係你呀導演，係你呀

在網上，聽到一個關於羅拔狄尼路對一班演藝學生演講。

內容大致：
演好個角色係演員既責任。拍好部戲係導演既責任。部戲拍得唔好唔關演員既事，係導演既問題。但個角色做得唔好就係演員既問題唔關導演事。

所以，演員唔應該為咗部難片而唔開心，只要你已經做好你本分。亦都唔應該因為部戲唔叫好唔叫座而唔開心，如果你已經做好你本分。唔叫好叫座係導演既問題。

其實係工作上都好似咁，由老細到掃地，都各盡其職其責。公司表現唔好係唔關員工事，係老板問題，如果各人已經盡了力做好自己個一分。但事實呢？

事實而家D老板好叻，叻，係因為佢哋唔叻，因為佢唔叻就想出條橋叫：集體負責制，或team approach，即公司表現唔好，就人人都有責任，老板唔使負全責。本來係公平，一齊決定一齊負責，但事實呢？

事實係：一齊開會，一齊討論，老板最後拍板，一齊負責。公平嗎？明眼人一睇就明魔鬼在其中。