有邊個人無比老豆點？

有邊個人無比老豆點？

我！勁被點！唔只一次，係由細點到而家。唯一唔同係以前細個時係點完先知，現在一早就知佢老點，不過因為係老豆就算！

最甘一次？查實舖舖都甘，就是旦講一單。

話說我初中時，有日我同老豆講想佢買部電腦比我，因為可以幫助我讀書。佢諗咗一諗話無問題，不過要我下次考試要考到幾多幾多(sorry痛苦經歷所以supress唔記得要考到幾多)先買比我。

結果，以我既天資當然無問題。要幾多就考到幾多。我提我老豆我哋有個承諾，佢話無問題。

過咗幾日，老豆終於買咗返黎，不過係一部錄影機，呢！個d大帶機。當年來講有一部已經好勁秋。

我同老豆講我要買電腦唔係錄影機。佢答以為我想買錄影機。我強調指出，我要求買電腦因為可以幫我做功課，我講咗好多次，我諗唔到部錄影機可以點幫我d功課？

當然，我老豆堅持話係我要錄影機而唔係電腦。當然佢再堅持佢已經無錢買多部電腦比我。

結果？唔幾個月後，部錄影機由放咗係廳被送到至佢間房入面。

到而家，係傻既都知道佢係玩緊我！

我爆多樣嘢比你聽，佢係房入面睇咸帶！

當然，我係呢度唔係批判我老豆睇咸帶，因為根本上係人既正常嗜好，有乜咁出奇？你有都唔睇就超出奇！

我只係想係呢度講比大家聽，做大人既千祈唔好搵細路丁！點解？因為自此之後，我既學業成績係一落千丈，原因？你幫我想埋落去！

有機會我再話比你地知，我本來係可以成為香港電燈公司既電腦工程司或者係呢個部門既主管或更高級，住山頂養番狗。點解而家咁 lower class？都係同呢部電腦有關。下次講埋比你聽。