diet

我對 diet 的見解

我唔係 dietician 有錯請指正

1. 去見 dieticians 時，佢地都會講：diet 係 life style。道理好簡單。如果你用一個新diet去減肥。成功後改返以前後diet，咁就好快打回原形，正常過正常。所以，要恆久不變，就只有從此轉新diet了。但如果新diet只能幫助減肥而不能長久使用？咁你就死得。所以話，真正既減肥係要用一個恆久的diet去減，而不是用一個速成方法去達到一時痛快。所以有女人講：減肥係終身事業就係咁解。

2. input/ouput 理論。大自然後界的道理。出入平衡就平衡。入多出少就肥，出多入少就瘦。無論你乜diet，食過量就會聚在體內，就肥。所以，有些diet話食幾多都得就要小心個中道理。但如果佢哋話任食西芹係正確，因為西芹真係乜都無除了fibre。但係食咁多西芹又為乜呢？

3. 身體需要能量來自3方面，carb, protein, fat。當中，以carb吸收快消耗快。當身體需要能量時，會先燒carb，protein/fat次之。carb燒光了，就開始燒protein/fat。肥的原因，是因為你身體有足夠的carb, protein, fat，燒carb都未燒完，淨下來的protein/fat就留在體內。順希一提，protein係build muscle用的。腦，都要用大量protein 。要減肥，係要減fat。所以，要 make sure no more sugar to burn，身體就開始 burn fat。所以，點解減糖可以減肥，因為身體無糖可燒就開始燒 fat。但切記，protein/fat太多亦係無用，之前講過 input/output道理。在凍的天氣出外行一下，就是最快燒光sugar, then start burring fat。fat有分 white fat, brown fat。在此不述。

4. fasting。斷食，一向好多飲食文化，宗教都有。簡單就係餓下個胃。但老實，fasting可以好複雜，好深奧。尤其是長時間斷食，好似和尚坐禪，唔係話入定就入定，話出定就出定。入前出後一不少心就傷身。fasting當然有科學理論，但已經超越了我的能力，係連明都唔明。對於我來講，fasting我只會用short fasting，即大概一天12小時fasting。比較簡單。有D七分飽理論。

5. 所有飲食文化都論飲食要定時。飲食沒規律一定傷胃。

6. 運動。以 input/output theory。要減肥，除了從減少input入手，亦可以從output入手。做運動係最有效增加output的方法，同時亦可build up body strength。正所謂一舉兩得。運動第一燒糖，接著燒protein/fat。但要記住，肌肉係由protein產生，所以會用大量protein。吸收大量protein而不運動會做成蛋白過多，會有可能出現蛋白尿，對個kidneys都唔好。但如果使運動，蛋白質去了肌肉，就可以減低呢個問題。要留意，因為運動後會胃口大增，會有可能小爆食，會變成增肥，但不吃又對身體造成缺乏營養，所以，運動後飲食亦要小心如果你用運動來減肥。