有一班同工同事認為人工低想向公司反映加薪，尤其是公司近年賺大錢。
同事A問，你地打算意見表達定係革命？
同事們答：當然係意見表達啦，唔係革命！
同事A：咁其實無必要講啦，無為破壞咗良好上司下屬關係。
同事B：唔講條氣唔順，明明我地人工比市場低加上公司又唔係無錢！等公司知道我地唔高興同埋虧欠了我地，迫公司加人工。
同事A：再問一句，若果公司無反應，你地係咪可以去到革命？
同事們：No！只係純粹意見表達，等公司知道我地既想法同改善我地既情況。
於是，同事們寫了一封信給CEO，重驚死CEO唔覆CC埋比個Board。
終於CEO接見同事們。同事們表白後，CEO表示公司其實係欠一屁股債，雖然今年有錢但事實上重係努力還緊錢。重表示同事人工其實已經係市場中位數，當然比市場最高係低，但比市場最低係高，公司已經努力地比同事中位數，有部分部門重未能到達中位數，公司而家努力幫佢地返中位數，亦係優先考慮，因為咁對所有同事先至公平。
講完，同事們收聲兼收皮。
同事亦如之前所定，無跟進，無野講亦無革命。當時公司就紀錄咗呢一件事。
人生，就是需要＂純粹的＂發洩？這叫做真？或者叫做從feeling睇世界？
這種發洩可以發揮到意義只係能建基於一個條件：你是發洩對象所重視的。
辦公室內的叫辦公室政治，一個國家一個城市就叫做政治。
我相信，如果當年孫中山只係純粹表達意見叫口號，無聯合日本，無聯合各省（尤其是南方）攪革命，中國人現在還是大清子民，行大清律例。
No comments:
Post a Comment