今年冬天

今年冬天比已往來得早。 天文台話明早會零下十度，好有可能有飄雪。 今年有的不只是白色聖誕，而是白色萬聖節。

集體打劫

我好覺得而家各國政府的所謂金融救市方案係集體打刧。 各國都講，佢地會用納稅人的錢去買入股票，支持有實力及有困難的公司，當然那些有問題的就不會買入，因為唔想見財化水。正所謂趁低吸納。 他日，當金融問題過去後，股價上升後便會把股票賣出，絕不要納稅人損失一分一毫。 咁！！ 唔係集體炒股咩？集體操控金融市場？以一個國家幾千億，十多個國家一齊入市，同打刧分別唔大。 不過，話時話，當多個大國一同打刧金融市場時，加拿大竟然唔識得一齊打刧。（其實集體打刧都未嘗唔係一件好事。因為始終Ｄ錢都係落番納稅人個袋。搵到錢，可能掟住金融衰退一段時間）。 唔怪得大家都講，加拿大政府要錢，就只會攤大手板問人民攞而唔識得搵金，由其係錢搵錢。講到錢搵錢，香港政府就係呢方面係無敵。

鄰居太太買車

有日，鄰居太太拎住份汽車小冊子來問我應該買邊輛車。佢話佢唔熟。 老實講，我邊敢比意見丫，大拿拿幾萬蚊加紙。你講錯佢買錯咪好大鑊。但係佢又好唔明呢個道理，係咁問你買邊部好。 想了又想，最後我就講出一段好有智慧的對白。 你所用的錢，最重要係買到你想要的東西，而不是用在你不要的東西就可以了。例如，model A包A, B, C, D, …..。而model B包a, b, c, d, …..。那麼你知不知道自己想要些什麼？不知道嗎？回家想一想。 世上有好多人，在購買之前係唔係好清楚自己想要Ｄ乜。他們或許有一個大概，但細節卻沒有。只要你多想一想，結果可能會好唔同。 就以我自己為例，近來很想買電腦，因為display card好似出現問題，加上已經用了四年，很舊。去各公司不停格價，看看那間有減價，那間有優惠，格了很久很久。唔係好捨得買因為好貴，成千蚊加紙。希望等多一等有大減價推出。結果等了成個多月，每日上網check價錢，好煩。 最近，有日，行過一間公司，有display card大減價，我突然想，電腦display card壞了，換了它便可以，又何必一定要買新的呢？最後，只用了40元便將整個問題解決了。 買新電腦當然好，但所用的錢卻未必買了我所需要的東西。一部電腦除了display card之外，還有很多配件，sound card, motherboard, CPU, RAM, CD Rom, DVD Rom, transformer, case, cables…..當這些配件還可以用而又未outdated時，買新的就變成買不需要的東西了，錢就花得不值得了。

救命

當我們在危難時會叫救命。 在英文裡是Help。 其實你有沒有發覺，help的意思唔係救命。