環保定自補

所有在地球的生物／生命，都會消耗資源。當然，牠們亦會為地球製造資源。例如動物吸入O2呼出CO2，而植物吸入CO2呼出O2，呢個就是 Eco。


Eco 是講平衡，我喜歡用 equilibrium 多過 balance。無他，當一個 equilibrium 無法平衡到的時候便會去到另一個 equilibrium，但當失去 balance 時就好似乜都玩完，無下場。但係去到另一個 equilibrium 是否合適人類生存或者其他生物生存就不得而知。事實上，歷史上，地球轉變 equilibrium 後亦令好多物種消失 (大道無情)。大道從來無對人類有情 (如果你認為大自然優待人類那是你自作多情)，當有一日呢個合適人類既 equilibrium 亦有改變時，人類亦要滅亡。


環保，來來去去實情係講人類生存問題，人類從來都是利用環境去滿足自己，那有甚麼保護地球？人類不要說得那麼偉大！然而，地球亦不需要任何生物去保護它。地球在太初之時，火球一個，沒有任何生物可存活也是地球，他日，地球若再無任何生身物存在也是地球。


人類要有怎樣的生活環境，自己攪攪罷。


一家四口，個衰仔一放學就將D衫到處掉攪到間屋烏煙瘴氣，個衰女又成日買化妝品買呢買老攪到一屋垃圾，個衰老仲衰開著晒D電視，HiFi，電腦，又開大冷氣但又走左出街食車仔檔，一陣D飯又搵鬼食，又要倒晒佢。(當然個老媽子同班師奶吹完水之後就係廚房開大火又唔知煲埋D乜乜物物，聽講食完可以了脫生死 (唔使病唔使死)。


地球就是這間屋但不是家，屋不會變但家會消失。家中成員係點，結果自受。


一個較積極進取的角度係："環保"，我真係唔係好想用呢個 term ，一來應該叫"自保"，二來環保實情係"環補"，最後"環保"變成"自補"。而我，係"環保"呢個題目上係：想建立一個令人類能存活的環境，包括用一切方法 (我絕對唔係反科學反科技，如果科技可以幫到環保時我一定會用，好似大陽能，風能，綠化等等)。我絕對唔係享樂主義，但絕絕對對一定唔係受難主義，係平衡狀態下好好享受人生絕對OK。


要"環保"持續，除了了解及使用合適的方法外，就是將環保變成一種 life style，否則好似潮流咁，到頭來有個屁用。Life style 除了行為上，思想上都係好緊要。要講？Day 100都唔夠講。


最後，講返 equilibrium，如果人類認為那一個獨特的 equilibrium 係最合適人類生存，咁請大家好好了解呢一個獨特既 equilibrium，同時好好保存，否則，equilibrium 一轉未必能返轉頭 (通常都係返唔到轉頭，好似現今 superbugs 咁已經係沒有回頭路)。


天作孽尤可違，自作孽不可活。


有時間請睇片https://www.youtube.com/watch?v=WmVLcj-XKnM


多謝友人 Virginia Lam 邀請好使我吹了七日水。我無乜朋友，唔邀請其他人，想發表意見，自便吧，環保係要主動既，唔好等，唔好要人邀請，立即行動啦，喂！！！


#減廢大挑機
#ChallengeBigWaster