細心與愛心

假如你係一個病人，而家喺醫院裏面。你面前有兩位護，第一位A佢好有愛心但係做事唔細心，第二位B佢冇乜愛心但係做事非常細心。你會選擇用邊一位護士照顧你？

以前喺老人院工作常常聽到屋企人嘅說話係，你哋做事可唔可以有愛心？

我反覆咗諗咗好耐點解佢哋會有呢個要求？

我嘅反覆原因係。我唔知護理人員點樣有愛心。喺我嘅認知裏面有愛心係要對住自己有愛嘅感覺嘅人。例如父母子女親戚朋友等等。

我真係唔懂得對住一個三九唔識七嘅人有愛心。

第二就係愛心為好抽象嘅，點為之有愛心？我相信講嗰個都唔知道。

但係喺護理工作上面我完全能夠量度得到工作人員嘅細心，有冇做啱嘢有冇做漏嘢完全係可以量度嘅。

所以當家屬講要工作人員有愛心嘅時候，我往往都指出工作人員做事非常細心。我唔會提愛心因為我根本冇辦法量度得到，再加上我唔明白一個工作人員點樣對住一個自己唔識嘅人有愛心。