今天我與你一起共渡了一個下午

2016年5月18日
你下葬了，在鄉下下葬了。我沒有出席你落葬的活動。但我卻到了志蓮淨苑那裏，介紹你給菩薩，佛祖認識。希望幫你與他們結個綠，希望在你的來世他們會引渡你，教你學做一個解脫的人。

你的一生真的面對著很多繁惱，這點我是知道的但我又那有這個能耐去開導你呢？唯有求菩薩佛祖幫手。

這天，我到了苑內每一位菩薩佛祖面前把你介紹一遍。我感覺到你是在我旁。當我坐下來休息的時候，你在苑內散散步拜拜佛，結個綠。

爸，我沒有甚麼可幫你，希望你來生得菩薩佛祖幫助，做個解脫的人。

順天性，順物性

在西藏生死書中，有一段說話：
用手握住銅板，手心向下，若打開手掌，銅板就此跌落（喻意執著，執著的人只會越抓越緊）。若然，手心向上，若打開手掌，銅板亦不會跌落。縱使放開亦不離開（喻意放手反而可得）

我對這段理解不一樣。
作為學過物理學的我，手心向上，放開手銅板不跌是因為地心吸力，而不是放開就可以擁有。

但個中有一個道理。在這個世上，無論何事何物都受地心吸力所影響。當我們明白這個道理，就可以善用之。就如銅板不跌。

對於人而言，人最需要的是甚麼？是支持，是愛，是關懷。若果你心懷總總，人，縱使你放手也不會離你而去。若然，你心存操控，虛假待人，無論你怎麼抓得緊，到頭來也是抓不到的。

在佛法中，我們要心存慈悲，原因，我們都希望很到別人的慈悲。

來生

哲學一個核心問題: 死後有沒有未來或來生?

若有, 你的生活態度會有甚麽改變? 還會繼續破壞地球? 還會做壞事? 還會??????

事實上若沒有來生, 人死如燈滅. 我幹嗎要做好事? 現代人的生活模式, 經濟模式不就是以人死如燈滅的方式進行著?

絕非偶然

世事常常是預料之外, 但絕非偶然

基於識見及資料不足, 世事是很難準確地被預測,
但事情之因果卻絕非偶然, 只是你我不明所以

前塵往事之大家姐

兒時曾經與大家姐及阿爸同住。住過太原行， 汕頭街， 最後係交加街。當時應該由小學到中學。之後， 大家姐去了法國， 從此就再沒有與大家姐一起住。

在我的記憶中， 我同大家姐係火星撞地球， 常常口角， 繼而動武。打交打過很多次。但係我係唔夠大家姐打， 我哋相差四年， 我又遲發育， 大家姐高我成個頭， 加上佢係女童軍， 邊夠佢打。

就算大了， 交就唔打， 但口角就依然。然而內容是很高層次， 哲學， 神學等。

近來大家姐向我講， 我們兒時的生活很甜， 但我想極都想不到有甚麼很甜的事情發生過。因為除了衝突， 我真係想不起。前兩天， 當我想阿爸的事的時候， 我就想起了我和大家姐的事。真的， 如大家姐所說， 是很甜的事。

小時候， 我跟著阿爸周山走。當大家姐一起住時， 我就跟著大家姐。星期日就一家三口一起去旅行， 去新界， 去大埔， 去離島， 去呢度去個度.......突然幾將相亦浮上腦海， 都是我與大家姐的相。

另外還有一事， 小時候大家姐去聖雅閣福群會參加活動， 我沒事做就跟著她去。後來， 她參加了少女組， 每星期聚會一次。因為我沒事做， 因此我亦一同參加少女組， 其實她們開組我自己發傻， 有時會也參加她們的活動和遊戲。但長遠而言當然這是不可能的事。因此參加了幾次之後， 小組的工作員， 我諗係社工就想轉介我去少男組。但她的好意我沒有接受， 我知道不可以留在少女組， 唯有自己找活動， 通常都在聖雅閣褔群會外的山坡玩。

我不知道大家姐所講的甜甜往事是否這些， 但在我心中， 與大家姐的甜美回憶就是這些。當然還有很多片段， 一起做功課， 畫公仔給我， 最有印象是"郭麗珍與小恐龍"。郭麗珍是我小四時的老師， 她非常好， 有機會會寫一下郭麗珍的故事。

前塵往事之晨運

有日， 大家姐講起她與我最開心的日子就是小時候的日子, 小學生三四年級咁上下。當時， 我記不起她說的日子是那時。反而， 我想找回與阿爸最開心的回憶。

我常常認為與阿爸生活的日子都是平淡， 都是衝突。但後來， 我一路向後想， 一路努力地去想， 到兒時的記憶去尋找， 終於有所發現。

那時是小學生， 很小的時候。當時， 我應該與阿爸一起住， 對， 只有阿爸與我。阿爸做酒樓， 一星期做足六日， 星期日休息。

每逢休息日， 阿爸就會帶我一起晨運。晨運行山是阿爸的興趣。我們由灣仔出發， 一路向山上出發， 但目的地就次次不同。有時是香港仔， 有時是布力徑， 北角， 淺水灣， 石澳， 赤柱......

兩父子行山， 有問有答， 很有電影感覺， 事實上很窩心。回想前塵， 現在我的心是暖暖的， 眼是紅紅的。真的很甜。我相信阿爸是記得這些片段。

後來長大， 這些片段全都在我腦中消失了， 不是因為大姐的話， 我也沒有好好用心回憶兒時與阿爸甜美的回憶， 亦不會找到這些真貴的回憶， 多謝大姐。

前塵往事之大家庭

以前讀社工時， 讀過nuclear family and extended family。比我譯， 我就譯nuclear family為小康之家， 即家中只有父母子女。extended family我就譯大家族， 即三代或以上同住。

若你問我的家庭是nuclear family or extended family？ 我當時一定答係小康。因為， 當時我同我老婆兩個人住。就算係之前， 我都係同老豆住， 得兩代所以一定係小康。

但今天我回想我才知道自己係全錯， 我係係大家庭長大。

細細個時， 因為父母間問題加埋阿爸工作關係， 其實我有好多年都唔係同阿爸一齊住。直至到小五小六咁上下先至同阿爸同家姐一齊住。

之前呢？ 之前去唔同親戚度住。記憶所及， 住過大伯爺屋企， 二姑媽屋企， 表姑媽屋企， 八姑婆屋企。可能重有， 不過都唔記得。

我諗我應該好唔聽話， 否則點解要係十年內去咁多唔同地方住？ 重加埋有段時間我係比人（街外人）照顧。

個中發生乜事， 點解係要咁安排， 已經考究唔到， 因為老豆都死咗， 呢個比較真實既版本都已經無埋。但由今日開始， 你問我係乜野家庭長大， 我識答， 係extended family大家庭。

前塵往事之共相

讀社工時， 大概係唔199X年。當年有位趙sir趙球大， 教心理學。我相信佢係神人。因為， 我覺得佢好神化。後來， 我發現佢蓬瀛仙館既董事, 證實佢真係神神地。

話說當年， 當時未知趙sir係神人， 因為97將近， 大家傾開香港前途問題。趙sir對香港前途好有希望。

同學們就問佢點知？

阿sir就話佢睇得出。

我哋就問佢係咪識睇相？

阿sir就答識少少。

當時， 同學們都傻咗。因為一個心理學老師竟然話識睇相， 乜佢信埋D咁唔科學既野？

阿sir跟住講， 要睇一個國家既未來就要睇呢個國家既細路既相。阿sir跟住講， 佢睇過當時D細路s個樣， 個個都好好， 所以， 佢相信香港未來十幾廿年都會好。

其實如果你信睇相， 阿sir呢個見解有真係好合理。一個人既相係一個既命， 多個人既相就係一個地方既命。我叫佢做"共相"。

我都好信佢呢個理論， 因此， 去到唔同既地方， 我都好有癮睇當地既細路s， 了解一下個地方既未來。

近來， 返到香港， 見到班細路D相， 越來越"騎呢"。唔知香港未來幾十年係咪會好騎呢？

剷平主義

有些人就是剷平主義，秦始皇就是其一。

當他沒法處理不同的意見（我相信這種人有平衡力問題），就玩統一，統一文字，統一思想。但他從來沒法享受到不同意見帶來的火花，生趣。

如果這個世界是個遊戲

從不同意見者甚至乎敵人身上，你獲得到知識。
從意見相同者身上，你獲得支持。

兩者都需要珍惜。

世界變

場景A:

甲: 真係一代不如一代
乙: 世界變姐, 係舊的食古不化

連李超人都話: 要個八十幾歲既人幫班後生仔做決定係好危險既

A: 任何地方, 如會議室, 茶餐廳

思想騎刧

越來越相信，歷史書上的一切都不一定真。就同宗教一樣，始終都係經過人手。

細節，歌功頌德，推卸責任的事情可以不理，但有些事情欲可作參考。

在中國，每到亂（戰亂，內亂，動亂）的時間，基本上所有管理階層接納法家，韓非等理論。

一到太平，就嗱嗱聲引入儒釋道。莫非法家韓非沒有處理太平之道，而儒釋道沒有處理亂的方法？

事實上，是所謂管理人是如何利用所謂思想或宗教去管治民眾。

本來，思想，宗教應該是放在第一位，指導著管理的方向。但事實是它們都變為一個管理工具。

孔子之所以得不到君王的重用不是他的思想不好，而只是生不逢時。

國家大事如此，公司亦是如此，家事也如此。那麼，真正的指導我們思想及行為的是什麼？

管理學問題

廚師要煮100人飯，其中一位客人要求食麵，因為他不吃飯。
結果：
因為兩種食物煮法不一樣，廚師打算用一半時間煮飯，用一半時間煮麵。

但廚師一向煮飯不懂得煮麵
結果：
廚師唯有再分配時間，用一半時間去學煮麵，用四分一時間去煮飯，四分一時間去煮麵。

當然，剛剛學會煮麵不會煮得好，結果廚師再分配時間。
結果：
廚師打算用一半時間去學煮飯，用少過四分一時間去煮飯，用多過四分一時間去煮麵。

但鐵一般的事實是：
99人在等食飯，1人在等食麵

P.S. 以上時間只係估，但重點在邏輯上。

哲學家是這樣練成的

今早去到一間地痞麵包舖食早餐。舖細細，價錢平，野食ＯＫ。

一班阿叔已經在高談闊論，內容是介子應該帶係邊隻手？你一言，我一語，大家吹到頂峰。有Ｄ堅持功能論，有Ｄ堅持習俗，理論多多，建設少少。

看到這個情境，我忽然好似見到哲學大師蘇格拉底 。根據記載，阿蘇生朝朝無野做（查實佢係無業遊民，所有野都係佢老婆攪掂，最update係佢做過守城門門口。所以根據記載佢好怕佢老婆但係又唔敢飛佢，可能怕飛咗老婆之後連飯都無得食。加埋佢好醜，搵唔到小三），就去市集度，成班麻甩佬係度吹水，當然每天題目都唔同。吹吹下，就吸引埋Ｄ靚仔（好似阿里氐多德等）都聽佢地吹。後來靚仔阿里氐重要寫底Ｄ吹水內容變成哲學經典。

吹下吹下，個個麻甩佬變成哲學大師，重有門派。

麻甩佬真係好奇妙，時間重奇妙，用幾千年時間可以將班麻甩變成哲學大師。

大前題

好多時，我地都會用＂以乜乜為大前題＂，＂以乜乜為重＂既思考方法去處理討論，又或者去處理衝突。

但事實上，最大的大前題是自己，無論大家幾想乜乜係大前題，人既內心，好自然會將自己成為第一位。當我自己ＯＫ既時候，其他事情就可以成為大前題。

你又試下為咗公司，唔加你人工你＂內心＂嬲唔嬲？

想太多

老豆過身，從中都比到好多思考同啟發過我。

唔知係咪因為我既工作關係，定係我個人既性格，凡事，我都好似諗多咗，俗稱諗太多。

諗完自己個份，之後，又要諗埋人地個份，差Ｄ連唔關事既人個份都諗埋，可能諗重要諗埋對社會既 impact。

其實，我都會諗點解會諗多咗，其中一個原因係唔夠資料。事實上若果有足夠資料，重有乜野好諗。正所謂，事實擺在眼前，唔接受都要接受個事實，要諗就只有諗點回應。

唔夠資料去諗，就有好多估計，老實講，你可以估到自己係點，但你又邊會估到人地係點，再加上你會估人地點估你，又或者你估人地點估你估佢，真係沒完沒了，如果涉及多幾人，真係估來估去既大災難。陰謀論就係咁出咗。

跌落陰謀論，肯定你一世痛苦。

係資料不足既時候，最好唔係去估，而係去搜集有用資料，當你搵到既時候，咁，咪使再估。

就算你無法再搜集到進一步資料，你都唔係去估。而係用手上現有既資料去做一個決定，一個你可以實行到的決定，一個你願意承擔既決定。

＂莫忘初心，實事求事＂係好緊要。要估，你一世都估唔完，你能夠整理到你自己就已經好足夠。你可以承擔到多少就是了，不能就是不能。

多謝老豆，死咗都比咁多野過我諗。

燒香

燒香， 比人是一種迷信既嘢， 或者係一種宗教儀式。

但只要你試過有親人過世， 燒香， 絕不是上述所想的事情。那種對親人的思念， 就由輕煙徐徐送到他那裡去。

前塵往事之成日比老豆點

我雖然唔算絕頂聰明， 但都算聰明絕頂。但係， 咁多年來， 我都一直都比老豆點。

又話考試考三名之內可以買大型Cassette機, 又話考完會考可以比我去大陸旅行(自由行), 又話賣間樓過我....多不勝數。

頂, 全部都係搵我笨。

不過， 我再無嬲我老豆。老豆都可以信， 豬乸都會上樹。

查實， 我上咗高中就知道老豆成日搵我笨。不過唔知點解， 都係繼續比佢搵笨。

搵我笨已經成為老豆既習慣， 我被搵笨都係習慣。

都慣晒， 搵唔搵， 笨唔笨都無所謂。話晒一世人兩仔爺， 有今生無來世。當大家熹戲下咪算羅。最難過係你想佢搵你笨都唔可以

掛念阿爸

很掛念我阿爸
不知他現在如何, 我指佢個靈魂

我無後悔同老豆以前發生既一切， 包括頂佢個D。因為， 無喜與悲就唔係我同我老豆。

很排念阿爸， 是從心裡排念， 真的， 同用腦既掛念係唔同。每次想起阿爸， 個心就有反應。

前塵往事之原來我好識扭計

我諗應該係小學生既事，因為上到中學我都唔啋我老豆。

細個時，好多野想買，當然係唔等使野，但細路仔真係唔知點開口（大咗中學後就一句＂阿爸我要買乜乜物物＂攪掂）。咁細路既我又點好呢？

多年經驗，我知道老豆每晚通常都係晚上９點度返到屋企，佢係上環返工，日日都係搭叮叮。於是乎＂聰明既我就會８點半到咁上下去到電車站等老豆放工。

當然係無事先通知，個老豆見到個仔去接佢放工就好開心。於是乎就會有宵夜食。嘿！奸計成功！有時要買野就會拖老豆去買，通常係新中華百貨公司。文具呀，衫褲鞋襪呀。有時係玩具。

呢招真係勁，次次都成功。嘿！

講扭計我都唔野少。