貧者越貧，富者越富

近來喜歡去二手店，主要是尋寶，係呀去搵舊野。我唔會去古董店，我認為被騙的可能性係99％，所以我去救世軍既二手店，所謂尋寶唔係搵古董，只不過搵一D還新正又啱用既野，為了增加成功機會我會駕車去到唔同地區去尋尋。

估唔到係尋寶之餘比我睇到一個社會現象。貧者越貧，富者越富。

之前講，為咗增加機會，我會去唔同地區既救世軍二手店。其實雖然地點不同，但物品款式參唔多，何解？其實捐出來既野大部分都係D老人家死咗，家人無地方處置D又舊又唔多值錢既舊物所以捐贈出來。所以大部分都係D四五六十年代既野。

講返社會現象。同一類形物品，係唔同區個價錢相差好大。係有錢區，二手貨比窮區平，係平。咁咪有錢人買到平野，而窮人買貴野？

想了一陣，我就明。係有錢區，二手野無乜買，所以就要用平夾賤價吸引人買。但係窮區，大部分人會先去二手店搵，搵唔到先買新貨。咁即係話只要平過新貨就會有人有興建，所以價錢會高好多。

我而家學識，只會去有錢區既二手店尋寶。可憐窮人只能活在他們的圈子裡。