管理學問題

廚師要煮100人飯，其中一位客人要求食麵，因為他不吃飯。
結果：
因為兩種食物煮法不一樣，廚師打算用一半時間煮飯，用一半時間煮麵。

但廚師一向煮飯不懂得煮麵
結果：
廚師唯有再分配時間，用一半時間去學煮麵，用四分一時間去煮飯，四分一時間去煮麵。

當然，剛剛學會煮麵不會煮得好，結果廚師再分配時間。
結果：
廚師打算用一半時間去學煮飯，用少過四分一時間去煮飯，用多過四分一時間去煮麵。

但鐵一般的事實是：
99人在等食飯，1人在等食麵

P.S. 以上時間只係估，但重點在邏輯上。

哲學家是這樣練成的

今早去到一間地痞麵包舖食早餐。舖細細，價錢平，野食ＯＫ。

一班阿叔已經在高談闊論，內容是介子應該帶係邊隻手？你一言，我一語，大家吹到頂峰。有Ｄ堅持功能論，有Ｄ堅持習俗，理論多多，建設少少。

看到這個情境，我忽然好似見到哲學大師蘇格拉底 。根據記載，阿蘇生朝朝無野做（查實佢係無業遊民，所有野都係佢老婆攪掂，最update係佢做過守城門門口。所以根據記載佢好怕佢老婆但係又唔敢飛佢，可能怕飛咗老婆之後連飯都無得食。加埋佢好醜，搵唔到小三），就去市集度，成班麻甩佬係度吹水，當然每天題目都唔同。吹吹下，就吸引埋Ｄ靚仔（好似阿里氐多德等）都聽佢地吹。後來靚仔阿里氐重要寫底Ｄ吹水內容變成哲學經典。

吹下吹下，個個麻甩佬變成哲學大師，重有門派。

麻甩佬真係好奇妙，時間重奇妙，用幾千年時間可以將班麻甩變成哲學大師。

大前題

好多時，我地都會用＂以乜乜為大前題＂，＂以乜乜為重＂既思考方法去處理討論，又或者去處理衝突。

但事實上，最大的大前題是自己，無論大家幾想乜乜係大前題，人既內心，好自然會將自己成為第一位。當我自己ＯＫ既時候，其他事情就可以成為大前題。

你又試下為咗公司，唔加你人工你＂內心＂嬲唔嬲？

想太多

老豆過身，從中都比到好多思考同啟發過我。

唔知係咪因為我既工作關係，定係我個人既性格，凡事，我都好似諗多咗，俗稱諗太多。

諗完自己個份，之後，又要諗埋人地個份，差Ｄ連唔關事既人個份都諗埋，可能諗重要諗埋對社會既 impact。

其實，我都會諗點解會諗多咗，其中一個原因係唔夠資料。事實上若果有足夠資料，重有乜野好諗。正所謂，事實擺在眼前，唔接受都要接受個事實，要諗就只有諗點回應。

唔夠資料去諗，就有好多估計，老實講，你可以估到自己係點，但你又邊會估到人地係點，再加上你會估人地點估你，又或者你估人地點估你估佢，真係沒完沒了，如果涉及多幾人，真係估來估去既大災難。陰謀論就係咁出咗。

跌落陰謀論，肯定你一世痛苦。

係資料不足既時候，最好唔係去估，而係去搜集有用資料，當你搵到既時候，咁，咪使再估。

就算你無法再搜集到進一步資料，你都唔係去估。而係用手上現有既資料去做一個決定，一個你可以實行到的決定，一個你願意承擔既決定。

＂莫忘初心，實事求事＂係好緊要。要估，你一世都估唔完，你能夠整理到你自己就已經好足夠。你可以承擔到多少就是了，不能就是不能。

多謝老豆，死咗都比咁多野過我諗。

燒香

燒香， 比人是一種迷信既嘢， 或者係一種宗教儀式。

但只要你試過有親人過世， 燒香， 絕不是上述所想的事情。那種對親人的思念， 就由輕煙徐徐送到他那裡去。

前塵往事之成日比老豆點

我雖然唔算絕頂聰明， 但都算聰明絕頂。但係， 咁多年來， 我都一直都比老豆點。

又話考試考三名之內可以買大型Cassette機, 又話考完會考可以比我去大陸旅行(自由行), 又話賣間樓過我....多不勝數。

頂, 全部都係搵我笨。

不過， 我再無嬲我老豆。老豆都可以信， 豬乸都會上樹。

查實， 我上咗高中就知道老豆成日搵我笨。不過唔知點解， 都係繼續比佢搵笨。

搵我笨已經成為老豆既習慣， 我被搵笨都係習慣。

都慣晒， 搵唔搵， 笨唔笨都無所謂。話晒一世人兩仔爺， 有今生無來世。當大家熹戲下咪算羅。最難過係你想佢搵你笨都唔可以

掛念阿爸

很掛念我阿爸
不知他現在如何, 我指佢個靈魂

我無後悔同老豆以前發生既一切， 包括頂佢個D。因為， 無喜與悲就唔係我同我老豆。

很排念阿爸， 是從心裡排念， 真的， 同用腦既掛念係唔同。每次想起阿爸， 個心就有反應。

前塵往事之原來我好識扭計

我諗應該係小學生既事，因為上到中學我都唔啋我老豆。

細個時，好多野想買，當然係唔等使野，但細路仔真係唔知點開口（大咗中學後就一句＂阿爸我要買乜乜物物＂攪掂）。咁細路既我又點好呢？

多年經驗，我知道老豆每晚通常都係晚上９點度返到屋企，佢係上環返工，日日都係搭叮叮。於是乎＂聰明既我就會８點半到咁上下去到電車站等老豆放工。

當然係無事先通知，個老豆見到個仔去接佢放工就好開心。於是乎就會有宵夜食。嘿！奸計成功！有時要買野就會拖老豆去買，通常係新中華百貨公司。文具呀，衫褲鞋襪呀。有時係玩具。

呢招真係勁，次次都成功。嘿！

講扭計我都唔野少。

是掛念

那個感覺不是＂唔捨得＂而是＂很掛念＂。

腦內會一陣時想起一些片段，自己想到還寄得的片段，但害怕會忘記了所以淨下來的片段。

念父

二零一六年，香港四月六日早上四時五十四分。我父離世。

詞彙騎刧

詞彙本身是中性的，但現時有些詞彙已經染上了色彩，如宗教。

每次我想用＂感恩＂呢個詞彙，我都會停一停或放棄使用，因為，感思好像已經被基督教騎刧了，只有基督徒先會口裡不停說＂感恩＂。為免被人誤會我係基督徒，都係少說＂感恩＂為炒。

另外，如＂慈悲＂就帶有佛教色彩。當然，亦有指出＂慈悲＂與＂感恩＂不同。因為，＂慈悲＂是由佛都創出來的，而＂感恩＂是借用的。使用上很不同，在一般人生活上是絕少使用沒有佛教意味的＂慈悲＂。但感恩的＂恩＂在一般人心中絕不是指上帝或耶穌。

無論如果，越多詞彙被騎刧，越難找到合適的字句去形容心中所想。真係有口難言。

生意佬如何運用時差搵你笨

舉兩例
1. 你返工打工, 返咗一個月之後出糧. 你已經比你老闆搵咗笨. 因為你第一日既薪水要係29日後先收到, 而呢29日既利息你老闆係無比你. 如此類推, 第二日既薪水要28日後先收到......

2. 你供樓, 供車, 供保險, 供電氣, 你要先比咗一個月供款甚至乎一季式一年而唔係日日比, 即未用先比. 咁若果月供, 最尾個日既供款即係比早咗29日. 如此類推..... 早咗比既利息係唔會比返你. 

唔好睇少呢個差額, 一個就話, 千千萬萬就會係好多. 就好似全香港人每人比一毫子你, 你都會有70幾萬. 你打十年工都未必搵到70幾萬.

以上既野唔係我老作, 係有經濟學家講既, 不過我唔記邊個, 一時諗起就些牙.

中國最大的問題

現今中國最大的問題是: 她沒法養活人民, 因此, 人民需要四出覓食

沒法養活的意思並不是沒有錢, 而是提供不到合格的物品

there is no straight line in my house

there is no straight line in my house. what does it means?

we are living in our own set of custom, rule and principle. at anytime, we try our best to deform the world in order to make it fix our custom, rule and principle.

what will happen for a guy like me who like perfect straight line suddenly aware that there is no straight line in my house? wall, floor, ceiling, etc etc, they are not straight owing to old ages. 

am i have to tear down everything to build a band new straight-lined house in order to meet "my standard of living"? 

OR, is it the right time i have to learn to live into "as it is" condition in which not following "my standard of living"?

putting on a new hat, a new shoe, a new perspective, a new exploration is not easy particular for a man who already firmly build up his "standard", however, it gives me a very very novel experience living in a "house without a single straight line". 

Enjoy as it is !!!  sometimes it is fun !!!

資本主義下的市場經濟

衫一件, 5000
終於等到 7折, 成為3500
買了後發覺唔係好啱, 退返比鋪頭, 還好是全數退回
店員即時, 係即時, 將件衫再上架, 4折出售, 即2000

我腦內即時彈出
1. 鋪頭一定唔做虧本生意, 即 4折都有錢賺, 咁, 呢件原本5000既衫成本係????

2. 如果我原價買, 咁, 鋪頭咪賺到傻, 而我就笨到傻???

3. 我個人覺得, 係資本主義既市場經濟下, 貸品除了要標價外, 亦要標成本價.  沒有準確資料, 對消費者是不公平

醒覺的部件

一個鐘由好多部件組成。各部件發揮各自功能，鐘，就順利工作，發揮鐘的所長。呢個理論，想必然大家都聽過。

話說，有日，螺絲忽然地想，我唔想做螺絲，我想做時針。其他部件就認為螺絲的決定會影響成個鐘既運作。但螺絲就反駁，我是獨特的，我有權做自己喜歡做既事。最後，螺絲就去咗鐘面做時針。

其他部件見到螺絲改變後，有部分部件想學螺絲一樣，做自己想做的部分。它們放棄自己本身的工作，投入一個全新的角色，有些甚至乎放棄工作。

結局呢？

執生能力

以前，我好強調預測能力，因為預測準確的話，事事物物就在掌握之中。但事實上，經驗上，話比我知，人，係無辦法可以百分百預測事物，甚至乎，50%都未必可以。因為影響事情發展的因素真係多到如佛所講恆河沙一樣。又或者近代既蝴蝶理論一樣咁難以預測。

預測能力並不是這麼的強勁，接下來，真正強勁能力應該係執生能力。當然執生能力包括了很多其他能力，如理解事情力，分析能力，理解別人能力，資源搜索能力，溝通能力，了解天時地利能力，果斷，勇敢，表達能力，ＥＱ，影響力，等等，等等。

有時間再了解。

There is no such thing of 100% predictable future

we could not predict 100%, there is something we cannot predict in our future. Yes, the unpredictable may be a large part of the future.

so, we cannot 100% plan our future due to this unpredictable. As a human, one of the key survival skill is to do/act/react in according to whatever occur in front of us, no matter the predicted one or unpredicted one. 

we should not frustrate as nothing can be fully predicted. We should frustrate if we cannot act/react in front of unpredicted thing.

We are human not a programmed robot, we should be a skilled being who can react to unknown future.

競爭的市場

商人A賣貨品A每件1元，後來，商人B賣同類的貨品A每件10元。B賣10元，因為B認為自己的貨品較好。
結果呢？
商人A會將貨品提高價錢貼近10元但不會超過1元，如果他相信貨品品質不及人家。理由是，人家買10元都有市場，為甚麼我買1元那麼笨？
市民呢？
本來有些市民買得起1元的A，但現在所有貨都超過了1元，有些市民再也買不起A了。
讀書時學到，市場有競爭就對買家有利，事實並非如書中所說。經濟學始終只是一個理論。

房屋一二事

上年，在加拿大B.C.省就發生了一件有趣的房屋事件。
一個市民買了雙連地，把兩間舊屋拆了然後打算起一間大屋，卻遭到區內區民反對。

自己的屋，自己的地，自己的錢。那麼區民反對的理據是？
原因是新的大宅同區內的其他房屋不一至，又新又靚又先進，影響了社區的和諧。簡單地講，是影好了我們整個區。又或者講，影低了我間樓。但有一點是值得留意，基本上，區內出現新房屋是會帶動整區的屋價上升，包括區內的舊樓。

對於舊區民，縱使自己的房屋無啦啦升值，但面對自尊心受損，他們決定到市民府投訴，阻止拆卸重建工程。

結局呢？
市政府指工程已經批出，因此不可以收回，但應承以後不會再批出類似的工程。這個結局很有趣，個人財產遭到他人干擾。理據是你影好了我們。原來，有錢真係唔係大晒。對於強國人，他們一世都無辦法理解。錢，不就是一切的嗎？為什麼有人不要錢，自甘墮落？

今天在加拿大B.C.省，又出現了區內居民反對一位新業主要拆掉重建一間二十年的大屋。理據相近，一間好地地的二十年大屋，為什麼要拆掉？很不環保，同時亦影響了同區居民及社區的整體。

有錢，真的不一定要。