力不到不為財

如果地下有張一百蚊紙, 你想要的話都要彎低身先攞到.

照呢一個道理, 如果你存錢入銀行跟住乜都唔做, 你估你會唔會發達? 當然你好清楚輸通漲都輸死你.

同一個道理, 如果你D錢買晒股票跟手乜都唔理你估你會唔會變成D有錢佬? 結果都係唔會.

人家有錢因為佢地會見底入見高買, 錢先會返幾返, 你淨係買完就唔理, 比你發達都唔公平.

其實個道理就她似買屋, 今日你買咗間屋, 你住係度唔理佢, 無錯, 你間屋既屋價係不停向上升. 但係你唔好唔得, 其他屋都係一路升. 咁積係數字上係升咗, 但在市場上你間屋係無升到. 要係屋度發達, 都係要屋價高就買, 屋價底就入. 當然你會話個市你估唔到. 但係由旺區搬去有 potential 既新區你識既. 好多人買咗新區守幾年就發咗就係咁解. 又或者買間舊屋返新就可以賣高價搵錢.

講來講去都係一個道理, 錢放係度唔理係唔會變多D. 力不到不為財.

有時真係好唔明自己, 成幾十歲人先識得呢個道理.