哲學家是這樣練成的

今早去到一間地痞麵包舖食早餐。舖細細，價錢平，野食ＯＫ。

一班阿叔已經在高談闊論，內容是介子應該帶係邊隻手？你一言，我一語，大家吹到頂峰。有Ｄ堅持功能論，有Ｄ堅持習俗，理論多多，建設少少。

看到這個情境，我忽然好似見到哲學大師蘇格拉底 。根據記載，阿蘇生朝朝無野做（查實佢係無業遊民，所有野都係佢老婆攪掂，最update係佢做過守城門門口。所以根據記載佢好怕佢老婆但係又唔敢飛佢，可能怕飛咗老婆之後連飯都無得食。加埋佢好醜，搵唔到小三），就去市集度，成班麻甩佬係度吹水，當然每天題目都唔同。吹吹下，就吸引埋Ｄ靚仔（好似阿里氐多德等）都聽佢地吹。後來靚仔阿里氐重要寫底Ｄ吹水內容變成哲學經典。

吹下吹下，個個麻甩佬變成哲學大師，重有門派。

麻甩佬真係好奇妙，時間重奇妙，用幾千年時間可以將班麻甩變成哲學大師。