千里送鵝毛

千里送鵝毛


相信大家都聽過亦知道意思係：物輕情意重。


以前係香港其實唔係點感受得到，仲會覺得＂玩咩！送條毛比你＂。但係，係加拿大就明晒，天寒地凍，零下廿幾三十度成件羽絨送比你，仲唔係對你好重視？

移民

前排，同朋友傾開移民（他們都未移民）。他們想，如果移民都希望去到有親戚朋友的國家，因為出外靠朋友嘛，有朋友照應係好緊要。我當然不反對這個想法，但我認為還有一些同樣重要的事情是同時考慮。因素如：環境，經濟，政治，文化，社會氣氛，福利等等。


如果單一以朋友多就是移民地目標，那麼，大多數香港人應該移民中國，因為很多香港人都有親戚朋友係中國或鄉下。若要再加上其他條件，中國經濟強勁，部分地區環境優美（主要是偏遠山區），但為什麼中國不是我們考慮之例，正正是因為中國的政治及文化／人民質素使我們怕怕。


不談中國，有些國家整體分數不錯，但是就喜歡排華。另外，有些國家樣樣都好，香港人亦喜歡到那裡旅遊購物，但她就是不喜歡收移民。也有些國家同聲同氣，文化背景相約，但地沿政治可是非常危險，不難於十多年後就會變成另一個香港，到時莫非又再要攪移民？


每個國家在收移民時都打個分數，其實係佢地打我們分數前，我們亦應為每個心想可移民國家打個分數。切莫只打一個親戚朋友分數而已，無錯，在移民後頭一段日子親戚朋友很重要，但個人成功或是否能落地生根都是受其他因素影響。


去到沙漠種不到大葉樹。

保障工資

近年，在西方興起保障生活費，即政府無條件向市民每月派發保障生活費。無論你工作與否，政府都不會干涉，每月照發保障生活費。如果你繼續工作，你的保障生活費亦不會扣除，即多勞多得。



理論上，政府希望市民能經濟自由，保障你獲得基本生活費。無論你的狀況如何，如身心有不同程度的問題而賺不到錢。二來，當你己經有保障工資，你在工作時就不需要睇老闆／人面色，因為你絕對可以大聲講＂我唔撈＂。三來，市民係經濟保障下就能真正去找自己的夢想，做自己想做的事，再不要為口奔馳，現實上，工作真係有貴賤。四來，當然是切底解決赤貧問題。總之，就是不會因為要賺點金而被成為工作的奴隸或經濟奴隸，真真正正成為經濟自由人。


然而，事實真的如此嗎？


生活保障在提出及推出初期我都很 buy 呢個 concept。因為我一向都追求真正自由，經濟自己，工作自由就是其中一環。在現今資本主義，商業社會，人要經濟自由是很困難的，除非你離群獨居。


我們在年青時努力儲錢，目的都是希望當我們失去工作能力時，如年老可以不愁生活。再加上打工仔總是受壓一群，能夠唔使睇上司老板面色，簡直係打工仔既大日子。


近日，加拿大政府在某些地方開始推行此計劃，我再翻看就感覺到有點不對。這個計劃給我似曾相識的感覺，有行不通的感覺。


幾十年前，馬克司的共產主義不就是類同的想法？各盡所能，各取所需。


生活保障的問題不是錢的問題，不是銀碼大小的問題，而是資源的問題，地球資源，社會資源，一切資源。試想想，當部分人獲得生活保障，他們自由了，經濟自由了，活出自己的生活了。但當所有人都獲得生活保障時，是否所有人都是自由了？


我去到市場買生果，以前因錢不夠買不起生果，現在有了保障可以買到了。但是，我買了即有人買不到，不是錢的問題而是生果的數量是有限的問題，因此不是人人都可分配得到，結果是沒有生活保障的就不夠錢＂搶＂生果了。但，當大家都有了生活保障而生果的數量沒增加，到最後，就算有生活保障也是如以前一樣買不到生果。


生活保障的問題將會面對的就是資源不足夠的問題。資源不足是生生世世的問題，生活保障是解決不了。


現在人們以金錢分等級，未來有生活保障時，人們就會以別的分等級，共產國家不就是已經證明了一切。


地球的問題，始終都是資源的問題。

環保慳錢法

環保，一向都是被認為是有錢佬的玩意。食的是organic，用的是高質無化學成份產品天然產品，住的是遠離各種污染的地方還要加活動空間和私人小農場。


但事實上，環保真的可以慳錢，只要你有以下幾個真.環保概念長存於心。


NEED but not WANT
WORK but not NEW
REUSABLE but not ONE-TIME
FIX but not DUMP
MULTI-PURPOSE but not SPECIFIC
SHARE but not OWN
and also
SUBSTITUTION
REDUCE
RECYCLE

道家治世

道生一，一生二，二生三，三生萬物。

理論上，道貫穿一切，一切都是道的作用。既然如此，為何不可以道治世？

記得上數學堂，老師會先教程式 (formula)，之後就如何運用，之後？咪係咁做練習。

有些同學對 formula 呢樣野好怕，到最後就只會不停做練習，記答案，基本上都可以考試合格。去到要形而上既 formula 時，死晒。

有些呢？明白 formula 但係就唔識 apply 到實際生活上。比條 long question 佢就搵唔到合適既 formula 去解決問題。現實生活一團糟。數學而言，佢最好去讀 pure mathematics 一世都係玩符號，永遠離地。

有些呢？由 formula 到 application 都無問題。Fit 到爆。（我當年 mathematics 攞Ａ）　：）

道生一，一生二，二生三，三生萬物。道不可治世，還是你未夠班呢？

儲點錢

理論上，人係儲不到錢的。理論上。


假設你月入一萬元，你就會有一個月入一萬的生活方式。
加了人工到月入二萬？你就會改變到月入二萬的生活方式。好簡單好自然，收入高了當然希望住好Ｄ，食好Ｄ，用好Ｄ，對家人好Ｄ。如此類推。


真正能夠儲到錢就是有月入二萬但只有一個一萬的生活方式。明明可以活得好一點而不為，很難。

黑日，和灰

兩極通常是對抗的狀態。

灰是和的象。

以現今的香港及美國為例，是兩極的狀態。加拿大是走灰的路向。

末日

道生一，一生二，二生三，三生萬物。
無極而為太極，太極生兩儀，兩儀生四象。

開天闢地，都是由無到萬。

那麼世界末日呢？

是大混亂而末？還是反回兩極最後到無？

無用之用，不是要成為無用

莊子的＂無用＂，常被人認為莊子教人學做一個無用之人。


近日返看莊子，見解有所不同。有一個關於朽木的故事：做好樹木就被斬去，反而朽木可以長生，所以莊子在勸人做朽木做廢柴，那麼就可以自保長生。


但是，當我再看全文，重點並不是這樣。好樹木當然被斬去，去建屋去起橋，但對莊子而言，朽木一樣有它的功能及長處。莊子寫到朽木的遮蔽範圍大，因此，我們何不到朽木之下乘涼，談天說地，這就是朽木比其他的樹更優勝的地方。


我以前曾經寫過一篇關於千里馬與伯樂的文章。千里馬難求，事實上伯樂更難求。只要有伯樂，無論什麼馬，伯樂都可以找到它的長處，要跑的去跑，要拉的去拉，沒有一隻是無用的馬。


莊子不是教大家去做廢人，而是學懂欣賞／找出物件的長處而善用之。你有這個才，才是高手。

道德，真面目

我相信政治之上還有道德。政治，從來是幫助人類追求更大的幸福，不同的意見都是以人類的幸福為本。沒有了道德，還有什麼好談？


政治超越道德，我相信只會在戰爭時才會出現。


但現今世界，政治超越道德的情況已經越來越多。利用道德打壓對手已是常用手段。人類真的已經到了戰爭的階段？


或許，世界從來都是那麼血淋淋，道德，只是人類的麻醉劑，使人以為人真的是一個道德 being。脫掉這個假扮道德的面紗，現出的是一個真禽獸的模樣。

咀咒

中國，是否真的被咀咒？


百多年前，外國人以鴉片塗毒。
現在，外國人以金錢塗毒。（如果你認為中國／中國人在急速賺大錢是件好事的話......你看看現今的中國人，道德水平的滑下程度可會嚇你一跳.....）


中國，再沒有什麼禮義之邦，中國人都在追求享受中消耗盡自己的生命。


或者，中國人真的太多苦難，不能承受享受快感的引誘。

習慣與麻木

人，係會對環境產生習慣與麻木。


看多了就習慣了，不覺得怎樣。習慣了就變得麻木。不單是小事情，就算面前的是生死大事，也是如此。


青年人與老頭子的分別，其中一處就在此。青年人對事事物物都有驚覺，都有好奇，但老頭子卻對世事見怪不怪，早已習慣，甚至是麻木了。


麻木了就變得不仁。不仁於這個世界與人類成長有何好處？
　
對生命麻木了，就連生存的意志也出現問題。這不是冷，不是心灰，而是麻了。

共用的年代

地球的資源，人類，不知從何時將這些資源私有化，後來私有化去到一班人手上，越來越多人只能向這班＂擁有者＂＂租用＂這些資源。相信未來，將會是一個共用的世界。

我希望是人類的醒覺，人類覺悟到資源從來是不可以擁有的而只可以暫用，只可以共用。更希望人類不要以＂擁有＂為名，以無中生有的方法去剝削別人。

若人類更能進一步，就能醒悟到人類與地球上其他生物都是平等地共用這些資源。

這種醒覺可以說是大徹人悟的醒覺。而現實上，部分人的醒覺是基於無可能擁有任何一物而產生，又或者是迫於無奈的共用。

Social Context

讀書時學懂，很多事情都要考慮 context，就簡單如一句句子，如果不理會 context，基本上是不能準確地完全掌握句子的內容。

人與人之間的溝通亦如是。家庭，社會制度，法律通通亦如是。Context 是重要的一環。

馬克思，在寫作共產黨主義時是在歐洲的英國。我相信當時歐洲，英國的環境就是共產主義的 context。當時的社會現況，經濟情況，人民素質，國家制度等都是共產主義的 context。中國有著不同歐洲，英國的 context。因此，明顯地共產主義是不切合中國的 context。就算引入，基於中國的 context，共產主義亦會變質，不會是馬克思的原共產主義。

佛道治世

有人說：佛道學說很難治世，不及儒家。事實呢？我不知。

佛家色空，道家無為，真的不能治世？

佛說因果，道說自然。個中都說明一個道理，縱使不加人為法則，自然之中，自有＂自然後果＂。

記得在學習教育兒童及青少年時，曾學一技巧，natural consequence。道理簡單，在教導小孩時／青少年時，就是要他們嘗嘗他們行為所帶來應得的後果（不分善果惡果）。你罵人，別人就走開，別人無責任站在你面前由得你罵。你不合群，群眾就離開你，你自己＂享受＂孤獨的滋味。騙人的就要還。如你待人好，人家就會喜歡你，親近你。在這個過程中不需多加一點＂人為後果＂，單純的＂自然後果＂就可以。

人為多了，就顯得機心。做了小錯事，父母大做文章，過份責備，小孩就會覺得不公。做了小善，父母大大褒獎，小孩就會生驕。小孩大了莫非他們就看不穿父母的陰謀？倒頭來一家人就假假地去人生如戲。家中如是，朋友，職場也是如是。

人的機心總是太多，是那無為自然是多麼的難。

梵高

我喜歡梵高，很喜歡他的畫。
看到他的畫我會很開心。


無論看到的是他的真跡或是真跡的複印，我都一樣開心。因為，複印品是來自梵高真跡，都是梵高的作品。


梵高的真跡可以達幾百萬甚至是千萬，而複印品只值幾十至百多元。如果我要買梵高的作品，縱使我有很多錢，我只會花百多元買複印品，因為我可多買幾幅梵高不同的作品或送給喜歡梵高的朋友。


因為，我喜歡梵高及他的畫 (only) ，無論是真跡或真跡複印品，都是梵高的作品。看了我就高興。


幹嗎一定要用天價買真跡？我不知道，我只知道我喜歡梵高而已，再沒有其他。

遊戲一場，你點面對

打機時，通常，我會見到兩種人。當然唔只兩種，所以我講通常。
1。非常認真，不斷向上，務求做到 game 中精英，明知係玩都要全程投入。
2。非常不認真，是是旦旦玩，過癮一下就可以，因為始終都只不過係遊戲一場而已。
你呢？你係邊一種？
另外，你知唔知人生其實都係一場遊戲。人家玩法唔同，你嬲乜姐？

意大利歌劇

世事就是這麼玄妙。

今天無端端有對人造訪，唱意大利歌劇，重要好得。


真係好耐好耐無聽西方歌劇。


唱同綱琴都好好聽，好 refreshing。

公共空間

成日聽到人講，呢度係公眾地方，唔係你既，個個人都有份，包括我！我鍾意做乜就做乜，唔關你事。咁唔鍾意，返你自己屋企囉。

呢個就係一般人對公共空間的見解。事實上，公共空間的理解剛好倒轉。公共空間絕對唔自由。絕對唔係你想做乜就做乜。

因為公共空間係大家擁有，所以，人係公共空間既行為絕對要對其他人負責。即係其他人絕對可以干涉你既行為。所以，個 D 係大庭廣眾地方高聲歌唱，霸住條路影相而影響到別人，係違反公共空間使用原則。

要相做乜而唔受干涉，去返你既私人空間啦，就好似你屋企咁，到時你做乜都無人可以話你。

西學為體中學為用

以前睇哲學書，都講到你晚清民初時，中國受到西方學術影響，學子們對西學都有不同意見。其中有三種不同的主流意見，當然還有好多支節想法。
第一種，當然外國佬野點夠華夏五千年文化比呢？叫西方學中學把啦。
第二種就係外國佬野無得頂，華夏五千年個D係迂腐，通通唔要得，要全面西化。
第三種：西有西好但不是全好，船堅炮利當然好，但思想開放就唔好。而東有東好但亦有瑕疵。於是就走出中學為體，西學為用。

前兩種先唔講住。第三種，中學為體西學為用。

其實無論中學西學，所有用都係由本體而發展出來。就如醫學，中藥係由中醫醫學理論而發展出來，當然西醫亦如是。如果有個醫生話佢以中醫為體，西藥為用，我相信無人會睇呢個醫生，積係點？即把脈之後就話你有cancer，跟住比化療藥你食，或者開刀，你ok唔ok?

當我哋想清楚時，我哋就知道，事事物物本身係有關連，唔係硬套就可以。

真色彩

影相要影出真, 色彩。你必須要懂得 white balance，白平衡。


若你找不到真白，一切影出來的顏色都不會是真原色。


舉例，你用了一塊 blue filter，相中一切都會比現實顏色偏藍。如白變藍。


人的觀點亦如攝影 filter 一樣，當你帶了有色眼鏡看世事，一切都會有偏見。


不帶有色眼鏡可看到真像嗎？若你懂得攝影 white balance 是什麼的一回事和攝影上是如何取 white balance，你就知道答案，不用在此多作解釋。

老人院 vs 在家照顧

老同學 WhatsApp 留言話全家頂唔順，最終決定送老豆入老入院。因為，佢老豆亂晒龍。

好多時，大家都認為當家人攪唔掂老人家時，就係要無奈地送佢入老人院。
背後既想法係：老人係專業 d，老人家會得到更好的照顧。

事實呢？事實我睇唔到老人院會專業一 d，除咗急病上，其他如飲食，活動，日常生活等，我睇唔到會好咗。

護理人員同家屬間最大既分別係，護理人員既專業就係夠狼，可以唔多理會你老人家"多餘"的要求。

白髮，很多白髮

今日去飛髮，嚇然發覺，從頭上剪下來有很多白髮。

老啦，真係老啦。

審江青

今天，忽然想起細個時，中共法院審江青的電視片段，那是非常珍貴的片段，因為中共從不發表審訊過程。江青那個死不認罪的樣子，及她那名言：不知道，什麼也不知道（in 國語）。歷歷在目。


當時在想，那個刁婦，害了中國那麼多老百姓還咀刁，死不認罪，真抵死。


幾十年後的今天，中國都改革開放了這麼多年，都比以前文明進步，經濟翻幾翻，制度完善，國家運作的透明度大大提高。從電視也可看在中國法庭的審判過程。想一想，當年江青，所做的所講的，我認為那是正確在中國法院內的態度。

大自然法則

坐在大自然之中，自然會領略到大自然的法則。這個法則是可以體驗／悟出來的。


人類，亦基於某些原因建立了很多法則，無論科學，社會，經濟，生物，醫學等等。但細想，這些法則都與大自然法則不相同。


當然，這可以表現人類的優越，但同樣亦表現與大自然的相違背。人類看似凌駕了大自然，而事實上，今天，我們正承受著這個＂凌駕＂後的後果。


大自然法則是經歷了千百萬年來的演化而成，人類，只用了幾千年就認為建立出一套更好的法則？似乎缺少了時間的實證。


回頭嗎？還是移民到新星球？就算到了新星球，若然不守那裡的自然法則，結局相信都是一樣。


人類自豪是那個超然的智慧，但亦是自大之源。人類始終是大自然之一部分，為何不可以對著大自然時謙虛一點。

二分對立世界觀

東西方哲學都喜歡引用二分對立的觀點，例如，對與錯，黑與白，冷與熱，愛與恨，忙與閒，等等。


事實呢？事實是這個世界

沒有什麼"冷"這種東西，只有沒有"熱"。熱的反面不是冷。
沒有什麼"黑"這種東西，只有沒有"光"。光的反面不是黑。
愛的反面不是恨。
對的反面不是錯。

事實上是沒有對立不對立，只有，"有無"的關係。
有光，無光。無光不是黑。
有熱，無熱。無熱不是冷。
有愛，無愛。無愛不是恨。
有對，無對。無對不是錯。


老子說的好。
老子一早就用"有無"的概念。但老子沒有說"有無"是對立。有也好，無也好，都有其作用，都要我們去細細體味，領略。


事實上，這個世界並不是那麼多對立。對立，是人類自己找出來的麻煩吧了。

順境逆境

人生有順境逆境。

無論係順境或逆境，事實上都是你的境。既然上天賜給你的境，那就是你必要經歷的境。那麼就應該好好“享受”你所有境。

誰說順境必快樂？誰說逆境必悲傷？

活得夠耐，你就可享受到苦中有樂，樂中有苦，無論苦樂都只不過是一個境，何必執著？

越來越唔懂得說話/溝通

越來越唔懂得說話/溝通

以前，自己講說話好長氣，慌死人地唔明自己想講乜，解釋完又再解釋。

現在，明白了事實是：一件事情各自表述。

別人無責任要接受你的想法無論你係幾咁“正確”！因為人係有權選擇“愚蠢”的生活方式。無論幾正確，並不是可以成為迫使別人跟蹤的理由。

基於以上理由，所以我都廢事講咁多，大部分都是直接簡單既對答就算。

但有趣的事是：越來越發覺身邊的人，越來越多不直接對話。問Ａ答Ｂ，即問非所答。背後諸多考量，又慌得罪人，又驚人家亂諗野，又驚人家唔高慶，最老土係要表現到幾咁了解你，攪到好似我自己都唔夠你了解我。

真係越來越唔簡易，I mean 溝通。

人大了，唔係應該簡單一點的嗎？

禪夢

昨晚發了一個怪夢，禪夢。

凡人，死後都希望輪迴到天堂或人間而不想到地獄。

這裡所提及的天堂，地獄，人間是外在環境。那麼，人所求是一個環境而已。捐獻家財都是買一個環境，買一個天堂。

而修煉是講內心境界。修行者是走去一個境界，追求一個內在的天堂。

當達到了內在天堂，外在的是什麼也沒有什麼重要。

夢中還有一個有趣的點子。
天使講你的善行可到天堂但你可以選擇到人間。天堂，地獄是天定，人可選擇的是否到人間。是啊，做了好事，不可以不領獎的嗎？

Information about my house

as told by my first owner neighbour Phil. My house was built on 1968, and occupation on 1969.
at that time, the house cost $37500
the crown molding is original built
the floor on kitchen is original built
builder?

marvellous 的生命

當我靜靜地默想，自已由小到大的生活片段，即時覺得生命是如何的 marvellous。

然而，當我感覺到我身邊的人都有一個屬於他們的故事，生命真的是極之 marvellous。

看不到就存在

傳說的太陽神Apollo，每天騎着他的戰車在天上走過。你相信嗎？
傳說月亮上有嫦娥，玉兔，你相信嗎？

你不相信Apollo，因為你知道太陽是個火球而並不是一個神。
你不相信嫦娥，玉兔，因為火箭上了月球後找不到他們。

這個世界由一個無形的神創造出來，到現在還有很多人相信，因為他是無形的，看不到的，因此，你不會否認他存在。


看得到，原來對人是那麼的重要。


同一道理，要人相信你，第一就是不要被人看得到。

從打機看成功之道

打機，要點做先至成功？

第一，當然要有一個目標，通常都係砌低最高既第一位 no. 1。

你要做 no. 1，絕對絕對絕對（三次）唔係去打／挑戰 no. 1。我保證一打必死（係指你）！

你要做 no. 1，絕對絕對絕對（三次）係去打比你低級既對手，搶晒佢地既資源壯大自己，一路路向上抓直至可以挑戰第一位。

當然，其他人都做同一樣野，咁你就要保住唔好比人打低／打死，否則仲爬乜鬼丫。

唔好比Ｄ戲扼你，乜鬼不斷挑戰第一位，跌低再起過？我寫包單你無第二次機會，就算阿 no. 1放過你，阿二，阿三都唔會放過你。現實係殘酷既。

打機成功之道，查實同真實人生又有乜分別先得假？

三個臭皮匠

俗語有云：三個臭皮匠勝過一個諸葛亮。

以前，以為係三個臭皮匠加埋既智慧勝過諸葛亮。所以唔好睇少D蠢人，低智加加下就變高智。事實上，呢個講法唔係好有說服力。

蠢人多就變高IQ？唔係嘛？

近日，對呢句俗語有新體會。唔係低智加埋勁過高智，而係三個人有三種觀點，一個人得一種觀點。三勝一係勝在多角度思考。

你叻又點？點都係得一種睇法，係平面，死牛一面脛，只會不停defence自己既觀點。多角度就睇到事情既立體，對事情了解更掌握，更清晰。

又係 media 既問題

細細個就知道能源危機，石油唔知係 20xx 年就用盡，大家要節約，唔係就會因為無能源地球就玩完。Of course 係人類玩完至真。


當時亦有不少反對開新油井，因為怕石油仲快玩完，地球仲快玩完。


今日，2017 年，我地都反對開新油井，理由係怕佢漏油污染環境，但絕對唔係能源荒。一時又話邊度搵到新油田，一時有話有大把蘊藏量，地球好似仲有大把石油未開發。


究竟邊一個版本至係真？？？


係咪又係有人利用媒體去達到某種目的的禍？？？

P 圖

今天三八婦女節，同女同事一起食午餐慶祝。餐中，女同事們當然大講電視劇經。之後，突然一位女同事拎出她的手機給大家看看她的相，漂亮到不得了。


在場個個嘩然，一位古裝天仙在大家眼前。女同事講，原來是用了app P 的，用了一張舊相 P 出來的。接著，當然大家努力去搵個 app 去 download 啦。


我在想，明明張相改到都唔似自己，一眼望落去真係"估你唔到"，但係個個都鍾意呢個唔似自己既自己。


無論你點 P，現實既你都唔會變成相中你，但個個樂意去 P，個個認為相中既自己就係真相。


人，自欺既程度真係可以放棄真我。


唔知，呢個係咪女人鍾意比人欺騙既一個原因，查實唔可以話欺騙，因為個女人自己鍾意既，又點可以話被騙呢？

人間度

佛教有六度輪迴之說。人死後會隨著業力而去到不同道，如天堂，地獄，畜生，人道等等。

有善業的去天堂，有惡業的去地獄。那麼，有什麼業去人間？

喜歡為善去天堂，易明。喜歡為惡去地獄，易明。喜歡什麼去人間？

我一向不相信審判，或死後審判，但我相信類聚論，即物以類聚，人以群分。

善人死後，會聚在一起，那裡叫"天堂"，但對惡人而言是"地獄"。惡人死後聚在一起，對善人而言叫"地獄"，但惡人視之為"天堂"。

這些都不打緊。人道位於天堂地獄之間，既不盡善亦不盡惡，那麼，什麼因素使"人"聚到人道中去？要做人總有點共通點。

近來有此一問因為自己越來越覺得自己唔似一個人。相信將不久於人間，會聚到另一地方去也。

係街見到面

還記得以前，當大家係街見到朋友，傾咗幾句後要走時，通常都會講：下次約出來飲茶再傾過。

而家？而家當大家係街見到朋友傾完後就通常會講，電話／手機聯絡。

睇來，大家都唔想做酒肉朋友。

人不知而不慍，不亦君子乎

論語這一句：人不知而不慍，不亦君子乎。其實我唔係好明。比起學而時習之，同有朋自遠方來，呢句難明。

但係今日駕車，我有點體味。

交通規則，事實上係不停轉變。可能因為道路環境。可能因為汽車發展。可能因為研究結果等。

如果你有興趣，最新既交通規則及其轉變係互聯網可以一覽無遺。但事實上，大部分人係唔理最新發展，只會源用自學車教車師父教的一套，可能已經不合時而。但當然佢地會覺得自己係岩晒，因為係師父教落。

對住呢類人，你都幾激氣，明明錯仲以為岩，仲而話你錯。

佢明明唔知新發展，仲要聲大夾惡。比著你嬲唔嬲？？

人不知而不慍，真係君子。論語，真係唔講得笑。

Snow

Snow, is an very special thing.


No matter how dirty and messy the land, when snow comes, a thick snow can cover everything with the same pure white color. It makes everything the same, no difference, no ranking, no characteristics, NO SELF. Somehow, I think snow is the substance/element to purify the world, it makes the whole world EQUAL. That's why people will imagine everything in heaven is in color white, white building, white clothes, white ground, surrounding by white cloud.


Yes, equal is best to use pure white to present.


Nevertheless, when you stay a long time in snow covered world, a long time. One day when some of the snow melt away you find different colour of rock, black, grey, white, brown. You also find different colour of grass, green, yellow, brown. Also different shape of everything, you will find that our world is full of variety, everything is unique and special. And we find the world is not that "boring". Isn't it amazing!!!???


People who leave heaven must have a reason, it maybe one of them.

the difference between parent and teacher

what is the difference between parent and teacher?

for parent, they tell kid "no to do something"
for teacher, they teach kid new behaviour to replace old behaviour

when I was small, I always think that my teacher is far more smarter than my parent. Today, I know it is not true that my parent is stupid. The reason is my parent don't know to use introducing-new-behaviour model. So, I felt that teacher are resourceful but not parent.

What is OLD?

There is no such thing called OLD
There is only loss of specific ability/abilities.

施恩莫望報，望報莫施恩

常言道：施恩莫望報，望報莫施恩。

這句說話並不是什麼勸世文。說話背後的重點在於，施恩前要想清楚。

不是勸世是因為，不施恩沒有什麼不對。人，沒有必然一定要向別人施恩。當然，施恩是美德，但沒有美德並不是錯。

但施恩並沒有必然獲得回報。這是事實。如果對這個事實不了解而有幻想，那麼，你可能一世都會因為得不到回報而很痛苦。

前塵往事之好mean既加拿大人

係好耐好耐以前，有廿幾年，當時剛剛出來做野。
有個老板，佢係加拿大華僑。份人無乜點，好無所謂，真係好加拿大人。

有日，我同佢講我要去饑饉三十，搵佢捐錢。佢一反常態，一毫子都唔捐。我問佢點解。佢話，佢好樂意捐錢幫人。但係埃塞俄比亞，食自己啦。

佢接住講，佢捐錢比呢個國家都捐咗好多年，但係國家就一D都無改善。現在仲要捐錢比佢哋？食蕉啦。

我當年唔係好明佢仲乜咁火，現在的我，我明。捐錢不是一個問題，問題係D錢不明不白地消失了。

記得係一會場合，有幸見到埃塞俄比亞既首都（相），我完全唔相信相中既地方係埃塞俄比亞既地方。一個摩登大城市，繁華，人民衣著光鮮。同宣明會比我睇既窮鄉僻壤完全係兩個世界。跟住有人同我講，埃塞俄比亞一D都唔窮，只不過貧富懸殊問題嚴重。加上政府將外國捐款都用得不明不白。

跟住既野，你有留意時事都知跟住會係乜。

現在既我，相信同呢個舊老板一樣，捐錢，我佰好小心。

真相

我無辦法獲得真相，因為我只能用我的感觀去了解這個世界。

一，我只有５觀，事實上動物還有其他感覺系統，如超音波，電磁場等等。
二，我的５觀是有缺憾／不足的，有眼但看不到紅外線。有耳但不比狗靈敏。

用這殘缺的身體，又如何可以清楚了解世界真面目？

Financial Secure

Financial Secure 係一個好過癮既 concept.

近來同幾個人傾開退休事而，佢哋不約而同都問有得做唔解要退休。背後既原因不約而同都係話，退休後會好悶。

有個仲講，唔好以為搵份義工咁易，一樣好難搵到份好既。

你唔收錢打工 OK 嗎？一樣唔得，個老板怕咗你呢D唔收錢既大帝。

查實，有時想退休其實係想達到個個財政自由既階段。一旦財政自由，其實做唔做都無所謂。唔做又唔會餓死，做又唔怕老細野蠻，一切隨心，好自在。

所以，所謂退休，係我個 case 而言，係指財政自由。

當然，財政自由都唔容易。又要無債，又要夠日常開支。都唔容易，但用呢個角度去諗，起碼會清晰好多。

Lunar New Year

the reason I use Lunar New Year instead of Chinese New Year because Lunar New Year is used by many Asian countries like Korea, Vietnam and etc.

Besides, I am not a Chinese （中國人）, so I don't celebrate Chinese New Year, however, I am an Chinese（漢人）, so I celebrate Lunar New Year.

科學就是良知

唔明 science 同 conscience 有乜關係，但大家都有 science 呢部份。

今日，美國狂人 Trump 表演了唔理科學，數據，唔理地球氣候變化。目的只有一個，成就佢既搵錢大計。

這種埋沒良心良知既搵錢，為了成就他的"大業"，最終都會禍及世界。

科學，這種只看事實數據的學問，原來是良知的起源。

小學生入大學

小學生到大學上課，課程內容咪又係小學課程，唔通教你大學課程咩？

決定既因素係人而唔係個外在環境

有幾完美既制度又如何？班人得唔得先最重要

從美國大選見到大部份美國人還是政治小學雞

政治既野一向都係低三下四

美國總統大選的一個教訓，用事實來說明一切。

美國大選前，我的美國朋友都很頭痛，因為他們都說：要在兩個難蘋果中選一個是他們非常不願。最後，有一些人放棄投票以示抗議，有一些則投白票以示不喜歡這兩個候選人。

結局？你都睇到 Trump 勝利。之後，示威不斷，更有暴力事件出現。阿 Trump 點回應？都係一句：鬼叫你當時唔投票或者投白票，你自己攞黎。

你要玩清高係你自己既事，結局唔滿意係你自己攞黎，無野好講。阿 Trump 仲講：如果上星期 March for Women 既一百萬人，人人去投票仲投比 Hilary，佢做鬼到總統咩。有今日既局面係班 "唔投黨" 同班 "白票黨" 自己攞黎。唔怨得人。

政治一向都係低下，一向都係市民大眾，家常事宜，你要用清高既標準睇佢？你係咪堅離地？？

Pure Form or Not

Plato 有一個理論：he thinks we are living in the world of the shadow of Forms.

Which mean that everything has a pure form, everything we see only the shadow of the pure form. He used the example of we are sitting inside a dark cave beside us is a fire, and we only can see our shadow on the wall.

No matter what, this theory has an interesting assumption which is there exist of pure form, and this pure form is before the thing that existing. Is it very familiar that God creates man by using himself as a model?

However, Plato's student Aristotle, he has a total different point of view. Aristotle not believe in pure form before the thing. He thinks that form or pure form is the product of our experiences. We group the familiar/same things together and name it. So, whenever an animal, mammal, with four legs, barking we name it as dog. But you know no two dogs are exact the same, that's why we call German Shepard a dog, Golden Retriever a dog, they are the same but have same features, so we call it a dog.
Aristotle's theory refuses pure form exist before thing, and form is only a product of things together. At last, there is no "pure" as the definition of a form is changing whenever we gain more experience on that thing.

I don't know whether Aristotle believes in God or not. Although he does not believe in pure form, he has to find out why thing(s) exist.

If we follow the thought of Aristotle, I think we cannot find absolute good as there is no such a pure form of good. Without absolute good, what should a human to do in order to go to heaven?

先進，是人類生活的目標嗎？

人類，係極之有趣又矛盾既動物。

當工業革命起飛，西方科技先進，人類，為了促進經濟，發展，生產，在第三世界的大自然環境大量破壞。

到今時今日，生活在西方已經發展了的國家的人民，他們都開始逃離繁華既西方式生活，遠走到他們層破壞的第三世界，過著簡單自然的生活。但世界而無樂土，那些第三世界國家都被攪到亂七八糟。

其實，人類應該追求什麼的生活？高科技是對的嗎？簡撲自然是嗎？還是什麼？

比條路行下

廣東話口頭襌：比條路行下。

其實好有意思。

人係要行既，無論有定無路，路都必須要行。

有條路，人通常都會跟隨去行。因為人既隋性，就算條路唔係好正都會去行，除非係條黑路。

無路？就自己行條路出黎。

道理好簡單但內裡就不簡單。無論係國家，社會，機構，家庭等層面，引用呢個道理就唔簡單。

當國家唔比條路人民，人民就自己找條路，通常變成作反。人民要衣食住行，國家就要有呢四條路比人民獲得其所需。

公司同員工一樣。家庭？當然無家規細路就亂來。

想一切有規有矩？及早比條路大家睇到，比大家行。

放火打刧

成語：襯火打刧，相信大家都熟悉。當在混亂中承機發財。完成後，大家都唔知邊個做，想追究都無門。

甚麼是放火打刧呢？就是襯火打刧既進化版，火由自己放，不需等時機，自己制造混亂，承機發財。

若果襯火有少少天意成份，那麼放火就是全人為。

中國人？香港人？

近來身邊有部份朋友都講呢個題目，但因為題目非常敏感，因此，我唔想討論，只提供資料。

我出生於香港，當時係英國殖民地。
我曾經擁有回港證，無咗佢我唔可以去中國旅行。只係旅行，不可以定居。
我曾經擁有香港passport（英國）。
97前，英國比咗本BNO passport 比我，換咗我本香港 passport ，但無居英權。
97前，中國講明唔會比本中國 passport 過我，而我亦唔可以好似一般中國公民咁自由出入中國，要回鄉證。
現今中國有好多種族，我是漢族，是漢人。
我姓李，相信是唐朝時既分支，所以我都算是個唐人。
我喜愛華夏文化，即前中國的哲學，文學，文化，歷史，藝術，科技。越古越好。
我不喜歡中國歷史，由其是中國近代史。
中國立國之前係清朝，清朝之前係明朝，中國，從未係歷史上出現。清朝叫自己做大清，而明朝叫自己做大明，從來唔係叫自己做中國。
就算我想叫自己做中國人，中國一定唔會比本 passport 過我，我無中國戶籍而我亦攞唔到中國既福利。
我無中國公民既投票權，對中國既政治絕對無參與權。

咁你話比我知我係乜人？

Black Joke 1

an old lady call police and reporting that she wants to kill herself

police rush to the house with her children.

children tell the old lady they need her and don't want her to kill herself

mother replied: yes, you all need me and visit me once a year.

human is lazy

Human is lazy. 

We trust religion because we are lazy to seek truth ourselves.

做人唔好怕難

人既惰性係取易不取難。
取易，你既生活當然會易一些。
但，這是你理想的生活嗎？理想的生活可能難一些，但對於你而言是有義意一些。
一個有義意生活同一個容易既生活你會點選擇？
當然，有些幸運兒，他們的生活是既義意又容易。

善變

人，係善變。
最永恆的就是：人係善變

R.I.P. Princess Leia

You are the first Princess I know.

R.I.P. Princess Leia. The Force will be with you.

Goodbye Carrie Fisher.

係你呀導演，係你呀

在網上，聽到一個關於羅拔狄尼路對一班演藝學生演講。

內容大致：
演好個角色係演員既責任。拍好部戲係導演既責任。部戲拍得唔好唔關演員既事，係導演既問題。但個角色做得唔好就係演員既問題唔關導演事。

所以，演員唔應該為咗部難片而唔開心，只要你已經做好你本分。亦都唔應該因為部戲唔叫好唔叫座而唔開心，如果你已經做好你本分。唔叫好叫座係導演既問題。

其實係工作上都好似咁，由老細到掃地，都各盡其職其責。公司表現唔好係唔關員工事，係老板問題，如果各人已經盡了力做好自己個一分。但事實呢？

事實而家D老板好叻，叻，係因為佢哋唔叻，因為佢唔叻就想出條橋叫：集體負責制，或team approach，即公司表現唔好，就人人都有責任，老板唔使負全責。本來係公平，一齊決定一齊負責，但事實呢？

事實係：一齊開會，一齊討論，老板最後拍板，一齊負責。公平嗎？明眼人一睇就明魔鬼在其中。

千里馬與伯樂

古時，有千里馬與伯樂之故事。究竟，是千里馬難求還是伯樂難求？

在我的工作中，需要接觸很多人。有叻有蠢。但無論係幾咁蠢，只要細心地去搵，你是可以找到他的長處。

但是，能力找出別人長處的人卻少之又少。

那現在你可知，是千里馬難求還是伯樂難求。

重生大話

重生，只有兩個可能性。有或無。 

無論有或無，我都係無辦法證明。因為直到現在，我或我認識的人都沒有一個記起前世事。 記不起，不代表無亦不代表有，所以是不可知。 

無論有或無重生，重生都是生死問題上最大的一個大話。個這個大話必須要講。

要講因為要臨終的人得到最後的安寧。

對於一個臨終的人而言，這可能是當下最重要的問題。

要講這個大話並不是你的睇法，你宗教的睇法，或臨終者的宗教睇法，而是當下那一個答案最能令臨終者可得安寧那個就是各答案。

唔夠錢洗

少年剛讀完書，未有工又欠下貸款，大喊唔夠錢洗。好窮。
努力找到工作，還了貸款，又大喊唔夠錢洗，因為買唔到樓。
幾年後都係唔夠錢洗因為買唔起車
有車後亦係唔夠錢洗皆因無錢結婚
當然結婚後無錢生仔，生仔後又無錢供書教學
仔都出身都係唔夠錢洗，因為換咗大屋

人，一世都係唔夠錢洗。
呢個道理唔只你知，而係係人都知，你既親人，鄰居都知，甚至乎你個政府都知。


所以，唔夠錢洗係無人會可憐你同幫你。

P.S. 事實上，呢個現象唔係停係度。現今世界，國家，商業，公司，家庭，市民大眾何嘗唔係在其中。要懂得收手行返出黎真係一啲都唔易。眼中所見，越行越深的居多。

Water

Human, can only survive with water in river, lake, and etc but not from the pure form of water such as steam.

Our body is a form of dirty mixture, our body never a pure form.

Dirty water can go through a process to purify itself, and reach a pure form of water. the principle apply to human, we cannot purify our body as it is a dirty mixture in nature, however, we can purify our soul.

Sound not good a metaphor, yes, it is not a good one. BTW, you know what I mean.

Disruptive Vocalizations

Classification for Disruptive Vocalizations

• emotional expression - positive or negative
• need for attention - an innate human need
• goal directed
• self-stimulation - aware or non-aware

Need-Driven Reasons for Calling Out

• physical pain
• mental pain and depression
• loneliness or deep anxiety
• frustration
• disorientation
• need for comfort
• need for escape

Verbal Disruption in Dementia has been Associated with

• decline in cognition
• frontal lobe atrophy
• loss of activities fo daily living
• poor functional status
• female gender
• social isolation and lack of activity
• over stimulation
• depression
• chronic pain
• attempt at communication

Common Antecedents for Vocalizations

• overstimulation
• under stimulation, sensory deprivation
• immobility, restricted movement
• pain, discomfort
• fatigue
• psychotic symptoms
• depression
• psychological distress
• caregiver behaviour
• environmental factors

Responsive Behaviour (Note from Peter Wiebe)

Psychosocial Models for BPSD (Behavioural & psychological Symptoms of Dementia)/Responsive Behaviour

• Unmet needs model
• Behavioural/learning model
• Stress-threshold model

Common Stressors Leading to Challenging Behaviours

• fatigue
• change of environment, routine or caregiver
• misleading stimuli or inappropriate stimulus levels
• internal or external demands to achieve that exceed their functional capacity
• physical stressors, such as pain, discomfort, infection, acute illness and depression
• affective response to loss

Staff Perception and Attitude

• Non-beneficial
• attitude that sees this as interfering with our job
• becoming defensive
• power struggles
• they are doing this "on purpose"
• More beneficial
• be aware of who and what "pushes your buttons"
• be flexible
• "self-talk"
• say nothing when upset
• acknowledge their feelings and don't deny your own

Person Centred Care by Dawn Brooker

• V = a value base that asserts the absolute value of all human lives regardless of age or cognitive ability
• I = an individualized approach, recognizing uniqueness
• P = understanding the world from the perspective of the service user
• S = providing a social environment that supports psychological needs.

契機

是一個契機嗎？

馬克斯 Karl Max 講過，資本主義既盡頭就是共產主義。資本主義既盡頭係點樣，我唔知，但係現在既世界，社會，我就睇到一清二楚。

現今國家，大家都努力搵錢。以我記憶，以前國家係協助人民去搵錢，國家同國家簽署文件係方便人民之間做生意。而家？係國家自己去搵錢。國家都搵埋錢，人民只係可以食淨下來，跌落黎既，邊有大茶飯？就算有，你都要同個國家好有關係先有可能，講同國家好有關係而搵大錢，中國係呢方面一定係佼佼者。你可以講呢個係國家無選擇之下既選擇。因為，你唔努力，你既國力就弱，就比其他國家"蝦" 。另一個問題係涉及國家操控經濟，咁各國唔玩貿易戰先奇，一打貿易戰，第一批死既一定係人民。好似 Donald Trump 都不斷指責中國係外匯操控國，貿易保護主義，美國何嘗唔係？

係咪一定係要咁樣？我唔知，我只知有D國家係將國民快樂指數放係國策既第一位。當然，呢D國家既GDP係唔係好掂，但邊樣先係正道，就要未來先知。我去過呢D國家，係窮D，但係佢哋既人民都係快樂D。記得個導遊反而擔心經濟發達會帶來國家有負面影響，例如，人民太倡導物質主義，太依賴物質及金錢，人民缺少簡樸及精神生活。

面對住乜都講錢為先既國家，大家都無奈地要適應下樣樣都講錢既環境。當然，最令人氣憤既係一D唔關錢事既話題個政府都會以錢來解決。我記得"香港海底隧道既故事"。話說海底隧道長期塞車，原因？一字咁淺，因為汽車無其他方法過海，只有海底隧道，所以過海無論點塞法都要排隊。香港政府面對海底隧道塞車問題提出一個解決辦法，就係加價。政府解釋，根據經濟學，加價可以減低隧道流量。結果？加價之後，汽車流量照舊，一樣係咁塞。其實傻仔都明白點解，係無選擇底下，加價又點會解決到問題？最後咪肥咗個政府而苦了人民。我唔知當時香港政府係咪有 hidden agenda，但係以經濟角度去理解一切，解決一切係傻既，因為好似上面講，呢個世界唔係只係得經濟或者任何問題都可以用經濟解決。有時，你會發現，個政府努力搵錢時，搵外面錢都ＯＫ，但而家好多都搵到自己人民身上。

姑勿論個政府係咪傻既，而家你面對既大部份政府都係以經濟為首，身在其中真係要努力擺脫呢個拖累。咁，又可以點？

當然，最切底既方法就係同呢D國家玩分手。但現實大家都知，玩分手呢家野，一來唔易，二來好貴。大部份人係玩唔起。對於99巴先既窮人民來講，點好？我唔知，但係我好似揾到一個契機。

近來，我努力想辦法去減少個政府對我既影響，包括社會，商人等等，凡係同錢有關既野我都盡量減低佢對我既影響。

舉一個例，自耕茶。自己種菜，自給自足就減少對市場既依賴。種多咗？送比朋友，鄰居去，或交換其他野。第一，減少對市場既經濟交易，被免政府成機打稅。我係度諗，我買野就收我稅，咁，唔係打劫係乜？我始終解釋唔到 sale tax 呢個怪物。一件貨品去到你手時可以打咗好多次 sale tax。商人買材料時打稅，用電用水去加工打稅，買材料包裝打稅，最後租鋪打稅，鋪頭燈油火蠟打稅，最後賣比我前都唔知打咗幾多稅，買比我個一刻再打稅，如果要送貨，當然又打稅。個政府淨係食稅都食死佢，但係佢一定話唔夠錢洗，想盡辦法再諗新稅。

再抽離D講，自發電，自開井。呢D都係減少政府對我既日常生活影響。當我既生活必須減到極少需要依賴政府／市場，政府／市場介入我既生活就變到最少。係加拿大，自發電，自開井係可行既，絕對唔係隻天馬。

要呢個情況達到，必須要有一個互助市場存在。因為，講到最後，我自己無可能生產所有我生活上既必須品，但我唔要同政府有 interact，我要同同其他人有 interact。

契機一
二手市場，以物易物市場。
這裡的市場政府能管制極之少。因為較為自發及複雜。另外，當中可能只涉及少量金錢，或含福利性質，政府管也是白管。你不要以為是窮人的物品，在我既經驗中，好多中產人士都是參與者。另外，唔好以為二手市場就係買舊野，其實係買大家唔用既野，可以係新野。當然，二手市場同以物易物市場之所以得以生存係唔單只你去買，重要你去捐／賣你唔用既野。這樣一來，才可以保持貨物流通，市場得以生存。當中，亦帶出各取所需，不囤積，不貪婪的概念。

契機二
現今世代，尤其是年青一代，佢地好喜歡"分享"。可能因為今時今日要擁有係一件物品係唔昜既事，所以，特別係年青人，佢哋鍾意 share，乜都可以 share。商人當然唔鍾意我哋 share，因為會搵少好多。

Share 引發一個有趣既哲學題目：佛洛佛娒既 to have or to be，共用定擁有。我一向都唔認為人類包括任何生物係唔可以擁有任何物件包括你既身體。一個人，只係暫生於世，如何可以擁有任何物品？暫用則可以更加合適形容。我哋唔知幾時比人教到以為我哋真係可以擁有物品及交落到下一代。就係呢個想法，使我哋越來越離開借用／共用既概念。比個以市場為重政府及商人綁到我哋實一實。但係，當政府及商人太貪錢時，事情開始弄巧反拙。當物價太高，一般人民負擔唔起，部分人就醒覺過來。尤其是無經濟能力既年青一代。Life itself will find the way out 係無錯既。

近來有唔少例子，青少年發明咗一個好平好平既新方法用去解決問題，本來就係玩專利賺大錢既時候，點知，班細路就公開咗個方法，免費任人用。近期就有一班學生搵到一個平幾萬陪既方法發明咗隻藥，間專利藥廠真係大喊到霉。班細路為乜唔搵錢？因為，係佢哋成長時係被 trained 去 share but not own，btw，佢地無能力去 own。

你睇睇 internet，大把 resources 係免費。重要比錢買 software？你唔係呀？音樂，娛樂，知識，資訊..... 連革命都係免費。食物，衣服，用品.....

講返我自己，其實，我有想過同鄰居 share internet service。而家大家係屋企上網都係用 wifi。我屋企係可以 connect 到鄰居個 wifi，如果佢比佢個 password 過我。咁，兩家人用一個 wifi，share 咗個 cost 就可以平一半既錢用到呢個 service，一舉兩得。

只要大家識得玩share，玩得好，要打倒拜金政府及商人，相信都會有一定效果。

我唔贊同有一D人攞一D物品去比D所謂"有需要既人"，如街邊阿婆，露宿者。因為，無論你用乜野講法，你始終都係有施捨既概念。係唔平等既，尤其是佢哋專登買一D野去"分享"。當然，我唔係反對呢種"分享"，起碼是好事一宗，無理由打壓。不過，在我心中，較理想既做法係成立交換中心／場地。你有唔用既野放到那裡，你有想用既野，到那裡找。不分貴賤，不分人種。

近來，香港就有個社區雪櫃用來減少廚餘，大家放下你唔要或有多既食物，而攞走你要既食物。點知比人當咗 food bank，專登買咗D食物放入去。個 owner好唔開心，因為佢想珍惜食物，減少廚餘而並唔係做施捨工作，而家，反而增加廚餘。去社區雪櫃既人唔一定係窮人，只係一班唔想ｏ徒野既人，珍惜世間資源既人。概念很近但絕對唔同，要好小心。

屠城記

大軍抵城，但入不到城，因為有幾個傻兵在。

傻兵並不強，能抵大軍因為他們都一起守在最重要的城門，以小對抗大軍。

小兵一次一次對抗大軍，戰略成功，所以都能勝利。

因為有這幾個傻兵，城內人民都能安心生活。

大軍知道這樣是攻不入城，最後想出一計，"逐個擊破"。傻兵一個一個地倒下，城內的人都看在眼裡，但是卻沒有出來幫手。為什麼不幫手？我不知道，亦不想知道，因為，我怕那個答案那個真相，因為，我怕這個原因是一個人性黑暗面。

最後，最後的傻兵都倒下了。大軍入城。結果你是可以想像得到的。

謝了

小時，熱誠一片。什麼環保，地球村，世界公民，這些道德高論，一一照收，努力奉行，努力宣揚。

大了，才知道事不成不是不可知，不可為，而人心的不古，貪婪，弄權，自私。
要治世先治人心。可盡治嗎？

佛以普渡為己任，這心愿是可期宏大。雖然眾生未渡盡但已成佛。

水清無魚

水清無魚，相信大家都明點解。水太清，無食物，魚亦生不了。

但我從另一個角度去了解。
 
水之所以清，因為無魚。有魚自然有污染，水，不可能清。要水清，先要無魚。呢個世界之所以咁污染，因為有人。無人，世界自然清。

我唔係有滅世想法，只是想指出，呢個世界係唔會有所謂清既一日。始終，都係人間世。

不要再環保了

環境保護，是一個大話。人類保護環境或地球，最終都是想保護自己，否則，最有效的環境保護就是把污染地球的人類消滅就可以。人類不會選擇自我消滅，因為環保保護實際是人類保護。所以，環保是一個大話。

人類為了自我保護而環保，無問題。但問題是保護環境是否就可以延續人類？答案當然係 "no". 否則，不會污染地球既恐龍就不會滅絕。

地球上生物滅絕有好多種情況都已經出現過，天災係常見，如大洪水。又或者宇宙災難。

環境保護係無可能阻止這些問題，那麼，現今環境保護（人類保護）究竟在使什麼？是否白做？

要人類永續並不是靠環境保護。要真環境保護，人類自行消失就可。

如果你係真環保份子，請你不要誤會，我唔係叫你即刻去死。只不過，如果你環保係指延續人類生存問題，你應該從新想想永續既方法，而唔係走環保呢條路。

你想什麼?

我有自己思想, 獨特環境和經歷, 會為自己作最好的打算。
那個人不是你這樣? 
你還為別人想什麼?

一切皆為工具 - 名可名非常名

世間一切，皆為工具，就算人身，也是工具。

沒有人可以擁有任何東西，只可暫用。人家可以搶走的，你那可以談上擁有？就算你身，人家也可以用方法奴役使用。

暫用並非不好，少一點牽連就多一點瀟灑。

工具可名但並非常名。
昨天是石頭，今天是美玉，後天卻是垃圾。
有人視之美食，有人視之毒藥。
有人視之為美，有人視之為醜。
名，也是暫用的名。名，談可常名。

世事常變，就是如此。

道無常道，因它無可能被肯定到，
名無常名，因它無可能恆久不變。

了解這個道理，靜看世事，樂趣無窮。

不斷演化的真理 - 道可道非常道

人類的知識，是由一個知識經修改後進代而成，因此，我們的知識會越來越精準但永遠不會完美。因為我們無從了解什麼才是完美完善，才是終結。再加上世界不停在變，今天通的，明天可能不通。

所謂理論亦是如是。

所謂＂真理＂亦是如是。我們都是一步步摸著向前走，永遠不可能知道真理的真面目。老子已說：道可道非常道。

The death of globalization

don't know when, 我投入成為世界公民。係世界公民前面，"本土"，絕對係落後既想法。

全世界都開展 globalization, 但當 globalization 接觸到中國，接觸到中國模式的十多廿十年後(無論經濟，無論國策，無論人口，無論道德)，大家都大開眼界，開始懷疑 globalization。本土似乎有開始有 market. 


Breixt, 未必同中國有關，但背後原理一致，英國佬，數來都好實際，同歐洲多國不同由其係法國。


英國佬一向走得快，要佢堅持多一點點？除非有利益係背後。還記得福克蘭戰爭，我在想，如果當年阿根庭向英國佬買回福克蘭而唔係攻，我信九成英國佬肯賣。


香港？點解唔賣得？不但賣一次，佢不停話為你跟進，不停話有道德責任咪等如不停有水收。近來，新首相咪又係中國佬手上攞咗好多生意。

貧者越貧，富者越富

近來喜歡去二手店，主要是尋寶，係呀去搵舊野。我唔會去古董店，我認為被騙的可能性係99％，所以我去救世軍既二手店，所謂尋寶唔係搵古董，只不過搵一D還新正又啱用既野，為了增加成功機會我會駕車去到唔同地區去尋尋。

估唔到係尋寶之餘比我睇到一個社會現象。貧者越貧，富者越富。

之前講，為咗增加機會，我會去唔同地區既救世軍二手店。其實雖然地點不同，但物品款式參唔多，何解？其實捐出來既野大部分都係D老人家死咗，家人無地方處置D又舊又唔多值錢既舊物所以捐贈出來。所以大部分都係D四五六十年代既野。

講返社會現象。同一類形物品，係唔同區個價錢相差好大。係有錢區，二手貨比窮區平，係平。咁咪有錢人買到平野，而窮人買貴野？

想了一陣，我就明。係有錢區，二手野無乜買，所以就要用平夾賤價吸引人買。但係窮區，大部分人會先去二手店搵，搵唔到先買新貨。咁即係話只要平過新貨就會有人有興建，所以價錢會高好多。

我而家學識，只會去有錢區既二手店尋寶。可憐窮人只能活在他們的圈子裡。

權力的來源

廿多年前, 當時是哲學發燒友, 曾經同同事討論生存權利事宜. 佢支持動物生存權利, 所以人類不應該及不可以剝奪其他生物的生存, 如隨意殺害其他生物. 簡單地講就係眾生平等. (btw, 我同佢都係食素)

我當時極衰, 問咗佢一條問題, 如果眾生都有生存權, 那麼一旦有人違反, 邊個會 take action, 對負/懲罰那個人?

我再舉例, 如果你講我們有乜乜權, 例如言論自由, 咁國家會保障你, 如果有人剝奪你既言論權利, 你可以要求國家保護, 保障你呢個權利繼續發言.

一個權利必須背後有一個有力量既單位去保障權利的行使, 否則就係得個吹字. 沒有力量單位撐住, 有乜事起上來, 咪又係森林定律 !

同事啞口, 因為所謂眾生生存權, 千百年來事實都話比我地知, 係森林定律, 邊有保障? 眾生生存權係一個空話, 因為無力量單位執法.

引用現在香港的情況, 香港人依賴基本法, 那種依賴已經去到天真的地步. 因為, 基本法, 香港市民的權力來源, 它本身是沒有權力的, 而它本身係再有其權力來源, 誰可以解釋基本法誰就是基本法的權力的來源. 完全依賴基本法等同完全依賴人大, 中央, 中共. 香港市民, 你真的完全依賴中共嗎?

自我

媽媽教導孩子不要自我，就講，
以前既人一路都以為太陽圍住地球轉，後來先發現原來係地球圍住太陽轉。 
小孩回：我咪係太陽囉

燒火爐的啟示

現在屋企有個燒柴火爐。但係起爐燒柴並不容易，多嘗試就明白個中道理。

如果你以為用報紙起爐燒大柴，經驗所得，你唔使指意起到爐。

起木柴爐既方法係先用報紙燒幼條柴。當幼條柴燒起就加大柴去燒。一層一層燒落起，咁個火爐就起得靚，火力夠。

放火既嘢，一理通百理明。人間放火亦是如是。想細火燒大柴係唔可能。要成功，先用細火燒中柴，再由中柴燒大柴，一層層上就可以成功，燒得好靚。

講明白一些，想要上層旭必須靠中層，想旭中層要靠下層。下層很難直接攪到上層。戰略就係咁。

戰爭最可怕是

戰爭最可怕的是：戰場是在你的家園上。

情婦，妻子，知己

做人情婦最易，做人妻子不難，做人知己最不容易。
情婦，你肯就一定得。妻子，你忍就一定得。

知己呢？士為知幾者死，呢個世界，睇新聞，有幾多人"有"知己而死？

真係知己難求呀

自由的代價

籠中的動物，脫離了籠子就是自由。想要做什麼，去什麼地方也可以。但牠要自行尋找食物，面對被捕殺，面對種種危機。在籠子裡，牠不旦得到主人的保護，更可獲得食物。

這就是自由的代價。

現實中，大部分人都希望得到自由同時又要保護。你係唔係傻家！！！

現今世代，事實上有很多這類"兩樣都要晒"的人。事實上，佢哋實係好傻。

用石頭掟人

用石頭掟壞人的成本最低。

在沒有很大的負出（一塊執起來的石頭）同時可提昇自己的人格。

如果是掟錯也有一大班人陪你一起錯，斷唔會算到你的頭上，正所謂個個都錯即係無人要負責任。

借人上位

借人膊頭上位最易不過，天下之大，每時每刻都有那麼多不平事。抽水，隨時都可以。

抽錯水？真係抵死無得救。

佛教治國

佛教治國

曾經, 我認為佛教治國係無可能. 一個出世既宗教又點可以治理一個國家? 最後咪人人唔做野等乞食? 國勢又點會蒸蒸日上?

我的想法出現錯誤. 錯誤在於我用現今各國的治國標準 (搵大錢) 去考慮佛教治國. 

我不知佛教是否可以治國, 但我知道一個國家可以不把經濟發展 (搵大錢) 成為國策第一位. 無錯, 可能係會落後 (可能, 或者一D都唔落後), 但唔代表生存不到, 或者人民不快樂.

我不認同

這個世界沒有"對"與"錯", 只有"我認同的"與"我不認同的"

例句: 你這樣做是錯的.
重組: 你這樣做我不認同.

看到分別嗎?

世界是客觀的世界, 但人去演釋這個世界卻是主觀的. 在主觀底下, 我看不到"客觀的對與錯". 另一方面, 當然亦沒有所謂"客觀的我認同和我不認同".

日出日落是一個客觀事實, 所以不涉及對與錯, 亦不存在認同與否. 人事呢? 既然不客觀, 就只有"我低下的對與錯", 亦即是"我認同與否".

以後, 鬧交時就一清二楚, 不要再指責對方"錯", 而只說句"我不認同你的". 看來, 鬧交越來越沒味道.

人類的工作

人世間, 是一個不完美的人間.

人類的工作是作小修小補去使到這個人間能繼續發揮其功能.

熟手老師父, 他們會把事情做得近乎完美, 使這個人間看似完美. 但新手卻只能保持功能罷了, 還有可能把事情弄穢.

起碼的三元思考

我將“成敗”，“輸贏”定為二元思考。

那麼，這個世界絕不是二元世界。這個世界是起碼三元世界，即事件與事件是連結著，隨著時間的流動，事件與事件是不斷產生變化。

如果用二元論解釋這個世界，你一世都不會明白這個世界，世事。

多采多姿的世界

世界之所以多采多姿，是因為性格而非沒有規則。

人生與畫

兒童是蠟筆
少年是素描
成年是油畫
中年是水彩
老年是水墨

腦退化

思覺失調是個很好的名字, 事實上是精神分裂. 
腦退化是另一個很好的名字, 事實上是精神病.

前塵往事之中秋出千

今日中秋，想起小時候既一件事

當時，應該係小三咁上下。話說有間福利機構（好似係聖雅各福群會）攪咗個中秋花燈製作比賽。我同大家姐都有參加。

當然，以我咁蠢既人又邊識做花燈。BTW，我家姐都唔得，嘿，往佢重覺得佢好有藝術天份。

結果？結果係我老豆出手，做咗兩個一模一樣巴燈籠比我同我家姐去比賽。係一模一樣，可能我老豆淨係識得做呢一款燈籠。

比賽結果？結果係我地都贏咗。唔記得係二三定三四。總之有獎。

事後唸返都覺大會幾兒戲。明明係一模一樣，傻既都知道係出貓。加埋，一定係請槍，咁都有獎？呢個世界真係丫。

Anyway, 攞獎時真係好開心，家姐都開心。多謝老豆，中秋節快樂。

簡單的事情

簡單的事情並不悶, 簡單可以很神, 可以是藝術

有 heart

好多時我地都要求人做事要有 heart. 查實乜嘢叫做有 heart? 點樣知道個人有 heart 定無 heart?

近來想到, 如果做人既工作, 做完後你會有種幫咗人既感覺, 咁你就算有 heart. 如果你做完覺得只係辦咗件事, 咁就係無 heart.

有 heart 係一種感覺, 一種又內至外既感覺. 不單只係完成, 而加埋有DD徫大既感覺.

投票

投票
其實唔係投參選人，而係投市民質素及決心

人民監察

上古有道
人民把管治交到有道德之人，是一個信字
但是太多例子證明有道之士少之又少，又或無興趣於管治

無道亦無信，於是建立制度
以制度監管管治者及人民，道德從此不是管治者必須要有之條件
但不景制度是工具，被管治者利用為私用，公器私用

信無可信，人民監察成為新模式，但是忙於生計的人民還要去監察政府，很累，與管治者鬥很累。堅希望有一個有道之人，把責任交到他的手上，回到上古之道。

Non judgemental, non value laden

越來越發覺, 講沒有價值判斷或取向的字, 句子是很難很難. 很有挑戰性. 若做到了又很有成功感.

講白一點

制度是人定出來。

制度本來定出來是用來幫人，但制度亦會傷人。

說到底，制度本身是一個工具，幫人定傷人，就要看用制度的那個人而非制度本身。

說到底，人性，就是關鍵。

哲學家們喜歡談論人性之本，亦有其道理。

年過 50 代表乜?

年過50代表乜？

代表我有理由相信係我死前地球有足夠資源比我用。我唔係話我一定有錢買，但若果我有錢就一定買得到。就算我依家亂咁用地球資源，我幾唔環保，我都有資源用。

但係我會好環保，比以前重要更環保，因為我想未來既人類都繼續生存在地球，我喜愛既地球。

我而家做緊既野係好衛大，因為已經唔係為我自己。50歲前我唔敢講，但而家可以。