我不認同

這個世界沒有"對"與"錯", 只有"我認同的"與"我不認同的"

例句: 你這樣做是錯的.
重組: 你這樣做我不認同.

看到分別嗎?

世界是客觀的世界, 但人去演釋這個世界卻是主觀的. 在主觀底下, 我看不到"客觀的對與錯". 另一方面, 當然亦沒有所謂"客觀的我認同和我不認同".

日出日落是一個客觀事實, 所以不涉及對與錯, 亦不存在認同與否. 人事呢? 既然不客觀, 就只有"我低下的對與錯", 亦即是"我認同與否".

以後, 鬧交時就一清二楚, 不要再指責對方"錯", 而只說句"我不認同你的". 看來, 鬧交越來越沒味道.

人類的工作

人世間, 是一個不完美的人間.

人類的工作是作小修小補去使到這個人間能繼續發揮其功能.

熟手老師父, 他們會把事情做得近乎完美, 使這個人間看似完美. 但新手卻只能保持功能罷了, 還有可能把事情弄穢.

起碼的三元思考

我將“成敗”，“輸贏”定為二元思考。

那麼，這個世界絕不是二元世界。這個世界是起碼三元世界，即事件與事件是連結著，隨著時間的流動，事件與事件是不斷產生變化。

如果用二元論解釋這個世界，你一世都不會明白這個世界，世事。

多采多姿的世界

世界之所以多采多姿，是因為性格而非沒有規則。

人生與畫

兒童是蠟筆
少年是素描
成年是油畫
中年是水彩
老年是水墨

腦退化

思覺失調是個很好的名字, 事實上是精神分裂. 
腦退化是另一個很好的名字, 事實上是精神病.

前塵往事之中秋出千

今日中秋，想起小時候既一件事

當時，應該係小三咁上下。話說有間福利機構（好似係聖雅各福群會）攪咗個中秋花燈製作比賽。我同大家姐都有參加。

當然，以我咁蠢既人又邊識做花燈。BTW，我家姐都唔得，嘿，往佢重覺得佢好有藝術天份。

結果？結果係我老豆出手，做咗兩個一模一樣巴燈籠比我同我家姐去比賽。係一模一樣，可能我老豆淨係識得做呢一款燈籠。

比賽結果？結果係我地都贏咗。唔記得係二三定三四。總之有獎。

事後唸返都覺大會幾兒戲。明明係一模一樣，傻既都知道係出貓。加埋，一定係請槍，咁都有獎？呢個世界真係丫。

Anyway, 攞獎時真係好開心，家姐都開心。多謝老豆，中秋節快樂。

簡單的事情

簡單的事情並不悶, 簡單可以很神, 可以是藝術

有 heart

好多時我地都要求人做事要有 heart. 查實乜嘢叫做有 heart? 點樣知道個人有 heart 定無 heart?

近來想到, 如果做人既工作, 做完後你會有種幫咗人既感覺, 咁你就算有 heart. 如果你做完覺得只係辦咗件事, 咁就係無 heart.

有 heart 係一種感覺, 一種又內至外既感覺. 不單只係完成, 而加埋有DD徫大既感覺.

投票

投票
其實唔係投參選人，而係投市民質素及決心

人民監察

上古有道
人民把管治交到有道德之人，是一個信字
但是太多例子證明有道之士少之又少，又或無興趣於管治

無道亦無信，於是建立制度
以制度監管管治者及人民，道德從此不是管治者必須要有之條件
但不景制度是工具，被管治者利用為私用，公器私用

信無可信，人民監察成為新模式，但是忙於生計的人民還要去監察政府，很累，與管治者鬥很累。堅希望有一個有道之人，把責任交到他的手上，回到上古之道。

Non judgemental, non value laden

越來越發覺, 講沒有價值判斷或取向的字, 句子是很難很難. 很有挑戰性. 若做到了又很有成功感.

講白一點

制度是人定出來。

制度本來定出來是用來幫人，但制度亦會傷人。

說到底，制度本身是一個工具，幫人定傷人，就要看用制度的那個人而非制度本身。

說到底，人性，就是關鍵。

哲學家們喜歡談論人性之本，亦有其道理。

年過 50 代表乜?

年過50代表乜？

代表我有理由相信係我死前地球有足夠資源比我用。我唔係話我一定有錢買，但若果我有錢就一定買得到。就算我依家亂咁用地球資源，我幾唔環保，我都有資源用。

但係我會好環保，比以前重要更環保，因為我想未來既人類都繼續生存在地球，我喜愛既地球。

我而家做緊既野係好衛大，因為已經唔係為我自己。50歲前我唔敢講，但而家可以。

遊戲人生

曾幾可時，相信人生，只是遊戲一場，或許，是最新式的靈魂投入遊戲 real life role play game。
無論如何，有人玩得很認真，場場必勝。有人卻不認真，逍逍遙遙。

按理，明明是遊戲一場，可必認真。但遊戲就不認真？有違體育精神。真的難攪。

事實上，就算是逍遙的人及無我的人，他們其實都係玩得很認真。認真地逍遙。

佛說無我，其實不無道理。無論你認真地去玩，還是不認真地去玩，你要如何玩，總有一個理由，但最重要是玩後不要上身，上心。要懂得放下，要懂得停，要懂得離開，要懂得不被心所牽連。

話, 越來越少

人生經歷了多年, 以前說話多, 現在說話越來越少. 管用的, 一句兩句就可以.

現在, 學會了: "知道了", "明白了", 就已經能回大部分的說話.

appreciation instead of sorry

加拿大人喜歡 say sorry 就全世界都知。

近來，睇咗一個見解，叫加拿大人唔好講咁多 sorry。初時一睇好反感？做乜要大家放棄謙虛既性格？

睇真 d 就發覺原來主張者叫大家正面 d 去欣賞別人既長處，而少睇自己既錯處。

人做錯係好自然既事，加上有好多錯係無奈地發生。如果，我哋下下都係自己做錯時當正自己係罪人，咁，就真係大件事。反之，當我哋做錯時，別人原諒發接納我哋既過錯時。我哋應該講多謝及懂得欣賞別人既優點。因為，咁覺顯得你關心別人，尊重別人。

下下 sorry，其實係"自我"既心態。下下多謝，係"無我"既心態。

單性繁殖與雙性繁殖

單性繁殖與雙性繁殖，我相信最大的分別在於雙性繁殖既進化速度會更快及有效。因為在繁殖時可以抽取雙方最優秀的部分建立新後代。單性繁殖呢？只能不斷重複自己。

一理通百理明，繁殖如此，意見可常不是，多一點意見，結論總會是好一些。

細胞的靈魂

生命有沒有靈魂？

就當佢有，咁，細胞有沒有靈魂？
細胞雖然細，但細胞不停地工作，每一種細胞做不同的工作，不是由人去操縱。細胞一定不是死物，細胞是自主的，細胞有生亦有死。咁，係咪佢有靈魂？

若照這方面推，那麼，人身，就存在了很多靈魂。人的靈魂只是身體上的一個大靈。
細胞的靈魂是否由大靈分化出來？細胞死後的小靈去到那裡？反回大靈，與大靈結合？那麼靈魂就可以循環再用，永無止境？

我不知道，但如果我想的是真，那麼，我想問：我這一個靈魂是否就如細胞一樣，是另一個大靈之小靈魂？那個大靈叫上帝嗎？

當細胞有了自我意識時，做自己想做的事情，問題就出現了，那就叫做癌。癌脫離了自己的本份，為了自己的生存而去搶奪別的細胞生命。

人是癌細胞嗎？

癌細胞以為不斷攻擊就可以繼續生存，對嗎？當有一日，連本體也死了，癌細胞就無以為生，要一起死去。

人法地，地法天，天法道，道法自然，這個道理隨處可見。人與地球的關係，人與其他生物的關係亦是如此。

輸在起跑線?

玩過手機 game apps, 你都知道大部份呢d apps 都會有 in game purchase. 即係你可以用錢買野提升你的能力, 比錢, 當然你會玩得容易咗. 對於無比錢既 player 來講, 你都可以玩, 當然就辛苦一D, 慢一D.

有錢, 你就贏在起跑線, 一生順利好多. 無錢, 你就輸在起跑線, 辛苦好多.

無比錢玩 game 既人通常有一個反應(例如我呢類人): 睇唔起班比錢既人, 因為覺得比錢既人既成果唔反映佢地既實力. 我輸咗, 就會講一句: is not fair, not a fair duel, 條友仔比錢之麻, 你估佢好叻咩, 有本事咪比錢玩丫!

what is fair duel? 係無比錢人心中, 實力就係 fair duel. 

但想深一層, 別人用自己優勢贏你, 有乜咁唔 fair? 呢個世界有邊個唔係用自己既優勢去玩呢個世界或者生存? 人人既優點唔同, 所以乜野叫真正既 fair? 有錢既人用錢令到自己生活好D, 有才學既用才學, 有力既用力, 有色既用色.....有乜既用乜. 總之都係個句, 令到自己生活好D, 有乜唔啱?

下次當你條氣唔順時 (即仲係未明 what is fair 時), 不如問下自己做乜玩 game 玩到咁認真? 

人生在世, 對世事認真你就輸. 有時間, 用多D腦做多D"有意義"既事.