膠劇的價值

近來，在同一時段內睇緊兩套港劇。一套係 HKTV 既三面形醫，另一套係 TVB 既樓奴。

老實講，套樓奴真係膠到唔膠。一開始以為套片係講香港人如何成為樓奴及高樓價對現今香港人既影響。點知？點知，乜都唔係，只係一套要有千千萬萬個巧合先會發生到既愛情片。膠到唔膠。

三面形醫，絕對係一套好片。先唔提演員演技。劇本同拍攝就好正，鋪排好，節奏好，好多嘢你諗唔到。

但係我都有繼續睇樓奴。返工已經好累，放工之後真係唔想用腦。要再睇Ｄ用腦既戲真係好累。樓奴呢Ｄ片就最好，真係一Ｄ都唔使用腦。佢既劇情，真係一Ｄ都唔使諗就知道下一分鐘，下一個鐘同下一個星期講乜。佢既笑位係邊度係九成都估到。呢類片，突然令到自己好似好高班，係高級電影評論員一樣。真係自信心都高咗好多。

膠劇都有其生存價值。膠劇都有其客路。膠劇既存在亦反映到一個城市既情況，尤其係市民既生活現況同心理現況。