行外人

林燕妮嘅死對我無乜影響， 因為我唔係佢fans。 林燕妮這一個名只會令我聯想起黃霑， 而我係黃霑嘅fans。

但係林燕妮嘅死畀我睇到一樣嘢。 佢死咗之後喺網上既報道久唔久就有啲link係睇返佢以前接受訪問， 例如比蔡灡，倪匡等等的訪問。 呢啲訪問嘅上面，你會見到一種好特別嘅交談方式。 見到一班文人，以文人既方式喺度高談闊論， 有時佢用嘅字用嘅詞我都係唔明㗎。 你覺得佢哋嘅交談係好有style嘅。  身為一個普通市民就算佢哋畀我參加呢次交談我都係插唔到嘴㗎， 簡單地講，我根本唔係佢哋嗰種style。

 但係從這一件事上面我一個反映， 其實唔同行業都有佢哋自己嘅style自己嘅culture。 而呢一啲嘅style同culture其他行外人係學唔到。 作為一個fans只能夠喺門外睇下班偶像喺門裏既生活， 羨慕佢哋嗰種style。 但fans清楚知道永遠唔會有佢哋嘅style， 除非有一日fans都成為一分子。

 唔同嘅行業都有同樣一個情況發生，每個行業都有自己嘅style同埋culture。 你唔係行內人你永遠都唔會真正擁有呢個style。 無論你幾咁努力扮你都唔會似， 除非你真正成為佢哋一份子。 例如醫生呀，律師呀，社工呀等等。

 如果你好羨慕，好想真正有一呢種style嘅話， 你唯一的選擇就係要成為佢哋一份子， 而唔係喺窗外面望入去。

身為演員其實咪就係籠裏面的一隻金絲雀囉。