From 13 to 14

由一生到一死。

一生一死，是大自動然的規律，是萬事萬物必經的過程，再自然不過的事。

一生一死並不是什麼大事情需要我們用心和用功。反之，在一生一死"之間"才是我們要用心和用功的地方。

祝大家在一生一死間快快樂樂，圓滿一生。

適應力

適應力是指有能力面對不同環境或挑戰。

我們常常想著控制環境, 維持一個穩定的環境去生存。如只食清淡的食物。一點甜一點咸都不一點油都不要。又不要冷不要熱，只想生活在室溫中。

這樣，只會減低我們的適應力。

生命，還是多點變化會較為精彩及健康。但當然大前提為不過度。

係咁家啦呢個世界

我們常常在期望努力後的回報。

由小到大，我們都學習到努力後必有回報。在學校裡，在工作裡。最後，我們期望任何努力都必須要有回報。

事實呢？

事實是努力不一定有回報。係咁家啦呢個世界。

沒有回報的努力是否白費？這倒未必。

享受努力中的一切也是一種享受。就如做運動一樣，做運動後身材變得fit當然後好，但運動的過程中也是一種快樂。你未必可以控制到回報，但你一家可控制你的努力。

沒有期望的回報？係咁家啦呢個世界！

六道

六道：

天道、阿修羅道、人道、畜牲道、餓鬼道、地獄道。

六道可存在於人世間。

六道可存在於人的一生。輪迴可在一生中不斷進行。（一念天堂一念地獄）

請救眾生可在現世。上可救下，下亦可救上。

條數係咁樣計

借貸佬係咁唸。

佢好想你問佢借錢，借到你只可以還到每月利息。

咁樣，你一世都係度還息比佢，而佢就一世都唔使做淨係收息渡日。 

當佢有多d錢，借貸佬又照板再借比第二個人。 

借貸佬唔會借多過你能還息能力既錢，因為如果係咁你總有一日破產，借貸佬就連本都無埋。

借貸佬唔想借少過你能還利息的能力，因為咁樣你總有一日你會還晒d錢，咁，佢個每月收入大計就會玩完。咁，佢又要去努力搵客。 

借貸佬係實好懶。因此，佢會唸盡辦法谷消費。大減價啦，買一送一啦，總之就係要你消費問佢借錢。 明無？

HKTV - 以彼之道還施彼身

在HKTV發牌上，香港政府在解釋上左擰右擰。由最初只可以發二個牌發展到現在發牌4原則11規則等等。

在面對類似的語言爭辯，我最不喜歡點多個火頭。因為，越多火頭越把精神與資源分散。當雙方互有輸贏時，最終都難以決定誰是誰非，最後引至公說公理婆說婆理。大家都認為自己縱使無贏也沒有輸。結局，當然比某些人可以在這種糢糊的情況下不了了之。

在面對爭辯時，最好找著核心一招了。當然要用上以彼之道還施彼身。

就以HKTV發牌事件為例。發二個牌的討論比發牌原則容易了解和直接，容易講。因為一落到甚麼甚麼原則，接下來就是輪到某某專家的意見時間，到時就一定無你講。唔信？你可以放長雙眼，睇睇689是否搬出專家學者去解釋4原則11規則是應如何地被理解和解釋。最後就是市民大眾的無知，不了解政府發牌的考慮與運作了。

為甚麼只發二個牌而唔係三個？政府的解釋只有一個，市場容納不了，只能容納４間電視台。若香港有５個電影牌，就會有電視倒閉。

以彼之道還施彼身的要決是：政府是對的，香港市場真的容不下第五間電視台，四間最好。我們不同政府玩數據。但誰生誰死是政府的責任嗎？電視台是在市場運作，在市場中競爭是正常的事，誰失敗誰出局亦是市場競爭的結局。政府的責任是保障大家玩這個遊戲時是公平不出千。至於那一間電視台做不了而出局就留待市場去決定。

基於這個道理，政府不單不需要限制發牌而是多多發牌，再留待市場去決定誰可留低。既然多多發牌，還討論甚麼發牌準則呢？多此一舉。

現在政府限制發牌，限制有人參賽，參加競爭。在表面上就是明年顯地想保障現有的一些公司不被淘汰。

一刀了結核心問題，不要再點火頭，亦不要被人分散注意力。

痛苦

我的痛苦是我的痛苦。你的痛苦是你的痛苦。

痛苦，是不可以比較的。是獨特的。

當你有痛苦時，別人向你說：世上有人比你還痛苦，你的痛苦不是那麼大不了。要好好刻服自己的痛苦啊。
又或者：我以前也受過ＸＸＸ的若，刻服了沒有甚麼大不了。

這種說法就是犯了把痛苦比較的錯誤。

當人面對痛苦，最希望的，不是同情或安慰。而是肯定和支持。

＂是呀，你的情況真的很痛苦！＂這種說法來的更加受惠。
＂有沒有什麼我可以做幫你面對你的痛苦？＂
＂我不是你，我不知道你有幾痛苦，我亦不知道如何幫你刻服你的痛苦，但你想的話，我願意在我能力範圍上幫助。＂

要幫人，不是指出＂沒有那麼大不了＂，而是尊重及同意個人在當中所受到的傷害。

誠信年

如果講今年係誠信年真係不為過。

香港人高呼要誠信，世界各國何嘗不是因為一塊雪 (Snowden) 而高呼要求美國要有誠信。

689應該很高興，因為他能與奧巴馬齊名，一齊被要求要有誠信。唯獨不同的是，689是自身有誠信問題而奧巴馬則是美國政府有誠信問題。現在，連加拿大總理哈珀在國會內亦被要求宣誓作供，要佢講真話。

講大話最大的問題是什麼？講大話最大的問題不是會受到敵人攻擊（敵人攻擊你是最自然合理的事，那管你有無誠信，就算無中生有也要攻擊你一番，這才是真正的敵人）。

講大話最大的問題是你的朋友，盟友也不信任你甚至攻擊你。 大話一路講下去，最後就是眾叛親離，因為連你的人都不知你講真還是講假，他們不知道你有無對他們講真話或是出賣他們？。在自保的心態下，背叛是合理的做法。

面對有誠信的事件，我們不是要求停止，反而要敵人繼續大話。那麼真正的報應應該不遠已。

佛門有云：菩薩畏因，凡夫畏果。

種甚麼因得甚麼果。這是大家都知的道理。有因必有果亦是不二道理，善有善報，惡布惡報，若然未報，時辰未到。亦是大家知道的道理。（就如太陽風暴爆發，地球不即時看到，但八分鐘後，地球就會看到，時辰也）

在這些大家都知的道理中，有些因素是沒法控制的：如有因必有果。但有些因素是可控制的：如種不種因，種甚麼因。

菩薩畏因，遇到事情時，他會選擇種甚麼因。凡夫畏果，遇到事情時，甚麼也不作考慮不三思想做就做，當果報到時就後悔當時的所作所為。

在現今世界，我們常常聽到ＥＱ，與人相處之道，思考訓練，處理問題法則等等，何嘗走出菩薩畏因？

新聞報導現世生態環境出現大問題，政治動亂，人與人之間問題多多，何嘗走得出凡夫畏果？

齒輪

每一個人都是一個齒輪，都有凹有凸。

人與人之間的相處最重要是這些凹凹凸凸配合得準確無誤。

Housing Links

• Housing Connections - http://www.housingconnections.ca/
• Ministry of Municipal Affairs and Housing - http://www.mah.gov.on.ca/
• MMAH - Miunicipal Service Managers - http://www.mah.gov.on.ca/Page1202.aspx

Senior Services Links

Nursing Home (Profiles Canada) - http://www.profilecanada.com/category.cfm?cat=805101_Nursing-Convalescent-Homes

Hong Kong Senior Services (HKCSS) Short Films: - http://hkcss.org.hk/c/channel.asp?video=1&topic_type=1

Carefirst Seniors - http://www.carefirstseniors.com/

Chinese Family Services of Ontario - http://www.chinesefamilyso.com

Mon Sheong - https://www.monsheong.org/
CICS - http://www.cicscanada.com/

前塵往事之三年不語

三年不語並非真三年內一句說話也不說，而是三年內一句說話也不同我老爸說。

這一件前塵往事是很能反映我的性格。 

話說我18歲開始如素，亦即係大家講食齋。當然如素同食齋有好大分別，但世人不知，我又懶得解釋，佢地話係一樣咪又得佢地講，反正失禮人個個又唔係我，無知個個又唔係我。 

記得如素初期，不單不吃肉和葷，連酒都唔會掂。真係想清心寡慾。 有一晚，老豆發起溫叫我幫佢落街買啤酒，其實佢從來都無叫我幫佢買啤酒，加上佢喜歡飲紅酒，啤酒根本唔係佢杯茶，所以我覺得好怪。因為我已經開始如素，其實老豆知架，我就覺得佢有心為難我，我就址火。我問佢知唔知道我已經開始如素係唔會掂酒類物品。嘿，老豆竟然用人倫大道理寸我，老豆叫仔買野有何不可？ 

出到孔子，我更加火，但一時之間答唔到咀。我成日以為自己d中國文化哲學知識同修養係最高，點知今次都被頂住。 一怒之下，入房關門，從此，三年不語（對我老豆）。

我唔係講少足足有三年無同佢講過一句話。在無法必須溝通時刻我只會用紙仔寫幾隻字比佢就當溝通咗。 

 我既stubborn真係唔講得少。呢種性格唔死已經係奇蹟。

Unconditional Positive Regards

曾幾何時我好希望寫一篇文章關於unconditional positive regard，但係因為這個題目實在太利害，自知無法完成而停寫。

今日，我亦不打算寫，只是寫下一些體味而已，有能力時才以文章形式寫下來。

係輔導中，unconditional positive regard是一個極重要的concept式原素。為何？

要受助者尋找協助是一個極難的決定。不是人人面對困難便找人幫手，大部分人反而有事都不會找人幫手。

我們遇到困難時就好像生病似的，有一些是突如其來的大病，但通常困難發生時都像小病般不是大件事，所以自己認為可以攪掂，何需向外求救？就算求救，不怕被人取笑無能嗎？但當問題越來越嚴重，其實自己都不知道要求助，因為他又不知應當在那一刻求助？threshold/cutting line。好可能問題已經去到很嚴重，他還認為還可以應付得來而沒有想到外向求助。當受助者真正意識到要尋求協助時，問題往往已經很爛或者出了大件事。

人在困境中往往極度混亂，失去理智和思考分析能力，很多思考盲點，加上情緒亦非常波動。

要去理順這一切，協助受困者理性地處理他的問題根本上是一件極度艱難的事情。不單如此，協助者／支援者往往亦會受到受助者的無理對待，如成為情緒發洩的對象，質問對象，甚至是報復的對象（婆打母，母打子，子打貓道理）。

Unconditional Positive Regards就是輔導這一切的起步點。輔導的開始，你會面對種種無理甚至乎荒唐的對待。但若不好好處理，輔導的工作亦會即時終止。

你面對種種的一切非常不好受，你用了個人的buffer，在短短的時間內承受了別人千斤重的問題（可能是多年來不解的困境）。你自我處理的能力少一點也不可以，否則，第一個蹲下來的是你。試想想，人家用了多年來積下來的問題你只用了短短數分鐘全部承受，這個重力可不少呢。

生命中不能承受的重。

前塵往事之辣椒油

今日同朋友吹水時講開辣椒油，即時引起我小時的辣椒油故事。
 
小時候住街市樓上。係呀，灣仔其中一個街市。講開又講，灣仔真係好多街市。我相信當時灣仔人口應該很多，加埋好多住係其他區既人都鍾意去灣仔買餸，我想應該係價廉物美。
 
街市與食物大排檔其實係形影不離，有街市就一定有食物大排檔，到現在都係。現在d多層街市都有一層係食市。肚餓？去搵街市就一定有野食。以前d大排檔就周街都係，不過都有pattern，通常係街市既街頭街尾，好少街中間。
 
大排檔開檔時間亦唔一樣。有d專做早市，呢類晨咁早就開爐，如粥檔，點心檔。零晨三點就開爐。在一片寧靜的環境開個火水爐，"噓噓"聲，你都咪話唔嘈（以前條街無咁多車，加上少人出夜街，入夜條街係可以好靜。另外大排檔火水爐既火力係唔野少，當然亦唔會有滅聲設計）。所有人都同我講，我一瞓著覺就算行雷或者大叫我都唔醒，我相信係自小比樓下大排檔訓練而成。
 
早檔通常做埋午市就收檔，兩點到三點。而一般做午市晚市的食檔就會遲少少開，呢類通常係麵檔，飯檔。而有一類係做到好夜做埋宵夜，就會再遲d先開檔，可能要去到十一點後。不過，我亦見過有一種檔口係由早做到晚，做足成日，但係呢類檔其實係由兩班人做，應該係share個檔口（都幾環保）。所以呢d檔好有趣，朝早同夜晚頭係買唔同既野食，例如早上買粥晚頭買飯。
 
講返辣椒油。我相信我一生中已經食過最好食既辣椒油。我唔係話全世界最好食而係我一生最好食。辣椒油係一個麵檔老板自製，佢既麵亦係一絶。佢個檔座落於春園街中間。我最鍾意係佢既魚蛋麵+辣椒油，簡直係一絶。當然，佢其他麵都好正，如雲呑麵等。不過唔知點解硬係覺得魚蛋加辣椒油係最正。
 
個老板唔係廣東人，可能係潮州又或者係北方佬。就係佢唔係廣東人，佢d辣椒油與別不同，其他檔食唔到。 好多大排檔既辣椒油都係買現成的，事實上一d都唔貴。所以d味都好standard，但麵鋪老板係自己煮辣椒油。每次佢一煮（大既一至兩星煮一次），成條街都香氣十足。當然唔受得既人就淚流滿面。落足材料，落足火候，全人手製作，簡直無得頂。
 
其實佢d野係咪咁正係無比較，但感情分已經贏晒。所謂好唔好係好主觀，但呢個唔係問題，反而呢個主觀感覺比我食過我認為最好食既野。 人就係咁有趣，有時唔好咁理性，扼下自己可以令到自己好快樂。
 
係大排檔食野仲有兩件事係我非常深刻的。第一，坐檔前櫈仔。以前d大排檔除咗有圓枱摺櫈外，係檔前通常都有一排櫈仔。要坐呢排櫈，你就一定要踎。點解好地地有櫈唔坐要踎櫈仔？原因好簡單，排櫈仔連往個檔，你踎係度時就即係坐係個煲同個爐前面。好處係：一，同老板最近距離接觸，傾偈。大家舊街坊，成日幫襯，都非常熟落，根本就好似朋友一樣。吹水傾心事，好自然既事。二，睇老板煮麵，睇人做野其實好好睇，由其係要手藝既工作。老板煮麵既手藝簡直係藝術，係化境，係一種武功。所以動作係完美既。好好睇。我吹水唔多，反而係老板搵我傾偈多，但我就最鍾意睇佢煮麵。三兩下手勢就一碗靚麵或者靚油菜，勁。三，暖。面對住火爐，係冬天食麵，除了口暖肚暖之外，腳也暖。試想想，北風係你背後吹，但前面係暖笠笠人間美食，加上同老板吹下水，真係人間幾許。
 
第二，洗筷子。呢家野真係唔應該流傳。話說以前d人去大排檔食野前好鍾意洗筷子，用熱水洗筷子。你當然認為好衛生，用熱水洗筷子有消毒殺菌作用嘛。其實以前d人衛生意識一d都唔差，自我保護能力高，食大排檔洗筷子，去茶樓會用熱茶洗碗洗筷子。反觀而家，去到就食，你邊有自己洗下d食具？你會話間食市會洗家嘛！我答你又無睇住佢點洗你又信佢洗得乾淨？自己做多少少用熱水洗過唔係安全d咩？ 自己洗筷子當然好d，但問題在於佢地用煮麵個煲水洗筷子呢，大家唔係攞d水出來洗筷子，而係放双筷子入煲水度洗，即係係人都食洗筷子水。試想想，你會唔會用洗碗水煮飯食呢？此風不可長。 後來進化到食市人比個玻璃碗你用來洗野，我覺得咁係最好。始終個句：食落自己個肚度，自己要小心為上。

北方奇遇

加拿大係鬼地方係人都知。

今日同前度女友去北方小鎮旅行巧遇奇遇。

出發前，前度女友問唔知見唔到＂人＂？我答：你不如問唔知見唔見到鬼吧啦。

到達北方小鎮，果然如我所料，強國果然唔野少，在加拿大北方小鎮都有人足跡。利害既地方係我相信有六四比。

其中一幕，我見到一間舖頭門口有個人不停講講普通話，但個店鬼就不停講鬼話。但係人鬼殊途，佢地又點可以溝通得到？

但係生意在前，隻鬼唯有好努力咁講鬼話，但人有人講，鬼有鬼講，始終都係無辦法溝通得到。

我始終唔明，明明呢個係鬼鎮，個人明知隻鬼唔識人話，點解堅持講人話而唔講鬼話或者搵人幫手？

最終，我見個人其實係有承意買野，就叫我前度女友上前幫手。

原來，好似我地呢Ｄ人唔似人，鬼唔似鬼既物髒，有時都可以幫到人。

前塵往事之華燈初上

我不善於寫景，亦不善於寫情。但有一個景是我這個心常常回味著，唯有試試把它寫下來。

小時候，我住在灣仔交加街，又名為食街，交加街是一條街市街，因此我是住在街市樓上。住在街市樓上的好處是：不出户能知天下事。

我的家有露台（其實在當時很多家都有露台）。不同現在，當時的發展商起樓時是不會起露台。樓，都是四四方方的，外牆都是一塊大平板似的，沒有現在的樓凹凹凸凸的。但家家有露台在當時的社會是很普遍的，因為人人買樓後都會起一個大露台。現時到一些舊區，那些舊樓都有類似的露台，但香港政府好像很落力地清拆，要睇就襯早。

放學後，我喜歡企係露台睇街，呢個係我既＂飛佛＂。睇街其實好好玩，睇街市就更加好玩。

街市人多，人來人往，很多事情發生，沒完沒了。當你留意一個人，你就會見到一個故事，這個人由街頭行到街尾，當中他／她所做的事，就是一個小故事，又當這個人同其他人談話，你又可以自己配音，製作一個小故事，真係好好玩。街市，其實係一個大電視。個個演員都係真人show。

街市中，有不同的人物，有買的，有賣的，有賣菜的，有賣肉的，有賣熟食的，有賣雜貨，山貨，藥房，等等，還有涼荼鋪，賣金魚，公廁，報紙檔，賭錢檔。這裡，有講不完的故事。是一部看不完的電視劇。

街市，在早上，下午，黃昏，晚上都是不同的，就好似一年有四季似的。

清晨，小販準備貨品開檔，運貨的木頭車，大貨車亦在這個時候穿梭街中，真忙。另外，賣早點的粥檔，點心檔亦一早把火爐大開，準備食物待返工返學的市民購買。

早上，街坊（師奶大嬸）開始出動，努力在各個檔攤尋寶，同時又格下價打下牙骹，希望用最少的錢買到最靚的東西，正所謂價廉物美。

下午，人流開始少。但到三四點，人流又開始多。大家希望在這個時間買平貨，因為好多小販都會開始減價（以前的儲存方法無現在的那麼先進，因此，小販們都希望天天清貨，三四點後開始減價，不像現今的市場，一天到晚什至一年三百六十五日都是一個價，沒有一點生氣）。

黃昏，小販已開始了清理檔攤。準備明天的來臨。

而我最喜歡看的，就是黃昏的一刻。

黃昏的時候，很多檔口開始清理收檔，但街市並不會因此而靜下來。反之。街市有另一片的景象。這時很多檔口開始工作，　人流亦開始增加。是什麼檔口，什麼人會在這時候到街市？

在七，八十年代，香港很多勞動階層，很多貧苦的單身漢。他們沒有家室，平時只租住一個床位。每天辛勞工作，根本上沒有時間照顧兩餐，只有在大時大節時，包租的可能請他們一起團團聚，來個團聚的飯餐，吃住家飯。平時，就只有幫襯街邊大排檔。

以前曾經提及的七叔就是如此，晚晚到街市大排檔用膳。他們三五知己，同路人，各人一飯一餸一燒酒，晚晚吹水，好不逍遙。

黃昏街市之美在於小販檔晚晚張燈結綵，掛上一串串為數不少的烏絲燈泡，影著食客悠然自得地享受一天辛勞後的美食。對比白天動態的街市黃昏是另一種意境，一種安逸平靜的境界。

伴隨著街市的燈光，在街市四周的大廈亦有所變化，勞動後的居民陸續回家，家中的電燈相繼亮起，家中各人一起享受一天辛勞後的晚飯。飯後一起看電視，共享天倫之樂。

大廈的燈光配合街中大掛檔的燈光。街中的交談聲加上大廈的電視聲，有時由一些大聲公收音機加插一些當時的流行曲或粵曲。黃昏的天色合在這個華燈初上的場面，真是良辰美景。

就是這個景象，把我深深吸引著，天天看街，天天看華燈。

我不懂得寫，但這個景象就深深印在我的心深深處。但願能與你分享。

可惜的是，我老家已經被拆了，這個於露台看華燈的節目亦從此沒有了。

錢是你的，資源是大眾的

聽過這樣的一個故事：

一班人在德國一間餐廳吃飯，點了很多食物，但最終吃不下而餘下很多食物（這種行為相信是中國人）。

埋單時，侍應建議把食物打包帶走，遲些再別但被拒絕。

另外的一張餐桌德國食客見狀，亦要求他們不要浪費食物，把食物帶走再吃。食客一再拒絕並說：食物是我買了的，吃不吃是我的事，關你們什麼事？

德國食客隨即致電政府部門。不久，一名政府職員到場，了解事情之後。發了一張罰款告票給餘下大量食物的食客並嚴正地向他們說：錢是你的，但資源卻是大眾的。地球上很多人想獲得這些食物也不可以，因此你應該買足夠的食用的食物而不是購買過多以致浪費食物。

我們現今世界都喜歡用金錢作交易單位，因為金錢是非常容易計算及比較。但大家不要本末倒置，把這個計算用世界資源和經濟活動的單位變為管理世界資源的主體。

我們追求的是一個完美的經濟體系去管理我們有限的資源使人人與世界的一切都從中獲益，而不是追求一個完美的金錢體系。

前塵往事之廿皮摸欏柚

先問問你自己，如果有個男人行近你。同你講比二十元你比佢摸你屁股一下，你肯唔肯？

如果唔肯，咁幾多錢先肯？純粹摸一下，絕無其他，摸玩就走，大家無手尾。你要幾多錢先肯？

好多人講，每個人都有一個價，當然不同行為不同價（摸屁股與摸胸與摸陰處當然不同價）。不同人做亦不同價（靚仔，偶像，同咸濕阿叔又唔同價，可能對偶像時係你自比錢要求佢摸你屁股）。

講返往事。我無比人問過價，反而係我問人價。What?! 唔好亂唸，無犯法既，正經事來既。

以前係香港做社工，大家都知我做中學既學校社工。但有時都會幫下同事手去小學講講座或者攪 programs。有次就去一間小學校講講座。唔知點解，同事總係喜歡搵我講性教育呢個題目。可能唔多男同事，通常都係一男一女講，所以搵我。又或者同事扮矜持，但我個樣都唔係好開放姐？！Anyway，講咪講，教育下一代人人有責。

通常社工到小學入班講座，班主任都會一齊上堂，佢地喜歡坐後排。話就話監學幫手維持秩序，實情偷師居多。但係去到中學，社工入班講講座，莫講老師個人，連影都唔見。小學同中學既教育方法真係分別大。

個次講座好似係比小五定小六學生，當然啦，性教育呢家野，係要高班先有得上家嘛。入到班，係講座之前，我就問咗全班一個問題作為開場引子，個講座題目好似係教導學生預防比人攪之類。你知啦，小學生好易比人（金魚佬）攪家嘛（唔知點解我地都而家都係咁唸，其實我覺得現實唔係咁，anyway，都要有一個預設，否則邊有咁多講座呢）。

我即場問（男女一齊。現今世代，比人攪無分男女，所以唔使分班）：如果有個男人，就當阿sir我，同你講，比廿蚊你但係你要比你個屁股我模一下，只係一下無其他，你制唔制？

個結果係。係嚇親我同我個社工partner。而即時令至個班主任面懵懂，無地自容。全班八成同學即時舉手並大叫＂我制！＂。

因為有二成唔制，於是乎我加錢，十蚊十蚊咁加。加十蚊又多幾個制，加十蚊又多幾個制。最後，最後一個，我竟然要用一百蚊先至可以摸到佢屁股，真係，真係超平！！！！！

全班50人，千多蚊就全部比我摸晒，一個不漏（後來想想有Ｄ蠢，應該set個價由０開始，或者有細路肯免費比我摸呢，哈！）。

開場白完後，我就繼續我既講座。可能班學生以為我真係會比錢摸佢地屁股，個堂講座佢地好專心亦對所有問題有問必答，重要搶答，反應極之一流。講完就走人。但係當我踏出班房門口時，班主任叫全部同學留低，有野要講，無小息。

是福是禍已經唔關我事。唯有行快兩步遛之大吉。

如魚在水

活在水中的魚不知道水的存在。活在空氣中的人不知道空氣的存在（或可說是不察覺）。這句說話大家都非常耳熟。但這句說話帶出什麼道理呢？

當你身處一個客觀環境中一段長時間，你會忘記了這個客觀環境的存在。又或者你已認定這個客觀環境的存在是合理的（＂係咁家啦＂，＂人人都係咁好公平＂）其實客觀環境並不一定是物理性的可以是其他性質的，如政治環境，社會制度等等（＂係香港打工邊個唔使加班？＂，＂香港地少人多嘛，樓就一定貴＂）沒有對差，你可能永遠無法知道自己身處的環境是可其荒謬（放眼世界，你就可以發現香港很多現存的制度的荒謬）。

另外，要引入新環境必須要慢慢來，使人習慣就可以，溫水煮蛙這個說法並非無道理。太大對差往往引起很大的反彈。有時並不是新政不好，只是把生活環境轉變過急，適應不來。＂我＂（個人）適應不來就是＂你＂（新環境）的問題。

當然，在反面的角度去思考時，我們要小心別人用這個方法來對付我們。

然而我認為最困難的部分就是如何察覺出水的存在，空氣的存在。沒有對差是很難知道它的存在，身在苦難中也未必知道，還以為世事就是如此這般。

增廣見聞，多見世面，相信有一定幫助。

Visual Links

• Cataract - http://juniorinca.blogspot.ca/2013/08/cataract-links.html
• Wiki - http://zh.wikipedia.org/zh-hk/%E7%99%BD%E5%86%85%E9%9A%9C
• 香港養和 - http://www.hksh.com/ophthalmology/chi/cataract/index.html
• 白内障食疗方 - 何國璋: http://juniorinca.blogspot.ca/2013/08/acts-links.html
• Youtube Video - https://www.youtube.com/watch?v=eeDvD5sYggw
• All About Vision - http://www.allaboutvision.com/conditions/cataracts.htm

• Diabetic Retinopathy - http://www.cnib.ca/en/your-eyes/eye-conditions/eye-connect/dr/Pages/default.aspx

• CNIB - http://www.cnib.ca/

前塵往事之決戰奸商

決戰奸商

中四中五那年，我進入了火紅年代。內心充滿不同的哲理，知道什麼是對與錯（自認為），充滿正義感，希望貢獻自己的一分力打造一個美麗的烏托邦。

當年的香港奸商橫行（其實幾時都有奸商，不過出現的形式不同），有很多電器舖都是奸商的黑竇。你不要以為這些黑店開在橫街窄巷，很多開在人流多，遊客多的地方如銅鑼灣，尖沙咀。 我的故事就發生在銅鑼灣的波斯富街。

黑店銷售方式有很多種，我面對的那一間如下。 當你一進入黑店，它與一般正店無異，它們都買相同的物品，買的都是正貨。 但在搶眼位置，你一定能找到一件近期很潮的貨品，以超平價發售，對追求潮流的你如果不買簡直對不起自己。你入內購買，通常你都會confirm個價錢因為真係超平，店員一定話價錢並且正貨。然後，商員會先到倉搵一搵跟著會同你講無貨，但係可以同你到分店攞但要等10至15分鐘。如果你無問題佢就會要你落訂先去攞貨，要證明你唔係玩野。好合理係咪！

比訂後，店員就去攞貨。之後就會由第二個店員上，遊說你買第二個牌子或model，包括講你想買那個點差點差，其他的點好點好。 如果你一意孤行，店員又要你等。跟住又有人同你再sell。如果你堅持咁你咪再等。如是者不停sell你。但係就永遠見唔到去攞貨既店員返來。

到你等得不耐煩又唔想買其他物品而要求既回訂金。哈，店內最高最樣衰的人就會行到你身邊罵你玩野。粗口不絕之餘當然會show拳頭肌肉等。有時會講一些說話令你聯想到黑社會或者你會有生命危險。

一般人都會草草買了其他物品了事。 我那次到了最後階段仍堅持要回水。錢，我是取回但現在我真係搵命博。你要記著是廿多年前的香港，加上我單搶匹馬。真係死咗都無屍骨。個中壓力真係不少。你要對負係整間黑店與所以店員，通常呢類黑店一定有好多店員。

老實講你唔好以為我好英，其實到中期我已經好驚。到我走既時候我好驚佢係後面扑我個頭一野。真係返屋企要食驚風散。

故事中的道理

曾經聽過這樣的故事。

病人病卧床邊，突然見到死神來臨。他知道大限已到，但仍不死心地向死神問：為什麼你來得這麼突然？我不是怕死，但都早點給我一點提示，使我有所安掛。
死神回答：我已經比了三次提示比你。第一次，在你50歲，你在街中跌倒，我已經透過醫生話比你知，你的身體及骨骼正在退化，而且比一般人的退化要快。第二次，在你60歲時，你有一次輕微中風，雖然最後你醫好，但你的反應已經大不好前。第三次，２年前，你的心臟開始出現問題，每天要靠藥物預防病發。三次提示，今次絕對不是突然。

這個故事教訓我們要珍惜生命，好好留意身體，最後要善用時間，多做有意義的事。

但今天我聽完一個故事後，對類似的故事有新見解。當我們收到死神的提示時，這正是我們學習死亡的時候。

生老病死，是最自然不過的事。人類似乎不想接受以至不斷發明很多物品去對抗這個自然現象，我不是認為有病不醫，只是反對不接受自然老死，使用機器延續生命。

若我們一早已經學習接受自然定律，一早已經安排這天的來臨，我們還有什麼顧忌？

前塵之三隻老猫

以前我曾經提過我自小很喜歡貓，我相信因為在我小時候有一段時間我係同三隻貓一起生活有關。

那時，我住在我姑婆的家（有時間的話我一定寫我與姑婆的事，姑婆是我最敬重的人之一，我有超多事情要講）。當時，我想我應該是小二小三咁上下或者再細d。

為什麼不和家人住而要到姑婆家𥚃住？有機會再講。

姑婆家中有三隻貓，佢地全部無名。一隻係黑貓但並不是全黑，一隻是黃貓，一隻是"鐵離"貓（發音）。因為佢地無名，所以我都只係叫佢地做黑貓，黃貓，同貓貓（細個時唔識叫"鐵離"貓為有叫貓貓。不過佢地雖然唔同色但係有一樣野相同就係全部都係四蹄踏雪，即係腳板毛係白色。姑婆話四蹄踏雪係好緊要，好貓先至有。唔知我係咪人類之中既四蹄踏雪呢？

除咗四蹄踏雪就係油爪，即係腳板油亮亮濕濕地feel。姑婆話咁先至係好貓（我沖完涼腳板都濕濕地）。總之結論係佢地全部係好貓。

三隻貓平時比條繩鎖咗係厨房，因為姑婆養貓既目的唔係玩而係有好實際既功用：捉老鼠。四蹄踏雪加四油爪，仲邊度有老鼠？

三隻貓鍾意姑婆，好簡單姑婆比飯佢食。三隻貓鍾意我亦都好簡單，我係佢地救星又同佢地玩。

頭先講過貓s平時係厨房，姑婆好少放貓s出來比佢玩，除非係特別情況。所謂特別情況就係要貓們出廳印印腳。姑婆話貓印印腳後就無老鼠。所以你明白點解油爪濕濕地先至係好貓。就算放貓，都好少一次過放哂三隻貓出來。通常一隻一隻放。

至於我就係佢地救星。我放學返到屋企做晒功課後就可以向姑婆申請放貓玩。有時放一隻有時放三隻。當然係要睇我既表現。聰明既人好似姑婆咁就這識得一收一放，無論教貓教人一樣好work。而家d父母有乜都比晒d仔女，仲邊度可以教到細路聽話？我就見過一對父母，個仔玩完自己部手機仲要玩埋老豆老母部手機，佢老豆老母都比，咁，佢個仔都唔方會教得好。

講返貓，你可想而知d貓見到我係幾咁鍾意我同埋一定勁叫。攞attention嘛。

三隻之中黑貓最老，我唸佢老過我。黃貓是活潑玩得最癲。"鐵離"貓就唔記得，連名都唔識叫所以好少同佢玩。

我最鍾意黑貓，佢黐我多d，同佢玩佢真係陪我。黃貓好多時都係掛住自己玩，例如玩佢自已條尾，玩縛佢條繩。所以如果悶悶地，我就會同黃貓玩。

雖然黑貓最黐我但都有小小慘。我記得當時學識一個四字成語：老貓燒鬚。老實講，我既學習模式係透過做，從中學到野。有d人，聽人講佢就學到野。有d人，睇書就學到野。所以自細人人都話我唔聽人講，要比人打我先乖。其邊個唔怕疼，只不過我唔可以從你d說話當中學到野，唉！呢d咪賤骨頭囉。出爐鐵，唔打唔得。

講返黑貓既事，我唔明老貓燒鬚，當然要做實驗。黃貓一定唔合作，唯有打黑貓主意。

黑貓真係超乖，我用火柴燒佢d鬚佢竟然唔走，唔叫，由得我燒。佢塊面（咀角）戚戚下都唔走。我燒完一條都係唔明個成語點解，為有再燒，結果燒咗好多條，但係都係唔明。

我唯一明白係當你燒貓鬚時，d鬚係會卷埋同埋有焦味。你可以試下燒下自己d頭髮，效果相似。不過要好小心因為鬚同頭髮係好搶火，一失控你就成頭着火。最好先剪落黎先至燒。

講返黑貓，實驗做完但無結論，黑貓好乖繼續陪我玩。去到晚刻突然姑婆大叫，做乜黑貓d鬚無晒（姑婆唔會問係邊個做，成間屋得我同佢，唔係佢，唔係貓，唔通係鬼咩，因此我都唔使講大話或者賴人地）。我講晒比姑婆知有關前文後理，姑婆無打我，佢只係教我d貓係唔可以無鬚，d鬚對貓咪來講係好重要。其實我都唔明，不過姑婆講我就信。

我覺得對黑貓唔住，係以後既日子我好啺佢。

原來教小朋友係唔使打，只要話比佢知佢既行為會點樣點樣傷害到人，小朋友不但以後唔敢，仲會踢返受害者。

前塵往事之飛機釣靚仔（細路）

飛機釣靚仔，你地玩過未？我就玩過好多次。

細細個時我同老豆，大家姐一家三口住尾房（以前叫板間房，家陣叫劏房，咪一鬼樣。你有睇吳楚帆套七十二家房客就知係點樣）。

細個時放學後係唔比出街，可能因為太細加上有拐子佬捉細路做橋墩或者捉你去買男既做奴女既做雞，呢Ｄ絕對唔係講少，否則邊有咁多金魚佬故仔講。

細路係屋企無野做就會唸埋好多野出來玩。細路既創意空間無限，現今Ｄ家長最笨係買玩具比細路，因為完全末殺了細路的創作。第一，你比乜佢，佢就係可以玩乜，你唔比野佢，佢就乜都可以創作出來玩。第二，你乜都唔比，細路都會識玩，玩手指都可以玩一日。既然玩係細路天生本能，係咁，你使乜花錢買玩具？係西方，好多父親只會買工具比細路。要玩？唯有自己製造玩具。

飛機釣靚仔就係咁樣出現。
玩法好簡單：
1 用紙摺隻飛機
2 用條線縛住飛機尾
3 用像跟射隻飛機出街掛係招牌度（呢度要解釋：以前香港周街都係招牌，條條街都有，通常安係二三樓，因此有好多鐵框之類）
4 隻飛機就係咁dump dump下
5 用條線控制隻飛機dump上dump落
6 條街好多人包括細路行，大人行過就拉高隻飛機，細路行過就放低隻飛機比佢地睇到。
7 細路睇到飛機自然伸手去攞，佢想攞你咪拉條線扯返隻飛機上Ｄ等佢攞唔到。（真係賤）
8 最後，你見到班細路跳上跳落。你個份控制感覺超正。（唔知Ｄ老板係控制下屬時係咪都有呢種感覺？係就大鑊，因為真係會上癮）

就係咁，呢個就係飛機釣靚仔。

下面細路玩搶飛機高興，上面細路釣人亦釣得好高興。各自各高興。

不過話時話，呢個遊戲都有危險。話晒班細路企係街度搶飛機，而街有多人多車，萬一樂極忘形發生事就大煲。

前塵往事之你試過決鬥味？

你試過決鬥味？

三劍俠，你地可能聽過。不過三劍俠係西人野，中國呢？就有三個臭皮丈。

我小學時，小二小三小四咁上下，我就係三劍俠其中一人。另外仲有兩個，一個係女劍俠林林，一個係男劍俠金金，而我係川川。係！我地係咁叫既。小朋友丫嘛，唔係咁叫唔通叫先生小姐？

我地三劍俠直頭黐到分唔到。同班同學，坐埋一齊，一齊上堂傾偈，一齊被罰，一齊坐無影櫈，一齊被打手板，小息時一齊玩。放學後各自歸家，林林住北角，我同金金住灣仔仲好近，因此放學後我仲可以同金金玩。

小孩子玩乜？係當時咁無物質享受既社會，咪玩走來走去。兵捉賊，僕呢呢，全部都係體能活動。因此，我地d體能超fit。林林雖然係女仔，但佢跑起上黎一d都唔輸比d男仔。玩兵賊時如果我地係賊就一定無得輸。因為我地每次去監獄救人必定成功，細細粒走得快，d高班都比我地比下去。

我地結義金蘭真係好到不得了，一個人既事就係三個人既事。

最後，真係發生事。

話說有日，林林同我地講，隔離班有個姓李既人想打林林，唔記得為乜。咁！當然唔可以。加上我地係三劍俠，一人有難，三人整上。

話時話，我地真係好高B。人家想打林林，我地決定先發制人。係點？向佢下戰書挑戰。橋段老套但真係做戲咁做。你可想而知以前d細路係幾咁單純。加埋d電視係幾咁毒！不過我地真係明刀明搶絕不陰濕。大俠風範。

但係我地又真係好精，話決鬥姐都怕死家嘛。所以我地係下戰書之前先幫對手做咗個詳細分析。小三四來講，我地真係好勁。

我地收集資料之後（主要係林林收集），我地知道李同學最出名係李三腳。李三腳？係啊，係李小龍既李三腳。個陣時李小龍好hit。我地深信李同學識使出李三腳仲好勁。

我地開始頭疼。李三腳咁勁，我地輸硬。但係走頭又好衰仔，話晒我地係三劍俠，輕功第一（跑步）。無理由比人蝦上門唔打過就走頭。

我地唯有死死地氣想法子去破解李三腳。皇天不負苦心人，比我地唸到。人家可以連環三腳踢得好快，快到好似接住咁，要破解佢只有一招。就係一於舉起隻手擋唔好縮手。原理好簡單，佢連續踢三腳，無論係幾快都好，每一腳都要回一回，我地隻手唔縮，咁積係一定擋到。但係齋擋唔係辦法，都要攻擊先至贏。無傷肝，我地仲有兩個人，其他兩個上咪得羅。（小三四唸到咁多野，真係有軍事天份，不過好似係打交天份多Ｄ）

戰略定好，林林就去下戰書。（其實我依家覺得佢兩個有d搵我笨，為乜我要係中間擋佢地係邊邊打？咁我咪即係肉盾？明明金金肥d加嘛！仲有，件事明明係林林野出來，係都係佢企中間啦！Anyway，都決定咗，就係咁啦。）

某年某月某日某時某地點，決鬥開始。丫，抵得佢丫，李同學竟然帶咗兩個女同學陪佢來，擺明演野，以為自己sure win。

決鬥只係last咗幾秒，最多廿秒。（決鬥過程實在殘忍，不錄，以免被列為三級出唔到街）

李三腳我地睇唔到，我淨係衝前抓，其他兩個一齊上。結果，李同學輸得好難睇，難睇係因為佢塊面多咗幾痕，真係好難睇，因為係人都睇到個幾條痕。我地三個上，李同學一個上兩個打氣，加上我地有事前部署，佢邊有得贏？（呢個故事教訓我地，有準備係好緊要）

因為李同學實在輸得好＂難睇＂，最後驚動咗校方。唔知係李同學屋企報定係佢個兩個好姊妹報，總之就係有人報咗比學校知。

結果，竟然係我要見校長，淨係我要，林林金金佢地唔使。我估因為我企中間，加上李同學咁難睇塊面係我抓出來。（我懷疑林林同金金有無打到佢？因為件事好似攪到係我同李同學既私人因怨而佢兩個無份又或者係幫我打氣咁）

天呀！有無攪錯？要個小三學生見校長？你知唔知係七十年代頭要見校長係幾咁大件事？老師已經可以罰你坐無影櫈，鋼尺打手打屁股，罰抄，扭耳仔。校長咪可以滕撞，火燒，落毒，凌遲？

我已經唔記得見校長時佢講過乜，我淨係記得原來校長係女人（我以為係校長都係男人，加上我記得校長係一個姓黃既男人，唔知點解而家變咗個女人）。當時，我好鎮定，係又震又要扮定。係咁震定既情況底下，校長講乜我又點會記得。見完校長我有一個結論：見校長好過見班主任，因為校長始終都係施文人唔會體罰，只佢只係係我本手冊扣咗２分定係５分。老實講，我平時上堂多咀講野，加加埋埋都唔只扣２或５分。見校長真好。

之後既事情我真係好想林林同金金同我一同分享，返到屋企我比老豆打到飛起。佢既級數係班主任以上。

第二日返學，奇怪的事情發生，我撞到李同學同佢塊疤痕面。但佢竟然同我笑？我只好陪笑。返到班房我同林林金金講，大家都唔知點解，但係我地都問咗個問題，我地為乜要同佢打交？之前我地根本唔識佢又無牙齒印。係羅，為乜要打交？我個５分咪白扣？

而家竟然變成不打不相識，真係武俠片橋段。

去到小五，我地三劍俠分咗班。而林林好似去咗第二間學校（唔知佢父母係咪認為我地間學校有壞份子因此幫佢轉校）。細路就係咁，分咗班見唔到面就無聯絡。

三劍俠從此絕跡江湖。（林麗霞郭偉金）

前塵往事之棋王阿輝

阿輝是我的朋友但不是同學。這樣的背景對於我而言是很少的，因為我大部分的朋友其實都是我的同學。其實我想講，小時候的我係有點封閉，唔多想接觸外界，因此，就算出街我都唔望人唔理街上發生甚麼事。有好多人都問我同一個問題：點解每次行街你都望實個地，唔周圍望？亦有人發覺每次係街度見到名星名人一定唔係我發現，次次都係人地叫我先去搵下名星係邊。最可憐係街中有靚女行過我都唔知，次次都錯失良機！（當你見到靚女時，所有energy都去晒對眼度，仲邊有extra energy去個口度通知其他人？等到得返個背脊，咪有返少少力叫d friends昅野）

望住個地行有好處，你一定想到我卜街的次數一定比其他人少。第二，個個人都以為我老實唔昅野。所以呢個故事教訓我地，了解一個人唔好淨睇表面。

講返阿輝。我識阿輝時係初中，阿輝已經係中四中五。我要搵阿輝好易，只要去修頓球場象棋台即可。阿輝當然唔只好象棋，佢都好鍾意打籃球，但當年初中的我都已經高過發育完畢既佢，你可以知道佢既籃球前途根本上係絕望，玩下就無所謂。佢都鍾意踢波，而且水準比籃球高好多，身形關係嘛。讀書？成日玩，你話呢？但我最欣賞係佢捉棋。

阿輝份人好隨和，好無所謂，但佢好窮，每次上佢屋企只係見到佢死都唔出街既老豆，我相信佢有阿媽同兄弟姊妹但就從來無見過佢地。阿輝雖然窮，但一有錢就會請我食野，唔係買比我食係買野大家一齊食。後來，我都係咁。

阿輝捉棋點叻？好簡單，捉100次我輸99次，贏係因為佢＂盒＂眼瞓或者放水。贏我呢Ｄ棋屎當然做唔到棋王，阿輝同修頓棋台班世叔伯係有得鬥。老實講，個度係臥虎藏龍之地，高人穿梭當中，絕不簡單。有時我在回想，幾張棋台在百年大樹下，十來個老者圍觀博弈，大家使出真功夫，個feel都幾武俠小說。可能在呢種環境中長大，後來我都好鍾情於象棋直到而家都係，不過棋藝就停留在初中時候。

阿輝讀書中五就無讀，一來無心向學，二來家景問題。我從來唔相信佢天資有問題，因為佢一Ｄ都唔蠢。佢入咗唔知電燈公司定係電話公司。透間都好，係當時入到呢類公司同入到政府係無分別，大公司，人工高，福利好，有前途，有保障。佢既經濟得到改善，生活都好咗好多。

但佢自從入咗大公司就出事，好學唔學學識賭馬。唔知點解，好多係有穩定工作既人都喜歡賭。可能佢地份工無得大上大落唔剌激，又或者係平穩，但發達就無你份。又或者朝九晚五實在好悶。Anyway，就係咁阿輝多了一個嗜好：賭馬仔。

往後的日子，我都可以係修頓找到他，不過好多時佢都做了文化人，刨報紙，當然係馬版。有時，佢都會捉下棋吹下水，當然係無馬跑既日子。

有一次星期六係修頓見到阿輝，上前傾下偈。佢話剛剛出糧，用來買晒馬。我即時反應同佢講：咁博？佢既回復係：一Ｄ都唔博，因為佢買咗隻大熱，熱到十蚊倍十個零幾，即係無乜肉食。但係如果你買幾千蚊都參不多可以實收百零二百蚊當加餸。實收？因為係大熱嘛，有Ｄ睹仔鍾意買大冷一博幾千，有Ｄ睹仔鍾意買大熱勝在實收。

個故仔係點？如果阿輝贏就無故仔講。個次隻大熱輸咗。阿輝成份糧就係咁乜都無晒。下之出糧要等30 日後。阿輝本來樂天，無憂無慮，我第一次見到佢慌張個樣。佢一轉身第一時間向我講有無錢借比佢？我見到佢已經失去理性失失方，我亦第一次見到一個人失去理性的眼神及樣子。我慢慢回答：我讀緊書邊有錢借比你？佢呆咗一呆。即時大叫，識唔識得有邊個可以借錢？我只係簡單答：我唔識。

個份量一定係好重要，全家都要靠佢份糧過三十日。現在成日講＂月光一族＂即打工仔份糧月月清，遲咗出糧就無飯開，以前何常不是？打工仔又邊度可以儲到錢？

想咗一想，阿輝即時叫我陪他去找某某借錢，我一Ｄ主意都無唯有陪他一起。借錢都要人陪？可能佢真係好慌。

結果去咗幾個人度但無人肯借。我地d窮人friends咪又係窮人，邊有閒錢借？加上佢係賭錢輸，無人會可憐佢。後來佢點渡過？我真係唔知，因為過了一晚後，佢無係修頓出現一段時間。（我地當時唔興電話，有乜事就去＂老地方＂即係常去的地方撞下見唔見到。以前d人生活簡單，日日如是，無話搵唔到。但當你要避亦好易，唔好係老地方出現就得）自此，我就唔見咗個棋王。

棋王與我仲有好多生活點滴，有機會再寫。(林晚輝)

前塵往事之低低地

在我的輔導生涯中會接觸不同的人。有些非常聰明，有些卻低低地。

低低地是由老師轉介給我的，大至是低低地的功課不好之類。

低低地份人心地善良，沒有甚麼個性，情緒亦沒有甚麼大起伏。就是因為佢係有點低低地，同學們就喜歡玩他或在背後講他。

低低地並不覺得自己低，他甚至認為自己有寫作天份，但他承認自己窮。

初初見低低地時我由得他講，由得他發揮。當然他的想法係有點低但並不是白癡。有時他會給我看他的作品，要我看及評分。他加入了一個網上寫作的小組，把作品放了上網供人閱讀，他亦要我到網上去看他的作品，我亦照辦。

我想過很多次想話給低低地知，他的問題在於他低低地。但我始終沒有說出口。一來我真的不知道如何向他講出那麼真實的說話。二來身為輔導員我不是要找案主的strength嗎？他內心充滿自信，教我如何把他十多年的想法一下子打破？很殘忍，我做不到。

以後每次見低低地我都會繼續聽他想說的故事。漸漸他喜歡見我，因為我是他的唯一聆聽者和鼓勵他多寫作的人。

但可以見低低地的時間不多了，因為我要出走他國。當時，我沒有甚麼可以做，我只好叫接手的同事好好對待低低地。因為他善良，是不應受到這樣的命運。

出走後，自己都有一段時間適應新環境新生活。與低低地失去了聯絡，亦沒有再上那個寫作網頁看他的作品。

幾年後，我回香港探親（見我老豆）。一天，我去到灣仔行電腦商場。我見到低低地，他在一間細小鋪頭中工作。我見到低低地但他見不到我。

我的心在難過。我在想，這就是低低地的一生嗎？

我相信他已經無讀書了，因為他又如何以低低地的能力加上家貧而繼續讀上去。他找不到好工，以他低低地的能力又如何在香港這種社會爭到一份好工。在這個電腦商場，在這個細小的鋪位渡下他的餘生。

我心裡真的淚起來。我亦無面目去同低低地打個招乎，因為我根本上不知道可以跟他說甚麼話來。我根本不能厚著面皮扮唔知嘻嘻哈哈地笑著問候他在腦場的工作及我離開後生活愉快嗎？

上前的話，我只能一直流淚，一直向著他流淚。我從不想承認低低地的人在社會是那麼的難生存，我從不想承認這個事實。但低低地的狀況就是最有效和最殘忍的方法證明給我看事實的全部的真相。

可能我不想承認所以不上前向低低地打招乎。起碼現在我還可以幻想低低地的生活並不是那麼的差。沒有求證，想什麼也可以。我的內心會好過一點。我可再逃避久一點。

我不想怨恨這個社會，因為我都是從這個社會獲取到我的需要和超過需要的欲求。但亦是這個社會奪去低低地的人的福祉。

還是，是我們這些不低低地的人奪去低低地的人的福祉呢？

前塵往事之不一樣的家庭

事件是發生我在讀 Diploma of Social Work 的時侯。

讀社工不是齋讀還要實習(placement)，這點大家都知。在我第一次出 placement 時，我剛剛患上了大病，還好未死得。（我的病要整整半年才叫穩定）但我當然不想 delay 一年學業，於是乎醫了一個多月後繼續食藥做 placement。

因為時間少了，老師便由我本來要勞動的工作轉了較無咁粗勞的。當時我做 CD 社區工作，要常常走到街裡去，開咪派傳單，少點體力都不行。後來，轉了去跟一個弱智人士家屬小組（MR組），當時還叫 MR (Mental Retarded)，現在好像叫＂發展性殘障＂ Developmental Disability。其實都係一個名，你用乜心態去睇係你既事，改名又唔可以改變人的心態，有點自欺欺人。BTW, 社會係要咁做我咪跟，搵食姐。

其實跟那個 MR組都唔係真係做好多野，因為真係時間有限，加上小組呢家野，組員間同組員社工間係有感情，唔係你話跟人家就要合作。得返個多月，鬼跟到咩。因此，老師叫我不如做訪問，了解下弱智人士及家人的需要（need assessment）。都好似幾 pro，一於應承老師。（其實當時我都唔知我病得咁嚴重，可能老師知但佢又知我呢個傻仔唔多知自己事，因此不停幫我 down grade d 工作）

我訪問了很多家庭，其中有兩個家庭比我的印象最深。

第一個是一對母子，其實好似有其他家人，不過我見的是母子。我在她們家中訪問了很久，但母親都只係想表達一個想法：我好想個仔比我早死。因為如果我先死，個仔就折墜，佢早死就係佢幸福。當然，母親天天面對不少挑戰，有些是兒子帶給她的，有些是街上的人。街上的人的眼神總是令母親吃不消。最後，母親知道在醫學進步的現今，兒子實在難會比自己早死。連這個期盼都沒有了，母親只可天天活在絕望中。

第二個是一對兄弟，哥哥是弱智，他們當然有家庭，不過我訪問了弟弟。我們在一間快餐店見面。兄弟二人非常友愛。弟弟是初中生，中三咁上下。但哥哥的一切使他成熟，比一般人成熟，比我還成熟。他經歷了第一個故事母親所經歷的，但他面對了一切，全心全意照顧著哥哥。旁人的眼光根本影響不到這個小弟堅定的心。與第一個母親一樣：弟弟會照顧哥哥一輩子，弟弟不知道誰會先死，但只要一起就一起活下去。開心地活下去。

弱智影響不了兩個家庭要照顧家人的決心，但他們卻有不同的態度。同是家中有弱智兒，一個活在地獄，人個活在天堂。世事是不能被把握的，但你可控制你的觀點與選擇。有粥食粥有飯食飯是積極還是消極，還要看的是你。

與其咀咒世界的黑暗，不如燃燒自己照亮別人。

選擇

人生是一連串的選擇。
 
你看不到選擇而只看到命運，是因為你看不到＂命運＂背後的因果關係。當你能看到因果，你就看到選擇。
 
想要看到選擇，你必須下苦功。當你的有足夠智慧，所有因果就在你眼前，看到因果你就可以作你的選擇。這種選擇與看不清因果（命運）下的選擇不同。
 
看不清楚因果的選擇是有賭命的成份。清楚因果下的選擇是你對生命負責的選擇，因為你再不能說＂我不清楚，不知道＂。
 
那麼＂真實＂的生命是很重的，每一個決定你都清楚決定帶給你的未來。
 
當然，你可選擇生命的輕，因為生命最終的結果是滅。那麼，現在認認真真地去做決定的意義就沒有了。

生命是一連串的選擇，選擇當然指向一個方向，然而，任何一個生命最終都是同一個結局，那麼，生命過一過癮不就是可以了嗎？

你明白過因果，你的生命就輕了。不明白的，生命總是那麼重，求不得，愛別離.........

Religious Links

• 湛山精舍 - http://www.chamshantemple.org

前塵往事之電子手賬

電子手賬，係一個舊名詞，在今時今日，＂手機＂你地個個都知係乜。

其實現今的手機並沒有從電子手賬中有太大的進化。來來去去都是電話，日程表，影相，上互聯網。

現時很多功能如上FB, Whatsapp, Skype 等等，其實只不過係互聯網功能的一部分，並不是新玩意，新科技。

我係潮人，因此，當香港有第一部電子手賬買時，我已經擁有一部。當時那一部是HP出品，功能上還未有電話功能。要用電子手賬打電話就要加個adaptor，我當然唔會放過。後來加上內置電話功能的電子手賬，我當然亦唔會錯過。

先指聲明，我喜歡高科技並不是演野，否則我喜歡應該係名貴衣著手飾而不是科技產品。但很多人都誤會我。Well 都唔理得咁多，把口係人地度。

拎住個手賬返工原來你會見到兩類人。

第一類。嘩新野！借來睇下得唔得。呢類，我歸類佢地係好人。

第二類。車！明明有記事簿同日記簿，使唔使用千幾蚊買個咁既野？多餘！多此一舉！比我一定唔會買。我歸呢類為壞人，好壞既人。

面對壞人，我通常都係唔理佢地。不過，我又話比你知壞人的下場。

係幾個月後，有日，有一個壞人拎住部最新model既電子手賬係咁玩，仲話都不知幾好。再過多幾個星期，其他壞人都拎住部電子手賬係咁玩。

我當時無出聲，我無幫佢地記憶，佢地要玩失憶係佢地既事。

壞人之所以壞係因為佢地心地唔好。

Funding Links

March of Dimes Canada - http://www.marchofdimes.ca/
New Horizons for Seniors Program - https://www.canada.ca/en/employment-social-development/programs/seniors/funding.html
Seniors Community Grant Program - https://www.ontario.ca/page/information-seniors-organizations/
 

理髮的啟示

今日去飛髮。

去到飛髮舖坐低後同飛髮姐姐講：『唔好咁短』。跟住用手指指耳仔邊指示剪到呢道。！
飛髮姐：『好呀』

隨下眼鏡後，飛髮姐開始幫我飛髮。
飛到咁上下，開始發覺唔對路。雖然我隻眼唔好，但無理由見到鏡中的我得返少少黑色。
帶返眼鏡一睇，死囉，短成咁有無攪錯。
即時問飛髮姐點解飛到咁短，佢第一時間答：『你話剪短。』
我的即時結論係：你根本無聽過我講，之前你問我係口up up，根本唔係真係問我想點。

我在想，做服務行業最大忌就係：無聽客人講。我自己都係做服務行業，我好清楚唔聽客人講，自把自為後果可以非常嚴重，隨時無咗份工重要身敗名裂。

有人講做服務行業好難做，因為服務行業的金句係：顧客永遠是對的。但最慘你好多顧客都係無sense，無道理，而自己係專家，有sense，有理論又有實際。唔知係咪咁而令到d服務員習慣地問客人想點就照問，但做就照自己的一套做。

結果？唔撞板就無事，一撞板就大件事。因為你真係無根客人要求做。唔比錢事少，賠償事大。

其實＂顧客永遠是對的＂我的理解並不一樣。

當然，顧客是有絕對的選擇權。人家比錢還沒有得選擇？太過份了吧！但在顧客選擇前，身為服務員的你是可以有很多事情做，保障你之餘亦可保障你的客人。

就以今次理髮為例，如果故事是這樣發展....
去到飛髮舖坐低後同飛髮姐姐講：『唔好咁短』。跟住用手指指耳仔邊指示剪到呢道。！

一。飛髮姐：『先生，長頭髮唔襯你，會唔會試下短頭髮？』（如果個客堅持，唔該你唔好剪短，就算飛完唔好睇，人家都唔怪得晒你，因為你一早講咗）

二。飛髮姐：『先生，我唔識剪短，唔介意我可以試，不過唔知好唔好睇。』（如果個客肯比你試，衰咗都唔怪得晒你，因為你一早講咗。但通常我知道你唔識我都唔會迫你，可能我會揾過另一個飛髮姐或者試剪短，話晒個頭係我既，我無理由無話事權）

所以，我認為服務行業的金句係：要留心聽清楚客人的要求！
金句二：做唔到客人要求時，要一早講。事後解釋，永遠係掩飾。

Caregiver

• Self Help - http://www.selfhelp.on.ca/
• Ontario Family Council Program - http://www.familycouncilmembers.net/

Consumer

Ministry of Consumer Services - http://www.ontario.ca/consumerservices

MD

The College of Physicians and Surgeons of Ontario - http://www.cpso.on.ca/
Rate MDs - http://www.ratemds.com/search.jsp?country=1

Physical Condition

Physical condition is the result of your choice of lifestyle.

It is so simple and straight, no hidden things.

Health is a thing that needed you to define.

這樣有問題嗎？

女人不穿上衣真空上陣（出街），男人上下都不穿全祼上陣有問題嗎？又或者女人都全祼出上陣有問題嗎？ 

 你心中必然已經有了答案。 

在原始社會或族群，衣服可是一種地位的代表。一般族人都沒有衣服。就算穿衣的特別人士，衣服的功用都不是遮羞。在這裡，不穿衣服真空上陣有問題嗎？ 

為什麼很多由原始族群演變出來的＂文明＂族群認為不穿衣服是不可以甚至是犯法？ 

文化真的有對錯的嗎？ 文化真的要有高低的嗎？ 又由誰去判？又有誰有資格去判？ 

加拿大B.C.省就有一班女人上星期一起不穿上衣，真空上身在街遊行。她們的表達是女權，男女平等的概念。與我提的文化差異像有點不同。但話雖如此，男女平等何嘗不是一種文化的產物？ 

小孩子在公眾地方大小便是錯的話，是因為他的便便影響其途他人而不是文化上的錯。莫非我們在原始森林或郊外中亦要找個＂廁所＂來才可大小便嗎？但若我在郊外時把便便落在你的鞋上這就是錯（理論上是錯，但亦可能我係專登的）。

前塵往事之原來佢係有錢仔

細細個，唔，讀小五小六咁上下。

當時，我係讀緊所謂貴族學校。即係都幾出名既私立學校。 當時，除了有一班有錢人讀貴族學校之外，在這樣貴族學也有像我這一類學生，即係家境不好但父母希望子女入讀名校，因此死慳死抵，屋企全力供養學校（交學費）。 學費交了但其他的就未必照顧得到，如衣著，食物，用品等。 其實，雖然我細，但我好明白我同很多同學仔係有分別。以我當時的能力我只能分別外表的不同。 

人以群分，我這一類人都喜歡聚在一起玩。還好地，在當時而然，bully之類的事件很少發生。或者，當時的人心地比較純樸。但有錢無錢始終都有分別。＂我阿爸買咗對Adidas比＂，＂琴晚屋企食咗xxx＂。講者無心聽者有意。雖然我不懂計較，但我亦清楚知道自己係乜身份。

當時，我與一位黃姓同學很要好，因為在體育堂時我穿大陸運動鞋而他穿大陸白飯魚（我比他高級了一點點），他很和善無架子。其實我們這類人那有資格擺架子？ 和善（從不駁咀是我們這類人的特性。） 

有一天，黃同學同我講，不如搵日去他的屋企玩。這個當然不是問題，因為根本上不需要任何準備嗎！莫非還需要什麼禮儀手信穿著整齊嗎？ 那天，我跟著黃同學坐電車到了北角。他說還要行一段路。行路，當然難不到我，但我行的方向並不是向海那些平民大眾住的唐樓方向，而是向半山的高級摩天大廈的方向。 

我有點不相信自己的眼。他竟然有自己的房間，我當時全家只有一間房。他有自己的書枱，基本上，任何用品他都有自己的。如果是現在我會問他有沒有自己廁所。 我看到他的鞋櫃，內裏的衣服鞋襪都是 made in China。 

這位太子爺，為什麼可以那麼樸素，為什麼可以那麼不炫耀自己的財富。我當時的結論是：他的家教好（我不想說他是笨蛋一名又或者他是一個節儉的人。事實上，我真的希望我不是一個＂節儉＂的人，我是那種是＂被節儉＂的一族）。但現在的我，我的結論是：他的家教好而他自己亦非常之好。

Reminiscing Links

• HK Old Photo - http://www.oldhkphoto.com/
• HK Photo Gallery - http://www.globalphotos.org/hongkong.htm
• Photo bucket - http://photobucket.com/images/old%20hong%20kong?page=1#/images/old%20hong%20kong?page=1&_suid=137884268235209688667228165793

OHIP Links

• OHIP office location http://www.ontario.ca/en/services_for_residents/STEL02_186323
• Change Health Card address: http://www.ontario.ca/en/services_for_residents/STEL02_040290.html?WT.ac=LearnHealth&WT.govon_mod_loc=AddressStartPage
• OHIP Eye Care Service - http://www.health.gov.on.ca/en/public/publications/ohip/eyecare.aspx
• Health Care Services in Your Community - http://www.health.gov.on.ca/en/common/system/services/default.aspx
• A Guide to Understand Trillium Drug Program - http://www.forms.ssb.gov.on.ca/mbs/ssb/forms/ssbforms.nsf/GetFileAttach/014-S46850E-87~15/$File/TrilliumBookE.pdf
• Application for Ontario Drug Benefit - http://www.forms.ssb.gov.on.ca/mbs/ssb/forms/ssbforms.nsf/GetFileAttach/014-3693-87~18/$File/3693-87E.pdf
• Co-payment Fee - http://www.health.gov.on.ca/en/public/programs/drugs/programs/odb/opdp_after65.aspx
• Co-payment Fee for Senior - http://www.forms.ssb.gov.on.ca/mbs/ssb/forms/ssbforms.nsf/GetFileAttach/014-4247-87~6/$File/4247-87E_.pdf

Suicide Links

• Suicide Prevention Resources Center  - http://www.sprc.org/
• Suicide Risk Assessment Guideline - http://www.oha.com/KnowledgeCentre/Documents/Final%20-%20Suicide%20Risk%20Assessment%20Guidebook.pdf
• Training Manuel for Promoting Mental Health and Preventing Suicide in Senior Living Communities - http://store.samhsa.gov/shin/content/SMA10-4515/TrainersManual.pdf

無為與無能

小國寡民，是老子以無為而治之道理。
但無為並不是無能弱勢。

看香港現在，市民分黨分派，各自表述，各自攻擊。這個亂象正正是領導無能之結果。

定還是有人想成亂中抽水獲利呢？

我相信能看到司馬超之心的日子不遠已。

Dictionary Links

English:

• The free dictionary - www.thefreedictionary.com/
• Yahoo HK Chinese Dictionary - http://hk.dictionary.yahoo.com/
• Dr. Dict (Eng-Chin Medical Dictionary) - www.drdict.com/
• Thesaurus - http://thesaurus.reference.com/
• Grammarly - http://words.grammarly.com/
• Cambridge - http://dictionary.cambridge.org/dictionary/learner-english/
• Merriam Webster - http://www.merriam-webster.com/
• The Canadian Encyclopedia - www.thecanadianencyclopedia.com/
• WebSaru - http://tw.websaru.com/

Chinese:

• Dictionary CN - http://dict.cn/
• Lin Yutang’s CE - http://humanum.arts.cuhk.edu.hk/Lexis/Lindict/
• MDBG online Chinese English Dictionary - www.xuezhongwen.net/chindict/chindict.php
• Tigernt Online Dictionary - www.tigernt.com/cedict.shtml
• Chinese pronunciation TDC - http://tdc.putonghuaonline.com/tools1.html
• Putonghua Online - www.putonghuaonline.com/
• Cantonese pronunciation - http://www.yueyv.cn/

Translator:

• Google English to Chinese Translate Website - http://translate.google.com/#en|zh-TW|
• Google Chinese to English Translate Website - http://translate.google.com/#zh-CN|en|

Others:

• Grammarly Grammar - http://www.grammarly.com/handbook/
• British Council - http://learnenglish.britishcouncil.org/en/
• English Club - www.englishclub.com/
• English Club Grammar - http://www.englishclub.com/grammar/index.htm
• ESL - http://esltopics.com/
• 4HB Sample Letters - www.4hb.com/letters/
• Online Slang Dictionary - http://onlineslangdictionary.com/
• Quote Garden - www.quotegarden.com/index.html
• Encyclopedia: Encarta MSN – www.encarta.msn.com/encnet/features/dictionary/dictionaryhome.aspx
• Britannica Encyclopedia - www.britannica.com/
• Wikepedia Chinese (Taiwan) - www.wikipedia.tw/
• Wikipedia- http://en.wikipedia.org/wiki/Main_Page
• Wiktionary - http://simple.wiktionary.org/wiki/Main_Page

Legal Links

• CLEO, Community Legal Education Ontario - www.cleo.on.ca/        
• Legal Aid Ontario - www.legalaid.on.ca/
• Metro Toronto Chinese and South East Asia Legal Clinic - http://mtcsalc.org/en/about-us/

Academic Links

• World Cat - worldcat.org/
• University of Toronto - www.utoronto.ca/
• U of T Faculty of Social Work Continuing Education - www.oise.utoronto.ca/fswconted/
• George Brown College - www.georgebrown.ca/
• Social Work Consultation Group Inc. - www.swcginc.com/
• Wikibooks - en.wikibooks.org/wiki/Main_Page
• Seneca College - www.senecac.on.ca/
• Mcmaster - http://www.mcmaster.ca/

Assistive Devices Links

• Assistive Devices Program - www.health.gov.on.ca/english/public/program/adp/adp_mn.html
• Assistive Devices Program List - www.health.gov.on.ca/english/public/pub/pub_menus/pub_adp.html
• Canadian Red Cross Health Equipment Loan Program - http://www.redcross.ca/what-we-do/community-health-services-in-canada/health-equipment-loan-program
• 
  

Parkinson Disease Links

• Parkinson Society Canada – www.parkinson.ca
• Parkinson Society British Columbia – http://www.parkinson.bc.ca

Professions Links

• Dietitian of Canada - www.dietitians.ca/
• College of Nurses of Ontario - http://www.cno.org/
• College of Physicians and Surgeons of Ontario - http://cpso.on.ca/
• College of Occupational Therapists of Ontario - http://www.coto.org/
• College of Physiotherapists of Ontario - http://www.collegept.org/home
• Rate MDs - http://www.ratemds.com/search.jsp?country=1

Weather Links

• Environment Canada - www.weatheroffice.gc.ca/canada_e.html
• The Weather Network - www.theweathernetwork.com/
• Citynews weather - www.citynews.ca/weather/weather.aspx

Tax Links

• Canada Revenue: www.cra-arc.gc.ca/menu-e.html
• Canada Revenue - authorizing or cancelling a representative (Form T1013) - http://www.cra-arc.gc.ca/E/pbg/tf/t1013/README.html
• Canada Revenue - change address  - http://www.cra-arc.gc.ca/tx/ndvdls/tpcs/ncm-tx/chngddrss-eng.html
• Canda Revenue - Death

Immigration Links

• Ontario Immigration - www.ontarioimmigration.ca/
• Settlement – www.settlement.org
• Citizenship and Immigration Canada - www.cic.gc.ca/english/index.asp
• Ontario Seniors’ Secretariat - www.culture.gov.on.ca/seniors/english/index.shtml

Maps Link

• Google Map - maps.google.com/
• Yahoo Map - ca.maps.yahoo.com/
• Canada Postal Code - www.canadapost.ca/common/tools/pol/bin/search-e.asp
• Map Quest - www.mapquest.com/
• Toronto Map - http://map.toronto.ca/imapit/iMapIt.jsp
• Virtual Earth - http://maps.live.com/

走鋼線

要維持人的健康就像走鋼線一樣，我們要保持身體平衡。失足跌了下來就是生病了。 

年紀越小，鋼線離地越近，十多歲的孩童他的鋼線離地如兩三尺，跌了下來，拍拍屁股起身再行過。

對於中年人，鋼線離地可有十多尺高，跌下來可不事小，隨時永久傷殘甚麼乎生命有危險。 

對於老人而言，他們的鋼線就像在摩天大樓那麼高，一次平衡不了，必然粉身碎骨。

Welfare Links

Benefits Finder - http://www.canadabenefits.gc.ca/f.1.2ch.4m.2%40.jsp?lang=eng


Service Canada Offices (Scarborough) - http://www.servicecanada.gc.ca/tbsc-fsco/sc-srchpc.jsp?lang=eng
Service Canada Offices - http://www.servicecanada.gc.ca/tbsc-fsco/sc-hme.jsp


CPP

• CPP - http://www.servicecanada.gc.ca/eng/services/pensions/cpp/index.shtml       
• CPP Disability Benefit - http://www.servicecanada.gc.ca/eng/services/pensions/cpp/disability/index.shtml

EI

• EI - http://www.servicecanada.gc.ca/eng/sc/ei/index.shtml

Electricity

• Fair Hydro Plan - https://www.ontario.ca/page/ontarios-fair-hydro-plan

OAS -

• OAS general page http://www.servicecanada.gc.ca/eng/sc/oas/pension/oldagesecurity.shtml -
• Change address or direct deposit information http://www.servicecanada.gc.ca/eng/sc/oas/pension/answer_cppaddress.shtml
• Involuntary Separation Form - https://catalogue.servicecanada.gc.ca/content/EForms/en/Detail.html?Form=ISP3040
• Application form http://www.servicecanada.gc.ca/cgi-bin/search/eforms/index.cgi?app=profile&form=isp3000&lang=e -
• OAS forms list http://www.servicecanada.gc.ca/cgi-bin/search/eforms/index.cgi?app=lst&grp=oas&ln=eng -
• Cancel OAS http://www.servicecanada.gc.ca/eng/isp/common/cancel.shtml#cancel
• Electronic Forms of OAS - www.hrsdc.gc.ca/cgi-bin/search/eforms/index.cgi?app=list&group=OAS&dept=sc&lang=e
• Forms - www.health.gov.on.ca/english/public/forms/form_menus/ltc_fm.html
• GIS - http://www.servicecanada.gc.ca/eng/services/pensions/oas/gis/index.shtml
• Table of OAS, GIS - http://www.hrsdc.gc.ca/en/isp/oas/tabrates/tabmain.shtml
• GAINS GAINS - www.rev.gov.on.ca/english/credit/gains/
• Table of GAINS Benefit - www.rev.gov.on.ca/english/notices/itrp/1934.html

OW

• Ontario Works - http://www.toronto.ca/socialservices/ontworks.htm
• Ontario Works - www.mcss.gov.on.ca/mcss/english/pillars/social/ow
• Definition - http://www.mcss.gov.on.ca/en/mcss/programs/social/directives/directives/owdirectives/7_1_OW_Directives.aspx
• Assistive Device - http://www.mcss.gov.on.ca/en/mcss/programs/social/ow/index.aspx

OSDP

• ODSP, Income Supports - www.mcss.gov.on.ca/mcss/english/pillars/social/odsp/income_support/

OTHERS

• Canadian Retirement Income Calculator - http://srv111.services.gc.ca/
• Human Resources and Social Development Canada - www.hrsdc.gc.ca/en/gateways/nav/top_nav/program/isp.shtml
• Ministry of Revenue - www.rev.gov.on.ca/english/index.html

Transportation Links

TTC

• General page http://www.ttc.ca/ -
• Wheeltrans general page - http://www.ttc.ca/WheelTrans/index.jsp -
• Wheeltrans booking - https://mywheel-trans.ttc.ca/

 

• YRT/ VIVA - www.yrt.ca/
• GO Transit - www.gotransit.com/
• York Mobility - www.yrt.ca/mobilityplus/index.asp  
• Scarborough City Cab - www.scarborocitycab.com/
• Non Emergency Ambulances - http://www.torontoems.ca/main-site/service/non-emerg.html (416-392-2222 Chinese Hotline)
• Accessible Vehicle Services - http://accessiblevehicleservices.com/index.html
• Scarborough Ride – 416-847-4146
• Wheelchair Accessible Transit - www.wheelchairtransit.com/index.html (416-209-0950)
• Voyageur (Non Emergency Ambulance) – 1-855-263-7163

• Highway Traffic Act - http://www.e-laws.gov.on.ca/html/statutes/english/elaws_statutes_90h08_e.htm