.

R.I.P.

2021.07.14

 1. 25 21係一齣令人好傷感嘅愛情劇集。當然除了愛情線還有其他發展嘅線路，例如個人奮鬥成長路線。

2. 25 21其中一個成功嘅原因係，導演或者編劇喺第一集嘅時候就已經清楚話畀你知，呢一對戀人最後係唔會喺埋一齊。所以大家嘅集中力就係去了解點解最後佢哋唔能夠係咪一齊。同一般愛情片集唔同，一般愛情片集通常就係觀眾睇下呢對戀人最後是否可以喺埋一齊還是唔會係咪一齊，大家追劇無非就係睇最後嘅結局。

25 21嘅拍攝手法，到最後會令到所有觀眾有好大嘅壓力同埋傷感，原因係觀眾同主角一齊成長經歷咗無數嘅時間，衝破種種難關種種障礙，但最後故事主角都唔能夠係咪一齊，所以帶出嚟嘅壓力係非常之大，非常傷感，觀眾唔係好能夠接受故事嘅結局。所以導演同編劇嘅功力係非同小可。

3. 另外25 21令到我開始想寫日記。我有寫日誌嘅習慣但唔係日記。我嘅日誌主要係寫一啲我對近來發生事情嘅睇法，所以唔係日日寫，因為唔係日日都有特別事發生，而發生嘅事未必有令我想思考嘅地方。

但日記係只係記錄每天發生嘅平常事，當然裏面包括反省同檢討。日記除了紀錄每天發生嘅鎖碎事之外，最重要係記錄自己嘅反省同檢討。呢一個過程就係記錄咗我個人嘅成長。對檢討我個人成長發揮莫大功能。

Twenty Five Twenty One

上星期睇完一齣電視連續劇：25 21

故事大致係講述一對年青人如何透過互相支持之下去追求自己嘅夢想。當中當然包括愛情線。

我睇完成套劇集之後，即時從第一集重新開始再睇過。

我內心被一股不知名嘅感覺以圍繞著。我初頭以為係因為我對劇集裏面嘅男女主角最後唔能夠在一起唔滿意。係呀，佢兩個真係已經好努力但係最後都唔能夠喺埋一齊，實在令人有點氣憤。但從睇嘅時候我開始發現，我嘅情緒激動並唔係單單因為呢一個愛情故事既ending。個ending最令我唔忿氣嘅地方係：兩個追求夢想嘅人為咗追求導自己嘅夢想，最後係要分手。亦即係話愛情同夢想係唔能夠一齊存在。反而片中另外一對，女方一直追求夢想但男方做人冇乜所謂，所以可以畀好多時間喺女方身上，結果佢哋就可以開心快活再一齊。

片中兩個主角，為著自己嘅理想不斷努力。原來我畀佢哋呢兩個嘅努力感動咗。原來一個人嘅努力係可以感動/染另外一個人，片中好明顯拍了出來，同時亦都感染到觀眾。當然導演手法唔簡單，但演員嘅功力亦都非常利害。

我內心仲未能夠完全整理成齣戲，現在只係寫咗個開頭，希望未來可以寫埋個結局。

我是 Master 畢業的

夥記對著老闆講，我是 master 畢業的。夥記在心中其實想說什麼？

大家都知道，工作能力表現同你的學歷並非直接掛鉤。

大家都知道，你搵到幾多錢同你的學歷並非直接掛鉤。

大家都知道，在工作上你擁有的權力同你的合力並非直接掛鉤。

李嘉誠說了一句很好的話，我小學畢業，那些博士生都是幫我打工的。

這些說話大家都清楚知道，但為何夥記還會對著老闆說我是 master 畢業的？

是個人的自尊問題嗎？

是個人的自信問題嗎？

是個人的際遇問題嗎？

是被委屈了嗎？

姑勿論結論如何，我只知道夥記的 EQ 不夠 :D

科學電視節目

我很喜歡看科學電視節目

小時候喜歡看科學電視節目因為能夠增長知識。

現在喜歡看科學電視節目因為除了能夠增長知識之外，科學節目內容所談及絕不涉及人類感情。在這一刻我感覺像脫離了人世間的煩惱，以一個純粹的心去了解大自然奇妙的運作。

看科學節目的時候就像在淨化自己的心靈，將自己從煩囂的世界中抽離。獲得一種不可言喻的寧靜感。

童話故事的悲哀

童話故事的悲哀在於大家都很喜歡童話故事。

大家都很喜歡童話故事在於大家都知道童話故事不會在現實裏出現。

大家渴求的事物不會在現實裏出現就只好走到故事裏面。縱使不是真實但也求得一個感覺良好。

朋友與金錢

今日看了一齣電視劇，內容大致是講，一個朋友（中學同學）回鄉後想同另一個朋友借錢。同鄉的朋友都勸這個有錢的同學不要藉錢給這個回鄉的同學。因為這個回鄉的同學在外借了很多錢，他們相信這個回鄉的同學是回來騙錢的。故事最後這個有錢的同學沒有把錢借出。

但他開心嗎？

他在想，究竟錢同朋友那一個重要？好明顯他的行為表了金錢俾朋友仲要。朋友有困難時想到自己的朋友希望他們能夠幫自己，在中學的時候是天經地義的事。人大了反而覺得金錢畀友誼還重要。打自己有限的朋友拒諸門外。

那個回鄉的朋友要藉錢的原因是希望幫自己的女兒完成夢想。

以自由換下來的安逸

今日行商場，見到一對父母帶著一對仔女。姐姐應該是幼稚園生，弟弟未夠年齡入幼稚園。父母帶著一架三輪手推車，爸爸嘗試把兒子放到手推車上姐姐即時怒目而視。最後爸爸抱起兒子行開，姐姐即時衝上去坐在手推車上。最後由媽媽推著這架手推車。

這是一個簡單的故事，但各人對故事的演繹各有不同。我是這樣想的，若果姐姐唔坐在手推車上，他的活動自由空間是很大的。但一旦坐在手推車上，他的自由就獻給了他母親，母親要推他去哪裏我就去哪裏，在沒有選擇的餘地。人一旦得到安逸就容易放棄了自由。

難怪很多父母都用金錢，食物，住宿去把子女綁在身邊。而最有趣的事，很多個案都是成功的。

科學

現今人類，絕大部都在享受科學的成果。就你現在看的電腦，穿的衣等等都是科學的產物。但有趣的事，現今人類去處理問題時都不是用一個科學的方法科學的精神。

前塵往事之大笪地

大笪地對一般香港人嚟講就係平民夜總會。原因好簡單，大笪地有嘢食，有嘢聽，但係價錢平。完全適合一般平民嘅消費能力。

對於我嚟講，雖然我都鍾意喺大笪地食嘢，完全無他嘅合乎我嘅經濟能力。但大笪地除咗飲飲食食之外其實仲有好多嘢。例如會有人賣藥，有人賣啲古靈精怪嘢，算命睇相，街頭賣藝，多到你唔信。我喺大笪地做咗一件好特別嘅事，就係度身做褲。

細細個嘅時候啲返學褲通常都係去國貨公司買，當然係因為價錢平關係，合符我哋一般嘅平民負擔能力。但大家都知道，國貨公司的貨有幾“形”，真係好撚形㗎。如果想買啲好的話，無論款式或者質地就要買來佬貨，但係來佬貨嘅價錢真係唔少嘢㗎，對於我哋一般嘅平民而言又邊度買得起呢？

後來我有個朋友或者係同學喇同我講，其實想做褲可以去大笪地試試。一來平二來形。於是乎我就去試下。我是但搵咗個做衫嘅檔口，老師傅真係同我度身㗎（當聚)，度完之後就係揀布料揀顏色。揀完後個師傅同我講：你畀低錢啦下個星期嚟攞就得啦。雖然我都半信半疑，但因為始終係細路就聽師父講放低錢走咗。一個星期就返去搵返個師傅個檔口，佢果重然喺度，同時我條褲都係度。喺大笪地梗係冇得試啦，一地都係人真係畀人睇住你除褲著褲咩。拎到返屋企，一試果然非常合身。度身訂做嘅係唔同啲嘅。

其實大笪地對我嚟講真係有好多值得懷念嘅事，但對於一啲中上階層嘅人嚟講佢哋係唔會明㗎。當年香港政府要剷走大笪地，其實就係直接鏟走咗我嘅記憶，我心裏面真係有啲難過。

珍係好少有

有一個幾到肉既講法：人類珍惜和平，因為少有。

根據呢一個講話，良心，性善，好人好事都係好少有。

人生意義

很多人都問或問過人生意義。

但有沒有人想過，若果他們找到自己的人生意義，他們會不會想跟著這個意義走 (做人）？

人生沒有意義可以給與人一個可創造的可能性。若人生有意義，那個意義必然是現存的框架中。除非人生意義就是創造人類未來。

布施是沒有功德的

開名布施常常被解說為沽名釣譽。匿名布施雖然沒有沽名釣譽，但是始終是令到自己感覺良好，刷存在感。

布施是因，布施時及之後感覺良好或脫離罪疚感或責任感，那種良好的感覺，已經是布施的果。

所以布施是沒有功德的。

自由國家

自由國家可以看到假新聞，而極權國家只可以看到假新聞。

自由國家的人民需很辛苦要用腦，而極權國家很體貼唔想人民用腦。

民不畏死 奈何以死惧之

民不畏死 奈何以死惧之，字面意義很簡單。

烏克蘭與俄羅斯戰爭中，對這句說話體驗更深。

俄傳出準備核武，當全世界人聽到這句說話都產生恐懼，但烏克蘭人絕不恐懼。原因明白顯淺，對於烏克蘭人而言，你帶機關槍坦克車攻打烏克蘭，烏克蘭人民最壞的後果是死亡。如果俄羅斯發動核子戰爭，烏克蘭人民最壞的後果也是死亡。畀機關槍打死或者畀核彈炸死，結局都是死亡。

如果烏克蘭人民一開始就打算以死反抗，不畏懼死亡上戰場。俄羅斯用什麼武器又有甚麼分別呢？

武肺疫苗進化史

喺武漢肺炎經歷了已經兩年多，我希望係疫苗使用上有一個小總結，內容係關於“打唔打疫苗”的論據s

武漢肺炎剛剛開始的時候，市民就問一個問題：究竟有無疫苗？幾個月之後。就有幾隻疫苗跑咗出嚟。咁快就有疫苗本來好似係好事，但跟住大家就問：疫苗有無效？

疫苗有效數據，疫苗有冇副作用

喺呢個問題上，有部分藥廠就會講有幾多個percent係有效，例如99%有效1%無效，當然有部分藥廠係連啲數據都唔敢見人。呢個99比1係咩意思呢？最簡單嘅解釋就係，100個人打咗呢隻疫苗有99個人有效1個無效。但大家要留意，呢個99比1係以整體來講，即係以一班人為一個單位，並唔係個別來講。如果從一個人個別來講，疫苗對你有效的話你就係100%有效，如果疫苗對你無效你就係100%無效，所以個人而言係無99比1，只有100%有效或100%無效，而唔會出現喺你身上有99%有效1%無效嘅情況。如果你打疫苗嘅時候，係本著希望自己係嗰99%個人其中之一，咁嘅情況底下，你唔係講緊科學，你係講緊賭博。因為你只係希望搏一搏你係嗰99%分之1。

打咗好過唔打

跟住有人/政府就講，有效當然好，但無效都無壞啫，所以結論就係打咗好過唔打，但點解都有咁多人唔敢打。原因就係因為打疫苗係有副作用嘅，而因為隻疫苗太新太快面世大家都好驚唔知道有乜嘢有意想不到的副作用，尤其是有兩隻疫苗係講到明用新科技製造，好多副作用根本唔知道，即時嘅副作用當然會好快見到，但係好長遠嘅副作用好多時候幾年甚至乎幾十年之後先知道。科學數據唔多，到市民接種疫苗最後都係膽駁膽。

政府搬龍門為咗令到市民安心肯定打疫苗，就將個波交咗畀家庭醫生。叫大家到家庭醫生check check，問一問合唔合適打疫苗。事實上大家都知道，唔會有一位家庭醫生肯話畀你聽你既身體絕對適合打疫苗又或者話畀你聽你身體絕對唔適合打疫苗。因為班醫生並唔係傻仔。第一，隻疫苗本身對醫生嚟講都係新嘅，佢得到既資料可能同一般市民所得到嘅係一樣。第二，醫生對你嘅身體狀況其實唔係真係好了解。醫生無錯會有你嘅醫療紀錄，但係呢啲嘅紀錄都係以前嘅紀錄。如果佢要知道你今日嘅狀況醫生係要同你做全身檢查。但係大家都知道就算係全身檢查並唔係真係乜嘢都可以查晒出嚟。我哋嘅醫療檢查並唔係想象中咁先進。第三，家庭醫生並唔係傳染病學專家，其實佢對隻武肺同埋啲疫苗都的知識係一般般。所以家庭醫生死都唔會講你適唔適合打疫苗。

好處大個壞處

後來政府推銷疫苗俗稱谷針，就宣傳打疫苗好處大個壞處。係呢個口號上面大家要好小心留意，所謂好處係指乜嘢，所謂壞處又係指乜嘢。疫苗嘅好處就係，係中招之後會減輕你嘅病徵即係冇咁辛苦，又或者減低死亡率。另外，有人講疫苗可以預防傳染。但對於武漢肺炎來講，打完疫苗可以預防傳染係唔成立，無說服力（有啲其他病毒的疫苗係可以做到預防傳染嘅，不過唔係武漢肺炎疫苗）。所以武漢肺炎嘅疫苗只有一個功能，就係中招後你冇咁辛苦或者冇咁易死。咁至於壞處呢？說係之前講嘅副作用又或者因為接種疫苗後產生嘅其他併發症，例如血管栓塞，科學家都無辦法完全證實。咁結果係合理嘅，因為時間實在太少啦。但問題就係，既然我哋冇辦法證明所有嘅壞處，我哋又憑乜嘢講好處大個壞處呢？好唔科學。

就我個人嚟講，我覺得用好處大個壞處呢個論據只有一個情況下可以成立。就係呢一刻你唔打疫苗下一秒鐘你會即死。喺呢種冇其他選擇嘅情況底下，我哋就會運用好處大個壞處去做決定。但我哋反觀武漢肺炎，其實唔打針係咪唔可以避免到感染呢？當然我哋有好多辦法可以避免感染。如果我哋避免到感染，咁又使乜介意中招之後會好辛苦呢？因為根本唔會中招。事實上好多市民亦都明白到， 戴口罩，勤洗手，避免人與人之間嘅接觸，就已經足夠解決咗中招嘅機會。例如早期我哋發現老人家中左武漢肺炎死亡率極高，但係老人家並唔係傻嘅，當佢哋知道呢個事實之後，個個匿喺屋企唔出街，根本冇中招嘅機會，老人死亡率跟住大大下降。

最先打到嘅就係最好嘅疫苗

事情發展到市面上有幾種疫苗，當然有啲好啲有啲差啲，好啲嘅大把人去打，打到冇得打，差啲嘅就留番曬喺度都冇人打。於是乎政府既口號又改變，最先打到嘅疫苗就係最好嘅疫苗。聽落都知道好白痴啦。既然幾種疫苗本身都有優劣，咁點會最先打嗰支就係最好呢？

當然政府最想講嘅係，渣渣地嘅都係疫苗，都有一定嘅保護。但係重點都係之前所講嘅，如果我可以小心預防感染，又使乜去趕住去打支渣渣地既疫苗呢？市民大可以慢慢耐心等待到最好嗰支有貨先至去打。

唔打疫苗冇公德心

好啦市民真係去等，唔打住，啲人又話你冇公德心啦。論據係，因為你唔打疫苗你會將啲病毒傳畀人哋。但係事實上個道理係，第一，你唔中招有點嘢畀人呢，第二，打咗疫苗都會中招㗎，都會嘢畀其他人。所以會唔會中招同埋會唔會嘢畀其他人，打唔打疫苗係冇關，而係會同個人操守有關係。我見過好多人以為打完疫苗就天下無敵口罩都唔帶，周圍約人出去玩。我覺得呢啲先係唔負責任冇公德心。佢哋好似唔記得咗，疫苗唔係氣牆唔係金鐘罩。

唔打疫苗要自費醫療

仲有啲人/政府講，唔打疫苗嘅如果中咗招要自費醫療，因為市民大眾係唔應該負擔呢一班人嘅醫療費用。如果呢個講法係成立嘅話， 基本上所有醫療系統會即時崩潰。因為運用同一個道理我哋可以問以下嘅問題，因為吸煙而引致其他身體問題係唔係可以要佢自費醫療？因為貪食引致肥胖所引致身體出現問題係唔係可以要佢哋自費醫療？喜歡玩高危遊戲引致身體受傷係唔係可以要求佢哋自費醫療？宅男低頭族長期唔做運動身體出現問題係唔係可以要求佢哋自費醫療？如此類推。如果政府解答唔到呢類嘅問題，佢哋就唔應該問冇打疫苗嘅人收返醫療費用。

唔打疫苗會失業

谷針最後絕招。唔打針冇得出街食飯，唔打針冇得去睇戲，唔打針冇得去參加聚會，唔打針冇得去老人院探阿媽探阿爸，最後，唔打針會失業。而最重要嘅係，打咗針嘅人會繼續中招繼續傳染。咁點解唔打針但係冇感染亦都冇傳染畀其他人要受到懲罰呢？而打咗針但係感染左右傳染畀人嘅點解唔使受罰呢？

My Body my control

好啦政府去到咁野蠻。市民唯有上街大叫My Body my control，I have freedom。

我嘅文章唔係主張叫大家唔打疫苗，我只係希望大家理性對去面對武漢肺炎同埋疫苗。如果人人唔自律，唔檢點，你打乜嘢疫苗都冇用。

後真相追加

後真相的興起是因為真相越來越站不住腳。lack of a solid source/proof。事實上，真相從來都不容易被找到，幾千年的哲學每天都在尋找真相，到了今天，我們知道的真相有多少。

舉一個例子。耶穌是否存在，相對比較容易證實。於聖經內所述耶穌所做的一切，相對較難比證實。耶穌本著甚麼心態（博愛）去做這些事情，簡直無法證實。於是乎到後來可以說是各自說各話。

以前真相是由一個肯定的 source來決定。例如，聖經是這樣說的，宗教領袖是這樣說的，國家領袖是這樣說的，老板是這樣說的，專家是這樣說的，報紙是這樣說的等等。當人們相信這個 source，那麼我們就不會懷疑其內容，他說的就是真。就例如當我們相信宗教，耶穌所做的一切就是真。用現今語就是擁有話語權。

到現今世間，那張報紙所述的真？那個國家領袖所說是真？那個國際組織所述是真？這些一切一切的source都站不住腳了。一來，他們互相攻擊，互相推翻對方的論據。二來，多得互聯網，消息較容易獲取，不同意見亦容易交流，在沒有一個大台時，一般市民還會相信有肯定的真相嗎？

前塵往事：潘小鳳

在FB上看到一個名字：潘小鳳。這個名字很熟，對啊，是我小學的同學。

因為我們身高差不多，所以在班上潘小鳳坐在我隔離。我們交情都幾好，有傾有講，借功課抄，算係唔錯。但小息就各自搵食（玩），始終男仔唔同女仔玩，女仔唔同男仔玩係小學規矩。

潘小鳳令我最印象深刻係：佢係一個大美人（小學應該叫小美人）。當然係全班最靚（小學生標準）。點靚，一個字講晒：白，係白裡透紅。唔明點解佢都出去操場玩但就一啲都晒唔黑，我就一舊灰佢就一片雪，真離奇。

小學升中，大家被派去唔同既學校，我唔知佢去邊間讀，始終只係小學生，唔識得問保持聯絡，或者我就係個咁既人，傻下傻下唔想明日事。咁就失聯了。但到中六那年，我就係租唱片鋪見到佢。佢係租唱片鋪打工，係呀，以前唱片有得租家，唔係邊有咁多錢聽歌。

當時，佢一樣咁靚，一樣笑得好甜。但係我當時就群埋一班麻甩仔玩，日日掛住聽歌吹水。問世間情是何物？我一概唔知，亦唔好攪我。最緊要係攪機（唱機）。幾個月後，佢就唔係度做。見返佢後我無問佢攞電話（全無動機），所以又失聯了。

講返FB上面既潘小鳳，人大了就懂得要聯系，我就message佢確認一下係咪自己小學同學。好可惜唔係。潘小鳳呢個名咁冷門都有同名同姓。

Pandemic Fatigue

Pandemic Fatigue vs Pandemic Anger

疫症爆發後，好多政府／專家都提醒大家 Pandemic Fatigue。大概係疫情拖太久市民就會有疲勞。

但我自己覺得，應該叫 Pandemic Anger 才真。因為，市民開始對疫情有認識，知道政府好多政策其實有搵笨和靜靜地收緊市民自由和控制市民之可能。人民都開始憤怒了。

小孩子是屬於未來的

今天是2022年，假設你於2020年生了一個小孩子，今年他／她已經2歲。於2050年時，小孩子是30歲的壯年。若果小孩子活得平平穩穩，於2100年，他將會是一個80歲的健康老人。

現在，身為一個2歲小孩的父母。你知不知道2050年是一個怎樣的世界？社會，科技，工商，國際等等將會是怎麼樣？那麼，2100年呢？是一個怎樣的世界？若然不知道，那麼你認為要傳授什麼東西給你的小孩子，使他能面對未來78年不明確的世界？

這是一個為人父母對子女教育上都必需深思的問題。

相信

人類，是唯一一種動物可以依靠信念去建立社會。我們的相信資本主義，共產主義，宗教，團體，國家，銀行，商業等等。人類社會，基本上是以一個信字去建立起來的。

為甚麼你認為資本主義，共產主義是行得通？

為甚麼你認為真的有宗教和神存在？

為甚麼你認為國家是保護，保障你？

為甚麼你認為手上的銀紙是有價值的？

這些一切一切都是因為一個相信。一旦當大家相信，似乎就可以繼續下去。

後真相

人類，天天說追求真相。然而，真相是否這麼容易求得？

同一件事，每一個人對其認知和理解都不一樣。那麼，誰的理解是真？在沒有絕對真的時候，為了實用，接受“較真”（或者是“共真”，共認為是事實之真相），就是大多數人的共識，當然這裡不是說絕對的而是大家認為“事情差不多就是這樣的”的講法，即大多數人的差不多的理解。

根據這個講法，若果，大多數人都共同相信一個不真（在這裡不用假這個字）的事實，那麼，不真的就變成較真，即等如真？

然而在現實世界，天天都是這樣。無論是社會，經濟，民生，福利，政治，宗教，商業，教育，家庭，朋友等等。這種大家相信就變成真的現象無處不在。

這種，由不真相信為較真，再相信為真的情況，我們可說是後真相。

宗教還有位置嗎？

一個精巧的木匠，他沒法精巧地處理醫療的問題。一個醫術精明的醫生無法解決建築一座大廈的問題。

當我們面對問題時，首先就是要找對合適的範籌。要吃找廚司，要穿找裁縫。

攪經濟當然要找經濟有關人仕，要攪國家就找政治人，而絕不是找宗教。現今社會已經分門別類很仔細，宗教，事實上都沒有什麼位置。

有病找醫生，大自然天氣找科學家，人際找輸導。

古時，宗教真的是一個百搭，任何解釋不到的都可以找宗教，因為宗教有一個全能的神，一個不可知的神，一個估量不到的神，一個有脾氣的神。你成功就因為它高興，你失敗因為它不高興，但它什麼時高興不高興你是估不到的，哈！

Matrix

Matrix 入面，好多時都係講到 Neo 係幾咁無敵，又飛又跳，勁有超能力。但大家唔好唔記得呢D超能力都只可以係 Matrix 入面出現。一離開 Matrix 返回現實，能力就同一般人一樣。

所以 Neo/人類要威都只可以係 Matrix 入面。但 Neo/人類唔係不停想救走晒 Matrix 入面D人咩？咁點呀？人類要唔要 Matrix 家？

跳槽

身為機構高層，如果你有得發揮有錢搵，你係唔會走既。但高層開始一個一個跳槽，咁你就明白乜事。

其實一個國家何嘗唔係一樣，咁你明白點解有個國家班幹部不斷跳槽（移民）。就算現在有錢搵，都送一家大細去移民。但大家要明白，若果再係咁落去，呢個地方最後都係掏空一切。

Guest Account

現在，大家在網上的活動基本上都會被 check。 原因好簡單, 因為而家開電腦嘅時候都要login，再加埋，大部分browser都係需要login嘅。例如Google Chrome, Microsoft Edge。所以你喺網上嘅活動, 都俾人仔細咁記錄巨細無遺。

如果你去一啲特別嘅網站,  例如Amazon, eBay, Facebook 等等。你嘅網上行中根本唔可能隱蔽得到。因為呢啲網站全部都需要login。

但有啲時候你真係好想匿名哋去一啲網站。例如去睇戲，又或者去睇漫畫。

如果你用Google Chromebook。咁你就有得救啦。因為喺Google Chromebook裏面。你可以login as a guest，呢一個嘅guest好特別。因為無論你喺入面做完任何嘢，只要一logout，就乜都delete曬。你嘅一齊行中，從此被delete。而最重要係。login as a guest 嘅時候，係唔需要俾email嘅？做完即走，干凈利落。

Microsoft Windows都有類似嘅setting。但係我就覺得無咁乾淨利落啦。

誰最聰明

中國人認為自己最聰明，華夏文化幾千年，歷史深厚，四大發明。

德國人認為自己係阿里安後代，是神的後代，是最優越人種。

美國人認為是世界一哥，當然最勁最醒。

印度人認為自己是古文明的後人，對世界的影響深遠。

英國人自大就係人都知。

但法國人又覺自己比英國人醒。

猶太人就更自大啦。

等等。

根據呢個講法，各個人種都以為自己最醒，別人係屎一Ｄ。

事實，大家都是自大狂，大家都是屎一堆。

共富

近來，中國大吹共富風。呢個係好共產主義的講法。但事實上，資本主義有沒有共富的概念？

中國式的共富是：共了有錢人的財富去資助窮人，例如馬雲，網紅，大公司如阿里爸爸，騰訊等等（但錢先到中央，至於有幾多錢去到窮人，無人知。用甚麼方法比窮人都係無人知）

至於資本主義的共富是：大公司賺大錢，一般市民大眾要分大公司利潤（共大公司的富），方法就係買入大公司的股票成為股東，分享大公司的利潤。就算你無乜錢都有機會買到，因為係北美你係可以買一股（最低交易）。你絕對可以對自己的心水公司共了它的富。如果你眼光好，你可以透過買買賣賣，越共越多，共你自己喜歡的公司們而絕不需要經第三者的手那些不清不楚回報率，效率等等。

共富，一向大家都有，並不是新鮮事物。至於你喜歡那種形式，閣下自選。

Archive Theory

每一個經驗都係一個archive。有啲經驗係成功，有一啲係失敗，有啲經驗係單獨，有一啲經驗係係同其他經驗有關連。

人類喺探索嘅過程之中，如果失敗，佢哋都會返去以前個archive。呢一個係一個簡單嘅自我保護系統。 就好似小朋友，父母嘅腳就係佢哋最安全嘅地方。當佢哋要探索世界嘅時候就會離開父母對腳，但係探索世界嘅過程中遇到困難或者危險嘅時候，小朋友會就會即刻走返去父母隻腳下面。簡單啲講，父母對腳喺小朋友腦裏面係一個叫做安全嘅archive。所以面對困難嘅時候，如果無辦法衝破，小朋友就會搵返一個最安全嘅方法，佢腦裏面已經有一個安全archive就係父母對腳。

又例如有啲人鍾意講大話，其實因為講大話已經成為佢一個可以成功嘅archive。每次去面對困難但又唔知點做時，佢腦裏面就會搵到一個可以成功嘅archive，就係講大話。我哋有啲時候會叫呢一種叫做壞習慣，死性不改，三歲定八十。而我覺得反而係人類係無辦法突破自己嘅時候，就要找回一個以前可繼續生存的方法。

幫助一個人成長，最重要係協助佢建立很多成功嘅經驗，再成為成功既archive。又或者協助佢回想及反思自己曾經成功嘅經驗。當佢未來面對新挑戰嘅時候，腦裏面就可以有很多archive畀佢選擇。

其實睇archive，另一方面，你亦都睇到一個人成長時候係點樣樣嘅。例如一個人腦裏面嘅archive全部都係一些“失敗”嘅方法，你就可以估到佢既成長過程是如何的一回事。又或者佢嘅成長經驗係幾咁貧乏。

自由與約束之間

自由與約束之間，中間有一樣東西，叫自律。