樂在其中

你懂得人世間的遊戲規則嗎？ 
很多人做人都不快樂。無論在那一方面或多方面都很不快樂。

你試想一想。 魔鬼在地獄快樂嗎？快樂。但他在天堂中他就不快樂。 

天使呢？他們在天堂中會快樂但在地獄中就不快樂。 

什麼原因？原因在於他們是否能夠樂在其中。天堂又正氣又祥和，魔鬼鍾意攪攪鎮，當然去到天堂會周身唔自然。至於地獄？乜野骯髒都在，頭上有光環既天使又點頂得順。

同樣，你做人不快樂都是這個道理，因為你不懂得樂在其中。你不懂得享受人世間，你就自然不快樂。就正如天使不懂地獄混亂的樂趣，魔鬼不懂祥和的樂趣一樣。

人世間是什麼？如果你認為人世間的快樂建基於名利權，我相信你還不懂得人世間的道理，不懂得樂在其中。 

人世間最重要的事實是：沒有一樣東西是永恆，真係歌仔都有得你唱，如果你既快樂建築於這些不永恆的東西，你還是不懂得享受人世間的樂趣。你能夠身處於變化，不永恆的情境嗎？能夠享受到如露亦如電的電光火石的一生嗎？永恆的國度能給予你穩定不變的承諾，但變化卻能給予你不同的新體驗。要在穩定中找變化很難，同樣地，要在變化中找永恆一樣難。

人世間是什麼？你自己想想吧，找找吧。有一日，當你在什麼情況下還是笑面迎人，恭喜你，樂在其中。

Professional vs Layman

The difference between professional and layman is: curiosity.

三腳金蟾

今日，講風水。 

係地圖上，香港係成隻青蛙咁樣。頭係西環，腳係石澳，赤柱。手係香港仔。 

唔知你地有無聽過三腳金蟾？ 唔知？去http://zh.wikipedia.org/zh-hk/%E9%87%91%E8%9F%BE 

基本上三腳金蟾係貪婪既像徵。香港呢條命，似乎係一早注定。

另一個我

曾經唔知係邊度聽到一個心理學既現象。小孩子係會自我精神上分裂一個自己同自己玩，同自己傾偈。所以，有時我地見到小孩子自言自語就係咁解。當然，呢個都係恐怖片既好題材。

我細細個時，我唔知我有無自言自語，但係有一樣野我係好記得既。我記得我細個時，我係好相信係呢個宇宙既唔知邊度既一個星球上（細細個既我都幾科幻），有著同一個我存在（嘩！平衡空間概念）。雖然我地活在不同星球，但係，呢個另一個我同我share咗我既能力（能量轉送，互相轉移）。而另一個我係個星球上係好辛苦，因為？因為個個星球正在打仗，當然，另一個我都係度打緊仗，好危險，好辛苦。我試過係夢中去過佢個星球，見過佢，同佢傾過偈。我知佢好辛苦，好危險。

結果呢？結果查實好簡單。因為我地係 share 咗能力，所以，係地球既我要好好休息，瞓多Ｄ覺，補充體力。咁，佢係另一個星球既我就有氣有力繼續打仗。

就係咁多。

講下道理

好多宗教既修行絕對係非人既生活。那種無慾無求，濟世為懷既情操，真係唔係人既生活。

唔好講咁遠，我地做人能夠多一些理性，多一些自律就已經不得了。

無論在生活細節上，日常消費上，到社會問題上，人類，都處處顯出佢癡乜線既一面。

例子多到數唔到，好似用成隻勞力士既價錢買隻蘋果電子手錶。好似一對腳但係有一百對鞋。好似叫有人對國家有信心自己就送仔女移民。等等。

唔好講到咁high profile，人，做返一個合情合理既人已經好難得。

中國茶杯

40多年來，我就是不明白中國茶杯的道理。
大家都知，中國茶杯，細細隻，容量不多。要靠它解渴？死得，因為飲10杯都唔夠。同西人既水杯比，或者罐裝飲品比，中國茶杯輸晒。

近日，我先終於明白中國茶杯既精髓所在，是智慧既結晶。

先問，如果你臨瞓前一小時飲３杯水，你一定估到呢晚你一定無覺好瞓，因為你一定要去幾次廁所。

前日，我就去了朋友家作客，傾偈傾到很夜，其間不停飲清茶，用的是中國茶杯，飲的數量無20都有15杯（細細杯，我又多嘢講，因此杯不停）。因為實在太夜了，反家後，沖涼即瞓，但一整晚沒有上廁所。

小小的中國茶杯，可令你不停保充水份又唔會令你身體負荷太多。千年不變的事，個中總有其道理。

打劫

基本上任何政府都在不同程度下打劫人民。有的是偷，有的是騙，有的是強搶，種種手法層出不窮。

作為一個政府，作為一個政府內的人員，可得到的利益實在太大。大到連應有的道德都忘得一乾二淨。

政黨的輪交替其實是對市民在政治及利益上的輪姦。

想當初，人民受權政府就是付予一部分人權力去為市民服務。但在沒有有效控制下，政府就變成洪水猛獸，四處為害。

在沒有辦法打倒這隻怪獸之時，我們盡可能就是減少被免受到它的傷害。

傷殘

有一個外星人到地球探索。他的外形很像地球人，他同地球人最明顯的分別是他有三隻手。在探索途中因一次意外傷了其中一隻手。他跑到地球醫院求醫，但可惜傷勢太嚴重斷手救不了。


他痛哭，因為自此他只得兩隻手，從此成為了傷殘人士！

親愛的人類，你認為他是傷殘人士嗎？
兩隻手生活不到嗎？

世界上，究竟真的存在著＂傷殘＂還是存在著＂另一種生活方式＂？

逃亡潮

幾十年前，我聽到一個故事，因為這個故事使我加快加入環保的行列。


故事是周兆祥講的：每天破壞地球就如同一班人坐在飛機上把飛機的螺絲一粒一粒地拔掉。總有一天會飛機會在空中解體，乘客全部死光。


今天，看到中國高官、有錢人的逃亡潮。就算因為某些原因走不掉也想盡辦法把家人都送到外國。原因？


有說是對害怕現在制度。但明明他們就在這個制度中撈油水的，掌握著整個制度，還怕什麼？


我相信的是：他們知道他們為了自己的利益，把這個國家污染到已經去到非走不可的地步。

沒有壞天氣只有不合適的衣服

德國人在教仔時有一句說話：“there is no such thing as bad weather, only unsuitable clothing.”

呢一句說話非常有意思。


北美父母教仔時都以全保護既方式，務求建立一個沒有危險既環境比小孩成長。


事實上，北美人都喜歡改變環境，把環境改變成為一個他們理想的環境，當然，他們亦同時相信自己絕對有能力可以這樣做。甚至乎他們認為自己有著如同上帝的能力去改變世界。

但事實呢？事實是這個世界及社會一定是充滿不同程度的困難。無論人類多利害也沒法把世界上所有困難一一清除。事實上有好多問題亦是由人類製造出來的。


因此，真正教導小孩去面對世界是如德國人般，教導孩子學會如何去面對不同的環境，不同的困難。懂得如何於困難中自處，困難就並是真的那麼困難，甚至乎並不困難。

其實中國文化中，亦不時提出這樣的思想。與大自然合一，順著自然而走等等。當然我所指的中國文化絕不是現時的中國思想。現代中國是悲哀的一個時代，因為，她把上千年的智慧都一一棄掉，而活在一個毛自以為是的世界。

女選民

這是一個非常有趣的說法。

政黨或政治人物要收買人心，最有效是收買女選民的心。何解？
因為女性天性專一。一旦你收買到她們的心，就算政黨或政治人物做錯了很多很多，她們亦會一路支持你下去。向社會大叫比多次機會你。

而要收買女選民既心其實亦並非難事，只要政策向家庭及子女福利傾鈄就可以。

一旦收買到好們既心，就一定唔可以推出令家庭及子女福利有損害既政策。這是失去女選民既最大既可能。

最後，你知唔知人口比例中女人基本上佔有50%，你明白味？

Blog

無無聊聊時我會上返自己個Blog。睇下以前既自己係個乜人，而家變成了一個乜人。有時都幾得意。

有人講，blog係寫比人睇，我絕對唔同意，blog係寫比自己睇。唔係你唔寫比人睇，而係搵鬼睇你個blog。

今日超無聊，係自己個blog度click入人地既blog，random一下其他人寫乜。點知click唔夠兩下就收工。人家既野有乜好睇。所以話blog係寫比自己睇。

除非你係名人又唔同。

Health Card Link

Health Card : http://www.health.gov.on.ca/en/public/programs/ohip/default.aspx

Lost Health Card : https://www.ontario.ca/faq/how-can-i-replace-loststolendamaged-health-card

Renew Health Card: http://www.health.gov.on.ca/en/public/publications/ohip/renew.aspx

Change of Address Health Card : https://www.ontario.ca/faq/how-do-i-change-my-address-my-health-card

SIN Link

SIN Social Insurance Number: http://www.servicecanada.gc.ca/eng/sc/sin/

Lost SIN Card: http://www.servicecanada.gc.ca/eng/sin/lost/replace.shtml

一遍空白

還記得每次去聽講座，上 workshops，好多時講者都會係事前或事後問有無想法，有無意見。

到今時今日，我既答案都係無。

若果係事前被問，講者就會覺得我無承意，無心學嘢只係打算 hea 夠就走人。

若果係事後被問，講者就覺得你之前全場發夢，無心向學。

有咁想法，人之常情。

我只係覺得，去學嘢時點解一定要帶埋自己既想法去？點解唔可以好似張白紙咁去學嘢？你心中有物又點會盡聽講者既內容？其實，一張白紙先至係最好既聆聽者。

另外，聽完後點解又一定要有意見？你有你講，你有你見解。但點解我一定要 comment 你既見解？呢個世界係同一件事上唔可以有多個一個見解？

當然，有時無 comment 可以係腦內一遍空白。我細個常常係呢種狀態。但大個後，經驗多咗後，凡事都有好多意見，並唔係我聰明而只係知料多咗，知道有其他人有唔同既意見，我只不過係用人地既嘢去 comment 一下。我相信我再大 D 既時候又會返到無 comment 既狀況。

世事既嘢有乜好 comment 。正所謂太陽底下無新事，講多多餘。至真既嘢都係講唔到既，用心去 feel 吧啦。
 

污水找淨水

污水找淨水。 

污水無論怎樣努力都找不到淨水。 因為每次當污水碰到淨水時，淨水都變成污水。 

最後，污水想到一個方法：就是先自我淨化，淨化後再碰到淨水時也不會污染了它。 

於是污水努力淨化自己，到最後把自己變成淨水。在那一刻，污水知道已經不再需要找淨水。

萬緣放下

萬緣放下自性現。

什麼也是道，什麼也有他的道。
什麼也不永恒，什麼也不需執着。
沒什麼可說，沒什麼可教。
對與錯只是一個選擇，並非真有一個對一個錯。

體、相、化

水是＂體＂
水氣／霧，雲，流水，液態的水，冰通通都是水的＂相＂
水與其他物質結合而＂化＂

放下

佛家叫我們放下。放下榮華富貴，過一個簡樸的人。但我們不單要將富貴功名放下，更加要將煩惱痛苦都一一放下。

孔家店

中共反孔批孔（孔子）是大家都知的史實。說的理由是孔子的思想封建。

但如果你有真真正正的看過孔子（儒家）學說，我相信你會知道它的理想是世界大同，人人平等。

一個只會以鬥，以爭為本的政體，遇到崇高的理念時只會被比下去。因此，只好攪攪動作使人民學不到為妙。

到今時今日，政權穩定了又見國民無禮，於是又擺出孔家店要人民學禮。唉，真失禮。