蜜蜂與烏蠅

今年，唔知乜星動，賣屋買屋，事情尚在進行中。過程並不好受。先不講賣屋那部分，買屋的過程使在想起蜜蜂與烏蠅的故事。

話說。有一個科學實驗研究蜜蜂同烏蠅，睇下邊個生存能力強。

科學家將一隻蜜蜂放入一個玻璃樽，然後倒轉個樽睇下佢識唔識走出呢個困境。結果，隻蜜蜂最後死咗。之後，科學家用同樣既方法放隻烏蠅去試。結果，隻鳥蠅成功逃脫。

科學研究點解隻蜜蜂會死而隻鳥蠅無死？結論如下。

蜜蜂由頭到尾都係向光飛，就算係無路都不停向光飛，結果，油盡燈枯而死。烏蠅呢？毫無章法，亂咁撞，結果就比由下面飛走。

在社會上，我們都被教育到要跟規矩做事，凡事係有根有據，不可以違反規則，就好似比賽一樣。

事實呢？

我只想講，要完成一件事係可以有好多方法。跟規矩只係其中一個方法但絕對唔係唯一的一個方法。如果有其他方法而又唔傷害到別人，可不一試？

就好似行山，係有條好多人行開既山路。但自己試下一條新路又有何不可？試咗未必一定得，但唔試就一定唔得。如果，試係無成本或後果的話，唔試就一定係笨。